高海寧

高海寧性感回歸 重溫超經典「象鼻頂胸」

最強精選

廣告

高海寧早前揚言會收起性感,希望大家可以欣賞佢喺其他方面的努力,令唔少男士大感失望!不過呢晚高海寧出席活動時猶如性感女神強勢回歸,大晒洶湧上圍成為全場焦點,性感到佢自己都話有啲緊張!難得高Ling再次賣大包,依家不妨重溫一下佢多年來性感之路~

高海寧性感大解放

高海寧、陳凱琳、何傲兒及準新娘雨僑等一眾女星昨晚盛裝出席活動,其中全場最搶鏡絕對係高海寧,佢上身只著了一件絲質超低V吊帶背心,外面掛多件外套,D Cup上圍洶湧澎湃!難怪高Ling自己都話:「自己都好耐冇試過咁性感,好緊張!」之前高Ling先講過會減少性感,唔通2018年打算強勢回歸?

高海寧呢身低胸裝,令現場溫度爆升!
高海寧呢身低胸裝,令現場溫度爆升!

高海寧十年前選港姐

南京姑娘高海寧今年31歲,喺十年前參選2008年港姐競選,由於身材實在太突出,高Ling入圍不久已經備受關注,並被外間視為大熱。最後高Ling三甲不入 (三甲為張舒雅、陳倩揚及馬賽),不過隨即成為無綫旗下藝人,踏入娛樂圈。

高海寧

「象鼻頂胸」超經典

既然身材係最大賣點,高海寧當然唔會吝嗇,次次見人都谷到盡,2009年時高Ling去泰國拍攝《美女廚房》特別版,著住低胸吊帶背心的高Ling被象鼻夾起,洶湧上圍即「奪衫而出」,非常誇張,堪稱經典!

高海寧被象鼻夾起,洶湧上圍即「奪衫而出」
高海寧被象鼻夾起,洶湧上圍即「奪衫而出」

高海寧出道後幾乎與「咪神」、「性感女神」劃上等號,無論出席活動、拍戲拍劇集還是綜藝節目都定必性感示人,大家亦清一色將焦點集中在其身材上。

高海寧

高海寧:封胸有得有失

高海寧近年開始漸漸收起性感,佢希望大家唔好過份注重係佢身材上面而忽略佢演出嘅努力,雖然「封胸」導致佢少咗工作機會,但係佢就話唔介意有一段時間可能會失去一啲job或者角色,因為唔跨過,永遠都唔會有進一步嘅路、行得再遠啲。

高海寧

雖然高海寧唔係話包到實晒,久唔久都輕輕晒身材,不過相比以前已經保守咗好多啦!

高海寧

圈中出名孝順女

高海寧工作向來不錫身,毫不吝嗇大晒豐滿身材,難免令人有啲負面印象,但其實佢係圈中出名的孝順女、好家姐!高Ling永遠把家人放在首位,每逢大時大節都一定將時間留畀家人,聚埋一齊食飯,更不時於網上分享家庭照,非常孝順!

高海寧

高海寧 高Ling弟弟大學畢業,姊弟情深,不少人留言大讚兩人非常似樣!
高Ling弟弟大學畢業,姊弟情深,不少人留言大讚兩人非常似樣!

高Ling在娛樂圈打滾多年,一直願望儲夠錢買樓同家人同住,佢2015年時買入油塘一個新盤單位,去年終於由買家變業主,正式收樓,難怪與家人一起興奮晒V!

高海寧

外婆是一生中最愛

高Ling時常惦念遠在南京的婆婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,仲話見到婆婆的笑容就乜都值得!每次一談起外婆,高ling總顯得特別感性:「你陪我長大我陪你到老」,亦祝福婆婆健健康康,可以繼續陪著佢,這份跨越兩地的婆孫情實在教人感動。

高海寧

撰文:東方新地圖片來源:新傳媒、IG、高海寧facebook