阮政峰

阮政峰憑《開心速遞》彈起 原來係首代「蔥蔥」!

最新娛聞

廣告

《愛.回家之開心速遞》嘅演員晚晚陪住大家食飯,同觀眾距離近咗,自然就多咗好多人留意啦!其中,喺劇中飾演池子孝嘅阮政峰同飾演熊心如嘅蘇韻姿做情侶大受歡迎,更有傳兩人戲假情真㖭啊!不過,近日就傳出阮政峰另一個不為人知嘅秘密,想當年仲未有人識嘅佢,竟然做過呢件事⋯

撰文:東方新地
圖片:新傳媒資料庫、阮政峰 Instagram、《放學ICU》截圖

阮政峰 憑《開心速遞》彈起

無綫處境劇《愛.回家之開心速遞》已經播咗一年有多,溫馨小品比起勾心鬥角嘅劇情更加受歡迎。劇中情侶一對對,戲裡甜到出戲外,喺劇中飾演池子孝嘅阮政峰同飾演熊心如嘅蘇韻姿呢一pair,觀眾大愛!而阮政峰亦憑呢一個角色,得到好多人支持,終於嗌得出佢個名啦。

佢哋之前仲一齊跳「情侶手勢舞」,阮政峰仲偷偷地錫咗對方一啖,勁sweet!

阮政峰 新劇都有份!

阮政峰成功入屋後,多咗好多機會演出,原來無綫新劇《果欄中的江湖大嫂》都有佢份啊!劇中阮政峰飾演重案組探員,仲要係香香嘅表弟,日前都有份跟大隊出席宣傳活動,可見阮政峰已經慢慢上位中啦!

阮政峰參加《功夫新星》入行

其實早喺阮政峰8歲嘅時候,佢已經開始打功夫,太極拳、刀槍劍棍,乜都識!阮政峰好清楚自己將來嘅路想點行,佢話佢好想以打功夫入到演藝圈,所以喺2011年參加咗無綫節目《功夫新星》,希望有機會做到動作演員!

《放學ICU》竟有阮政峰份?

《功夫新星》完結後,阮政峰就加入咗TVB第25期訓練班,之後就被分配咗去兒童節目組。當年《放學ICU》嘅吉祥物「蔥蔥」,相信大家都好熟悉,邊個估到頭套下嘅人,竟然就係阮政峰?!

阮政峰指當年被派到兒童節目組其實冇唔開心,因為對佢呢個電視初哥嚟講,所有節目都非常新鮮。去《放學ICU》扮演「蔥蔥」其實都有段故,第一代「蔥蔥」其實唔係演員,有啲hea做,毫無生氣,監制就想換人!咁啱當年監制睇中阮政峰夠活潑,又有啲口才,就畀機會佢試做主持!

阮政峰扮「蔥蔥」原來都扮咗成年咁耐,雖然戴著頭套冇人知係佢,不過佢到依家都好感激呢個機會,仲話「蔥蔥」幫咗佢很多。佢補充指其實佢扮「蔥蔥」係一個秘密,直到《放學ICU》完咗,先可以話俾其他人知佢有份參與!

好似阮政峰咁默默耕耘,一邊做,一邊增值自己,當機會嚟嘅時候就可以好好表現啦。阮政峰由冇人識、冇人知嘅「蔥蔥」到依家人氣高到人人叫得出佢個名嘅「池子孝」阮政峰,就係一個好例子啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!