龔慈恩

龔慈恩拍《飛虎》凍齡有術 18歲仙氣囡囡獲劉華欽點拍戲

《飛虎之潛行極戰》承接《棟仁的時光》於翡翠台逢星期一至五晚上9點半播出,而喺首集演高級警司高逸泰(吳岱融飾)妻子嘅龔慈恩,滿心歡喜去睇老公在授勳及升職儀式,點知吳岱融被要脅在台上說出自己曾有另一段情,龔慈恩真係顏面何存!

之不過呢啲都係做戲啫!現實中嘅龔慈恩同丈夫林煒有個幸福家庭,仲育有個有樣、有才華、有仙氣嘅18歲囡囡林愷鈴 (Ashley)!Ashley早喺13歲開始跟住媽媽出席首映、行處女騷,當時已經被各大經理人公司吼到實,雖然當年兩母女一直口徑一致,話冇興趣入行、讀完大學至算,但其實Ashley已秘簽大導杜琪峰旗下經理人公司,更獲劉德華欽點拍青春電影《熱血合唱團》!

撰文:東方新地 | 圖片:TVB、新傳媒圖片、龔慈恩微博林愷鈴IG