馬國明

「天然呆」真係好可愛 馬國明玩微博自製「紅V」

TVB藝人馬國明雖然粉絲無數,但就唔似其他藝人活躍於社交平台,得閒會同粉絲交流交流。不過上月馬國明終於開始玩微博!而且非常幽默地自製「紅V」,網民都激讚馬明BB真係好可愛!

撰文:東方新地|圖片:馬國明-Kenneth 微博


「天然呆」真係好可愛 馬國明玩微博自製「紅V」

現今世代,唔少藝人都用心經營Facebook、Instagram及微博等社交平台,不時分享生活照、「福利照」,又可以同粉絲緊密交流。就連一向絕緣社交平台的馬國明,上月都終於開了微博帳號!馬明開通微博後似乎上晒癮,幾乎日日都更新微博,不過第一張相就唔見女友黃心穎~

馬國明
馬國明微博第一張相係同《飛虎之雷霆極戰》演員黃宗澤、吳卓羲合照。

馬國明微博短時間已經有接近8萬粉絲!

V認証來了

話晒初踏入微博的世界,馬國明可能未熟悉微博操作,至今仍未得到「紅V」字新浪認證,所以網民紛紛留言提醒佢,於是馬明就擺出V字手勢自拍出post回應:「看見很多評論……都說想要認証……好啦好啦……V認証來了…yeah…」

馬國明
V認証來了!

最近馬明同苟姑娘拍戲,並留言:「拍戲真好……每套戲都可以跟不同美女發生感情……我 最新 “飛虎” 老婆…」唔見心穎BB嬲豬?!

馬明真係好可愛……

馬明的幽默感真係唔講得笑,雖然未獲「紅V」字新浪認證,但佢竟然諗到一條絕世好橋,就係每張相都加個自家製紅V,連頭象圖片都加埋!網民都想問馬明真係好可愛……

加完紅V,仲加枝煙仔俾自己,不過馬明係想講吸煙危害健康,順道呼籲大家少吸煙!


馬國明式幽默不斷為網民帶來歡樂,佢留言:「看到很多評論……發覺大家越來越失控越來越過份……希望大家學會尊重別人……照顧別人感受……本人……馬明……由第1天演戲開始……從來都是走萌萌、可愛、幽默、得意、搞笑路線……形象只得1個字…… “型”……yeah……死未…」

不過呢種幽默似乎唔係個個網民都識欣賞,所以馬明解釋:「其實我已加咗表情 ……加咗文字 星期天……笑下啦⋯都仲有人誤會我唔知什麼叫 認証……真係 冇眼睇……希望大家多d 幽默感 啦…不過 還好 有好多都識笑……謝謝你們……謝謝你們 」

馬明都冇眼睇!

近日馬明更出了張得一個紅V的空白照,並寫道:「馬國明放假1天……」看來佢真係攰啦,大家放佢一馬啦!

延伸閱讀:

黃心穎 馬國明錫錫親密照網上流出?

黃心穎早前已預告自己會旅行,早前佢就喺IG分享旅行照,相中見到佢身穿綠色比堅尼,享受陽光與海灘,但最後係只得背面睇!連「豹嫂」胡蓓蔚都留言話想睇正面!

黃心穎


黃心穎
心穎BB聽到大家的訴求,好快就補多張正面泳衣照益大家!

不過唔知心穎BB係咪近日清減了,似乎以往的泳衣照比較有睇頭?

黃心穎
黃心穎泳衣照真係激罕見!

黃心穎
唔知邊個揸機呢?

講到黃心穎對上一次以三點式泳衣公開示人,可能真係要數到2012年選港姐時!事隔六年,大家又覺得心穎BB有冇咩唔同呢?

黃心穎


|黃心穎 馬國明錫錫親密照網上流出?

黃心穎去旅行,心情靚爆晒泳衣照,不過大家更關心的,其實係啲靚相到底係咪男友馬國明操刀呢?心穎同馬明雖然從未公開拍拖照,不過日前竟然有兩人合照喺IG流出?其中呢張相見到心穎撐緊船,而馬明就喺海中望住BB喎!

N

另一張仲誇張,背景為藍天白雲加海灘,著住背心的馬明喺鏡頭前錫錫心穎BB面豬,睇佢笑得幾甜!喂不過睇真啲,馬明個動作好似有啲唔自然咁,佢呢個髮型同埋件背心…… 好似咁熟口面嘅?

N

認真你就輸了

認真你就輸了!大家睇真啲都明白其實係改圖,呢位IG版主用以下兩張心穎BB的IG相創作,第一眼都幾乎被佢呃咗!

本來個海係咩都冇的。

黃心穎
心穎BB真係笑得好燦爛!

重溫馬明錫Coffee面豬

相中馬明個錫錫動作,其實係來自2013年《衝上雲霄II》中,飾演花心機師的馬明同林芊妤(Coffee)有場沙灘調情戲,當中馬明從旁錫Coffee面豬,而著上三點式泳衣的Coffee狂騷逼爆上圍,視覺效果一流!但相信呢個組合都唔會再出現了。


仲有呢幕Coffee反壓馬明都夠晒火辣!

見到呢張相,連心穎BB都忍唔住讚改得好!

|版主愛改圖

睇番呢個IG帳號都有成1萬三千幾followers,平時專係發放一啲同馬明有關的新聞、相片及影片等等,不過估唔到版主改圖都有一手,不時都會上載馬明同心穎的P圖,都算係滿足到雙方粉絲的少少幻想啦~

N

N N