黎耀祥

黎耀祥爆料 佢呢世都唔想再合作嘅女藝人!

無綫旅遊節目《公公出埠》,由黎耀祥、黃浩然、蕭正楠及曹永廉四位好兄弟去泰國布吉吃喝玩樂,增進hehe巴打情之餘,仲有一個「告密環節」!其中祥仔大爆一個佢呢世都唔想再合作的女藝人,究竟佢衰咩呢?大家又估唔估到係邊個呢?

《公公出宮》hehe巴打情

《公公出埠》緊接《Do姐再Shopping》的十點半檔播出,由曾演出《大太監》及《公公出宮》的黎耀祥、蕭正楠、黃浩然及曹永廉主持,四人在現實中同樣是好兄弟,去到布吉吃喝玩樂,你寸吓我我笑吓你,真情流露,觀眾最buy!

黎耀祥爆料

每集《公公出埠》都有一個「公公告密」環節,四個麻甩佬爆大鑊,而呢集題目係「講出一個你呢世都唔想再合作嘅藝人」,結果抽到由祥仔講。雖然祥仔出名好脾氣,但原來都有一位女藝人,佢永遠都唔想再合作!

呢世都唔想再合作嘅女藝人

之後祥仔開始憶述,話多年前同鄭伊健拍一套古裝,有一位女藝人同佢哋有較多戲份,但佢真係呢世都唔想再同佢合作!

「蒲台島島主」?

而呢位女藝人出晒名叫「蒲台島島主」,祥仔解釋:「蒲親都要(俾人)抬出嚟嘅!」

掛住去蒲,第二朝外景早班就當然拍唔到啦,祥仔指當時劇組先出發拍住先,睇吓女藝人晏晝會唔會到,結果就當然係全日無影啦。祥仔更指呢個情況係試過好多次,超過十次以上!咁就難怪佛都有火啦。

阿廉聽畢即刻話:「都好離譜喎,我未見過你發脾氣嘅」祥仔即抵死回應:「我真係好少發脾氣,除咗鬧你!」

原來係呢套劇!

咁到底祥仔口中呢位「蒲台島島主」係邊位呢?大家都議論紛紛。翻查資料後,有祥仔有伊健的古裝片,仲有個同佢哋多對手戲、而又喜愛夜蒲的女藝人,相信就係1994年播出的《射鵰英雄傳之南帝北丐》啦!

陳加玲 喜愛夜蒲

劇中同祥仔及伊健較多對手戲的,就係飾演劉瑛姑的陳加玲!同時佢亦出名係個蒲精。陳加玲1985年時被黃百鳴發掘出演《開心鬼放暑假》,後來與李麗珍、羅美薇等組成「開心少女組」,對年輕一輩讀者可能比較陌生。

不過陳加玲早年已淡出幕前,在泰國、日本等地都有投資生意,早已不再是個藝人,祥仔應該呢世都唔會再同佢合作㗎啦!