鍾麗緹

鍾麗緹疑第4度懷孕 老公張倫碩透露風聲

2016年,藝人鍾麗緹(Christy)與細佢12年的大陸男星張倫碩結婚。日前,就有網民於社交網貼圖,影到鍾麗緹去咗醫院嘅婦產科,相中見到佢接受完超聲波檢查,面帶喜悅,因而懷疑有咗bb。

撰文:東方新地|圖片:微博、新傳媒圖片庫

47歲鍾麗緹懷疑有喜

現年47歲的鍾麗緹,於2016年與內地男星張倫碩結婚,本已育有三名女兒的她,揚言希望今年為老公生BB,完全無懼做高齡產婦!近日就有網友在社交網上載了鍾麗緹現身醫院婦產科的相片,相中見到佢著住彩色長衣搭配白褲,厚底白鞋步出超聲波診室,滿臉笑容,唔通好事近?

鍾麗緹準備好再做媽咪

早前她接受傳媒訪問時,指自己隨時都準備好再做媽咪:「睇吓點可以快啲有,醫生建議我哋唔好夜瞓,避免飲酒或者咖啡嘅飲品,盡量放鬆心情,可以做瑜伽同按摩或食啲有營養嘅食物,令身體更健康,先會容易懷孕。我哋會加油,有好消息就會公布。」

二人於2016年結婚,是鍾麗緹第3次結婚。
鍾麗緹要食多啲有營養嘅食物~

 

鍾麗緹老公有暗示

正當有唔少的網友估計鍾麗緹可能第四次懷孕的時候,張倫碩近日就喺微博貼咗張黑白照,並留言話:「萬事俱備,只欠東風,起風吧!哈哈哈」,難道係暗示自己就嚟要做爸爸?

在等風起?

當問到老婆是否懷孕,張倫碩則回覆傳媒:「暫時沒有好消息公布,只是去做一些準備懷孕的檢查,問下醫生有關準備懷孕的注意事項及飲食上的問題。如果有好消息一定會第一時間通知大家。」

鍾麗緹已有三個女

大家都知佢本身已育有三個女,大女Yasmine Ross是同第一任丈夫Glen Ross所生,其後與第二任丈夫嚴錚,育有兩個女嚴稚晴(Jaden)及嚴紫凝(Cayla,後改嚴稚稜)。值得一提的是,而家三個女兒都已改姓張,分別叫張敏鈞、張思捷及張凱琳。

大女張敏鈞。
二女同三女,張思捷及張凱琳。