江嘉敏

2017人氣搜尋女神江嘉敏 出trip索爆泳衣照重溫

新一代宅男女神江嘉敏(Kaman),擊敗神奇女俠Gal Gadot和話題港姐雷莊𠒇,成為2017年Google人氣搜尋女藝人!近年忙於拍劇的Kaman,其實曾跟《新假期》出過不少Trip,除了去文青feel嘅日本和台灣,仲去過馬爾代夫,大晒噴血身材呀!

Text:孖田|Edit:Kathy|Photo:新傳媒資料室|Source:Gotrip

江嘉敏 人氣搜尋第1位

江嘉敏憑大台劇集《親親我好媽》火速入屋,憑劇中角色嚴茜瑜獲提名頒獎禮女配角,入行年資不算長。

這張男友視覺,樣子清純,無過份「人工化」的靚樣,天呀!
這張男友視覺,樣子清純,無過份「人工化」的靚樣,天呀!

入大台前,Kaman其實拍過獨立電影同港台劇,她不算好靚,但順眼、清純女學生形象令人形象深刻;剛公布的Google香港2017年熱爆搜尋女娛樂名人中,江嘉敏跑出榮登第一名!證明清純玉女形象係男女通殺!

其實Kaman 2012年已入行開始拍微電影,影相扮家政婦比結衣BB絕無輸蝕。

Kaman 不只樣子甜美,性格更是真性情!不如回帶看看,她與《新假期》去過的日本、台灣同馬爾代夫的內容吧!

太可愛!聞說Kaman私下勁鐘意食嘢,唔似得有啲女仔扮細食,咁都瘦,羨慕!

1. 文青女神Look@宜蘭

話說Kaman 2014年剛拍過麥曦茵執導的《曖昧不明關係研究學會》及港台劇,開始為大家所認識。閒時也有接Model工作,這次第一次同《新假期》來到台灣宜蘭住民宿,盡顯文青動靜皆宜的一面。

宜蘭 文青氣質遊(2014年)

帶無死角模特兒出trip,對攝影師嚟講最易返到靚相。

Chur爆行程 影相即入戲

不要以為Kaman日日住靚民宿就好正,其實旅遊記者生涯出名地獄(嗚嗚⋯⋯),Kaman朝朝晨六咁早起身化妝, 由食早餐開始影,Chur 盡一日又轉民宿,都未計有兩日攝時間太平山國家公園去行山影紅葉。不過新入行的她都咁專業,抵佢紅!

Kaman識鋼琴達演奏級,又讀名校,文青外型女仔都Buy。

台灣之行集中在宜蘭好山好水的地方。Kaman 住了3間民宿,中間踩單車(但文章無乜著墨),又去太平山國家公園看紅葉、整溫泉蛋,大多數時間就留在民宿影靚相、做訪問。

在太平山國家公園整溫泉蛋,要忍住熱影相,個樣幾趣怪!
平時Kaman 都會踩單車,影文青造型,easy啦。

出trip不為交差 全情投入旅程

好多Model出trip在鏡頭前入戲,表現出好味道或者好當地人有互動,但一熄機便不交戲,繼續玩電話對世事不聞不問,但Kaman是少有會enjoy旅行嘅model,所以鏡頭前後都好易捕捉到她與當地人談天的小動作。

同Kaman出trip的記者回憶,私下Kaman好爽朗。
和民宿的主人和小柴犬,Kaman玩到勁開心。

 

在民宿訪問時,Kaman都樂意聽主人講故事,完全無明星架子。

2. 甜到漏靚女Look@京阪神

鏡頭之下,當時的記者憶述,Kaman都真的很喜歡食甜品,每款都好有興趣試,絕不扮細食懶矜持。但Kaman都好有禮貌、好識做,問過大家先開動。(真的有Model為食到相都未影完就食,阻住大家做事!)

關西甜品之旅(2015年)

來到京都的人氣和菓子店,和老闆合照笑到見牙唔見眼。

 
記者叫Kaman擘大個口食,她無嫌甫士唔靚!

慳妹出Trip唔亂買嘢

Kaman在早年的訪問有提過,自己好鍾意演戲,為了Casting 同多點演出經驗,平時的Job無錢都會接。所以記者憶述當時去到日本,Kaman 不會瘋狂Shopping,是「慳家敏」一名。但就好愛錫妹妹,不買東西給自己都要買手信給妹妹!

招牌式開朗笑容。

3. 賢妻家政Look@東京

再來日本,今次Kaman來拍攝東京爆買家電家品特輯,據知Kaman雖然出身小康之家,不過也會在家煮飯,對於拍攝時的飯煲、焗爐她都有興趣。

東京爆買紀行(2016年)
去Bic Camera影相,著件工作人員衫,我實幫襯呢位店員!

罕見入廚賢妻造型

Kaman劇中多數都演清純學生,今次同《新假期》去東京買家電,要她扮賢妻都無難度,據記者講有不少食物都是Kaman幫手處理!

據知Kaman對飯煲都好有興趣。
招牌甜笑,睇嚟扮演月薪嬌妻都無問題。
扮吸塵又晒下長腿。

 

最後來多個長腿Look,煞食!

4. 激罕女神三點式@馬爾代夫

今次去到人生必去的Dream place之一馬爾代夫,Kaman都不介意來點健康性感!當時入住成萬蚊晚的Amilla Fushi名貴Resort,一入到二千多呎的私人別墅,Kaman忍不住在房內跑圈兼飛奔上床做金絲雀!

馬爾代夫大解放(2015年)

 

微風輕吹,站在馬代最正的水上屋前淺灘盡晒修長身形。

健康做瑜珈,Sport Bra造型碎料。

Kaman甜美又「貼地」,難怪大家都喜歡她,希望她明年繼續大紅大紫!

呢個封面位,據攝影師講試咗幾shot就收貨!

 

三點式坐床上,喂!唔好再FF!
呢張男朋友視覺真係無敵!超多幻想空間!咪心邪,我指超甜美笑容,救命呀!

 

三點式出浴照!無懼水沖落嚟的素顏樣!

去片: