鄧麗欣feature

閃盲網友對眼喇! 鄧麗欣、王子隔空傳情甜到漏

將滿35歲的Stephy鄧麗欣入行以來兩段情最為人熟悉,同方力申分手之後就同細自己五年嘅台灣藝人邱勝翊 (王子)相戀,據悉愛到發燒的Stephy,為冧王子不停送厚禮外,更幫口引薦工作畀男友,唔介意情侶檔賺錢,令入行12年、臨近30歲的王子終於升呢有得踏足歐洲大地! Stephy更愛到去台灣開飲品店,早幾日更為男友品牌衛衣宣傳,更獲男友大讚!
撰文:東方新地 | 圖片:StephyIG、 王子IG

鄧麗欣、王子隔空傳情甜到漏

近日Stephy仲為男友品牌衛衣喺IG賣廣告,獲得男友留言讚靚,閃爆網友對眼喇!

「老闆娘」梗係唔會放過任何一個賣廣告嘅機會啦,仲揾埋媒人應采兒著上衛衣影相添!

帶挈處男歐遊 鄧麗欣厚禮冧王子

今時今日,一個鐘機程往返台灣香港又算得係咩異地戀?有心又夠癡纏,就可以好似 Stephy 同王子呢對一樣,幾忙都實攝到位會一會。雖然脫離方力申後演技戲路大躍進,戲接戲檔期排到密麻麻,Stephy 一樣有能耐製造機會同王子見面,8 月中,王子飛到香港陪過七夕,之後 Stephy 被傳媒影到人肉速遞上王子寓所;到九月踏進巴黎時裝周,一樣無阻牛郎織女飛去歐洲拍番一個星期拖!

 Stephy
拍拖半年的 Stephy同王子首 次獲品牌邀請去到巴黎時裝情侶檔 睇騷,二人亦都 齊齊出 po放吓閃。

姐姐帶挈升呢

出道18年,Stephy形象正面,尤其近年戲路擴闊更被提名金像影后,所以一向深受各大時裝品牌喜愛,年年巴黎、米蘭時裝節一定被奉為上賓受邀到當地睇騷參與活動。據知情人士透露,今年撞正公布新戀情,亦都一手促成新歡掹車邊有得去歐洲睇埋一份:「 王子知名度喺台灣同內地雖然唔錯,但係始終拍劇都係偶像劇、台客本土味濃,除咗當地年青品牌,真係未試過同咩國際大牌有合作。今年被 Stephy 認愛真係幫咗佢人氣唔少,而且 Stephy成日會買禮物畀王子,又幫手出吓主意轉吓形象洗甩陣台客除,今次有得去法國都係Stephy提議同幫手拉攏,身邊朋友都覺得今次 Stephy 拍拖完全唔同以前咁內向,專登放閃似係想幫王子一把!」王子靠女友升呢, Stephy 重拾戀愛感覺,各取所需,難怪一拍即合。

Stephy約好姊妹食飯已經係 四個月前,閨密 Angela被 問到 Stephy對新戀情過度 投入時都不願多講:「我真 係冇意見!」以往提及姊妹 戀情都滔滔不絕的 Angela,今次為 Stephy護 愛苗竟封口。

首度七夕

雖然相差五年又分隔異地,不過 Stephy對呢份情明顯投入大量心神與時間,戲接戲一樣可以成日見,今年 8月更於七夕當天共度放閃。

讚完靚仔讚可愛

去巴黎順度拍拖,王子不停晒「女友視角」畫面,還將雞尾酒誤當水果茶,Stephy留言讚完王子「帥哥」,再讚男友「可愛」,想閃盲人對眼咩?

衝出亞洲好風騷

綜藝節目男團出身的王子出道 12年活動範圍都只限於東南亞及中國內地,今年初一搭上Stephy即時知名度大增,29歲仔亦因此首次踏足歐洲。

17歲出道,王子一頭招牌「棒棒堂」頭娘味濃,棒棒堂熱潮過後事業亦停滯不前,近日終於因為新戀情有突破。

狂晒名牌

衝出歐洲的王子,在IG不停晒名牌上身,Chok到爆!

同遊凱旋門

Stephy為陪首次歐遊的王子,化身自由行 去凱旋門觀光,再各自po相上IG。

豪遊三地

身為時裝周常客,Stephy早於上月起飛展開歐洲三國之旅,風騷放上機場起行照時,王子亦第一時間按讚。

睇騷遇上韓國女團「少女時代」前成員鄭秀妍(Jessica),王子即上前集郵。

鄧麗欣高調哂愛

幾個月前鄧麗欣(Stephy)於個人社交網分享一張攝於紐約嘅街景相,唔好以為係張平平無奇嘅相,其實仔細睇之下就會發現成張相嘅重點原來喺條街名度!皆因Stephy所影嘅除咗係大廈外,仲有街道名「Prince St」,唔通Stephy睹名思人?

Stephy更留言指:「天大地大 人來人往 彼此 走上了同一條道路上 不早不晚 不慌不忙 就在我抬頭的一剎那。」似乎係想暗示自己喺對的時間遇到對的人!

鄧麗欣

網民紛紛留言

有網民就為街道名「Prince St」作出幾個解讀,例如有網友就解讀成「王子街」、「Prince和st(Stephy)」、「Prince&Stephy Tang」等。

鄧麗欣

罕有高調示愛嘅Stephy就不斷被網友指佢公開示愛好sweet,亦有留言祝佢幸福,似乎唔少人都為Stephy搵到現實中嘅白馬王子 而感到高興!

男友秒速回應

不過,另一重點係王子喺Stephy po相後,瞬間已經秒速like咗個post,仲留言話:「C W L」有網友睇到都即刻話二人太閃!

 

「C W L」點解?

但見到王子留言嘅「C W L」,唔少網友紛紛留言求「C W L」嘅意思,有網友就話:「網絡上寫說是在說自己的名字」眾說紛揉,小編都好想知係點解呀!

另一邊廂,王子於個人社交網晒咗一張半裸騷肌相,網民除咗大讚佢身形靚爆,有腹肌又有胸肌外,仲有人留言話佢已經有女朋友,唔好咁暴露啦!

早前,Stephy喺出席活動時,默認同前棒棒堂成員王子低調發展中。其後,Stephy嘅「老豆」杜汶澤於個人社交網上載與王子嘅合照,留話表示「我鐘意」!

應采兒撮合二人

Stephy同王子同屬金牌大風,縱使識咗好耐,不過多年嚟工作上都從未有交雜,咁究竟佢哋係點發展㗎?!原來,係經由應采兒媒人約飯局,佢哋就認識並開始熟絡,咁就撮合咗呢對情侶啦!

Stephy
Stephy出席活動甜笑認愛

雖則呢場姊弟戀就相差5年,但Stephy都有信心話依家都2018年,大家接受能力都好高,仲叫大家畀啲空間佢哋咁話。

原來係應采兒約飯局撮合咗王子同Stephy~
原來係應采兒約飯局撮合咗王子同Stephy~

鄧麗欣願低調保護戀情

其實更早之前,Stephy已經被指喺4月與王子同遊蘇梅島,不過睇嚟當時佢哋都想護苗,所以嗰時就雙雙否認嘅~不過,認愛之後,Stephy就表示,希望低調處理感情事,因為根據佢嘅過往經驗,感情係兩個人嘅事,但因為身為藝人所以就變得好透明,而低調都只係想保護戀情。好啦,但小編都係想恭喜Stephy事業愛情兩得意,因為佢之前獲邀出席《第16屆紐約亞洲電影節》,成為首位獲得「亞洲新秀獎」嘅香港藝人,仲用英文致詞被網民大讚有進步添!

王子 Stephy
王子早喺5月2號就喺自己Facebook貼出同Stephy嘅自拍,好Sweet啊~

王子左右為難

另一邊廂,喺台灣嘅王子都於同日下午喺社交平台貼文,表示自己左右為難,叫大家愛屋及烏,似係間接認愛喎!睇嚟佢就怕自己啲粉絲嬲嬲豬,會連累Stephy被攻擊喇!不過,其實粉絲都係留言祝福居多,王子又唔使太擔心嘅~

王子
王子好似都幾保護戀情,仲發文同粉絲講自己左右為難,呼籲粉絲愛屋及烏
王子 Stephy
粉絲都有留言祝福佢哋

小方掩面:「別提了!」

至於前度小方(方力申),日前赴廣西工作時,就喺於IG開限時動態,同粉絲互動一下,點知竟然有粉絲問佢有冇女朋友!小方就更加以手掩面,大大隻字同粉絲講「別提了!」,同甜笑認笑嘅Stephy都有啲對比喎⋯⋯

方力申
仲大大隻話別提了喎!

其實小方Stephy分手之後一直都係再見亦是朋友嘅,之前一齊出席活動,小方仲係台上主動提出同舊愛Stephy握手,嚇到Stephy一面錯愕但都有大方合照。不過小編就隔住個Mon都覺得尷尬喇⋯⋯

方力申 鄧麗欣
之前小方Stephy一齊出席活動

雖然小方就話「別提了」咁啦,但其實喺佢嘅另一個限時動態入面,當小方同大家介紹緊自己睇世界盃有咩宵夜食嘅時候,就無啦啦有個神秘女子一不小心攝咗入鏡,嚇到小方要連忙澄清,大呼:「佢唔係我女友我講多次⋯⋯」

方力申 IG
小方鏡頭下嘅神秘女子都有怕羞掩面

雖然Stephy小方呢對情侶當年真係好深入民心,不過話咁快都過咗兩年幾,依家見到Stephy笑得咁甜咁開心,小編都好真心祝福Stephy王子呢一對!唔知小方又會幾時先會同大家提下佢嘅女朋友呢?