黎明

黎明榮升爸爸 天王經典金句重溫

黎明日前公開宣布今年榮升爸爸,人生將會進入另一新階段,恭喜恭喜!貴為天王嘅黎明現年51歲,入行至今超過30年,正所謂「薑愈老愈辣」,黎明就愈來愈有智慧,近呢幾年出席大小場合時都會有金句爆出,唔少都值得深思!唔知佢第會唔會用金句教小朋友?

撰文:東方新地

黎明隨心兼隨緣

曾經,黎明講過「好多事情可遇不可求,通常有目的有意識去做都唔會成功,反而隨意去做可能有意外之喜。」黎明唔知係咪抱住呢個隨意嘅心態去「造 」,日前宣布自己即將當爸爸,並表示「兩個經歷過離婚的人,有機會走在一起已是一種缘份」呢句就啱啱好match番佢以前講過「有無機會拍拖,同見鬼一樣,都係要講緣分嘅!」

黎明金句深入民心

呢幾年以嚟,黎明唔少金句無厘頭之餘又富有幽默的智慧,依家就等我哋一齊重溫!

 

「攝影記者就好似我爸爸,文字記者就係媽媽,成日催我幾時生,反而真正嘅父母就冇問過,呢啲自然嘅嘢,自然流程有就會有。」

日催夜催終於催到喇,黎明做埋老竇,記者「父母」們倍感安慰~

「有無機會拍拖,同見鬼一樣,都係要講緣分嘅!」

所以小編都依家都未見過鬼,又未拍過拖……

「坎坷過後有艇搭!」

堅呀!情路上波折重重嘅黎明今次真係有艇搭呀!

「借錢如送禮,還錢如乞米。」

非常押韻又非常到肉嘅金句之一,相信有借過錢俾人嘅朋友,都會大力點頭同意。

「核心嘅外圍係核心嘅內圍」

即係外圍定內圍?相信大部分人同小編一樣都好亂……

「我唔可以空肚食早餐。」

呢句話說係來自杜汶澤搞嘅爛Gag,黎明本意是空肚不能食「生冷」的東西,但最後就變咗街知巷聞嘅「空肚食早餐」。

「如果魚柳包裏面嘅魚柳變咗就唔係魚柳包。」

話說黎明曾被問髮型點解多年不變,黎明就話自己早年去英國讀書時已經係咁,呢個係習慣,並以魚柳包做例子。

「結了就婚(分),注了就冊(撤),喝了就酒(走)。」

唔知黎明接下來會唔會再踏上婚姻之途呢?

「如果畀我製造浪漫,我想有一個魔法,可以變走晒啲記者。」

黎明都係想吓好啦,記者朋友們都係搵食啫。

「我豁達,所以我唔介意別人說我不豁達。

人哋話黎明唔豁達?冇所謂,因為佢夠豁達。明晒。

仲有好多好多,不能盡錄……

  • 「衞蘭肥過部電單車」
  • 「有法例之前,都試過醉駕,我飲咗酒揸車叻過平時。」
  • 「最近好多豬流感,創作就係咁,係要有靈感。」
  • 「所有嘅美德都可以偽裝,只有修養係內在的。」
  • 「男人嘅魅力來自工作,男人一旦退休離開工作,就已經喪失魅力。」
  • 「唔好理人哋點睇,反正無論你係好人定賤人,都會有人覺得你係賤人。」

延伸閱讀:

黎明認戀女助手 狗年做老竇

關鍵詞
金句黎明