黎明

【獨家新相】 黎明新寵Wing Chan 陀B出巡狂掃貨

早前本刊獨家爆出黎明離婚六年感情再有滋潤,去年開始寵幸失婚女助手Wing Chan,而本刊近日再次收到可靠消息,指阿Wing狗年報喜將榮升人母,現時陀B六個月!早前阿Wing由黎明寓所出發去shopping,見到佢腹大便便、剪了頭短髮,掃家品、睇BB床,連車都睇埋!

撰文:東方新地|圖片:東方新地

黎明女助手新寵曝光

外界都以為黎明未走出情傷,但其實他去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。成為天王新寵不特止,本刊近日再次收到可靠消息,指阿Wing狗年報喜將榮升人母,現時陀B六個月!

黎明
黎明新寵Wing Chan
黎明
黎明新寵Wing Chan
黎明
黎明新寵Wing Chan

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

黎明
阿Wing試坐後同經紀密密斟。
黎明
阿Wing對呢部價值約35萬的七人車甚有興趣,仲拎手機出來影低部車。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

黎明
阿Wing逛完家品店又狂掃籐器,自己一手一腳搬上床。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。

黎明
當日阿Wing喺呢間日本嬰兒家具品牌店行咗好耐。
黎明
阿Wing對呢張可延伸的BB床特別有興趣,BB床連同日本製被具及其他床具等,共值約7千元。