黎明

黎明認戀女助手 狗年做老竇

早前本刊獨家爆出51歲黎明離婚六年感情再有滋潤,去年開始寵幸失婚女助手Wing Chan,而本刊近日再次收到可靠消息,阿Wing狗年報喜將榮升人母,現時陀B六個月!報道出街後,連日來大批傳媒在黎明的公司及寓所外苦苦守候,黎明一直閉關未有現身回應,直至今日以影視娛樂大使身份出席活動,黎天王全程風騷,但活動後急閃回家未有回應任何提問。事隔幾個鐘後,黎明在facebook宣布喜訊,承認與32歲、同樣離過婚嘅女助手阿Wing交往,且女方已懷孕,恭喜Leon!
撰文:東方新地|圖片:新傳媒圖片庫

51歲黎明 即將做爸爸!

黎明今日下午喺會展出席活動,Leon貫徹對感情事低調作風,不接受傳媒訪問,但見他全程笑笑口表現好風騷,心情超靚,活動完結後他即返上水豪宅。

未幾黎明在其FB專頁寫著﹕「兩個經歷過離婚的人,有機會走在一起已是一種缘份,有了的小生命更將令我成為父親,并帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。2018年3月19日! Leon” 」

黎明
黎明便在Facebook正式承認喜訊,他說:「兩個經歷過離婚的人,有機會走在一起已是一種緣份,有了的小生命更將令我成為父親,並帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。」

黎明 預告不接受訪問

今日大會事前張揚話黎明不會受訪,出席活動後會即刻閃人。活動開始時,黎明身穿白裇衫襯蝴蝶冷衫現身,他獲大會安排坐於嘉賓席,見Leon面露微笑和同場嘉賓有傾有講,心情明顯靚爆。

黎明
活動上,大會事前表明黎明不接受訪問。
黎明
穿黑色印花針織上衣的黎明心情大好,司儀問到黎明如何呼籲年青人參與,他謂很多人有志願加入娛樂圈,又言不介意外型學識,最重要有創意和信念。
 黎明
黎明今日以影視娛樂大使身份出席「香港影視娛樂博覽啟動儀式」。
黎明
快將做爸爸的黎明,今日著住蝴蝶冷衫出席活動!

活動後急返家

活動結束後,黎明未有回應記者提問,急坐七人車返回位於上水雙魚河St.Andrews Place的6千呎獨立屋。

黎明
黎明活動後快閃趕回家,相信是趕住陪伴懷孕的阿Wing!

黎明女助手新寵曝光

外界都以為黎明未走出情傷,但其實他去年已有著落,與其唱片公司AMusic的女助手阿Wing過從甚密!獲黎明寵幸的阿Wing進駐上水雙魚河St.Andrews Place的6千呎獨立屋,又在AMusic任營業部經理,可以話係打晒骰。成為天王新寵不特止,本刊近日再次收到可靠消息,指阿Wing狗年報喜將榮升人母,現時陀B六個月!

黎明
黎明新寵Wing Chan
黎明
黎明新寵Wing Chan
黎明
黎明新寵Wing Chan

黎明新寵阿Wing 陀B出巡

這段養胎日子,阿Wing繼續自由出入黎宅,早前本刊拍得黎明由司機接載離開寓所工作,之後阿Wing獨自駕車外出,直駛沙田「Homesquare」,該處集中售賣家具及家品。現場所見,阿Wing當日身穿白色薄羽絨內襯黑色連身短裙,下車後清楚可見佢腹部已明顯隆起,目測已懷孕六個月以上,不過佢未有水腫,而且健步如飛。

黎明
早前阿Wing由黎明寓所出發去shopping,見到佢腹大便便、剪了頭短髮,掃家品、睇BB床,連車都睇埋!

睇中七人車

據知阿Wing已為生B作好準備,早前把頭髮剪短,以免搶去BB營養,看她精神不錯,腳骨力特好,行足幾個鐘頭街都未見要休息。入到商場,阿Wing第一時間行到車行,望住門口陳列價值約35萬的七人車「Noah」,佢睇得入神更用手機影低,車行經紀見佢一身名牌似足闊太,即落足嘴頭力Sell,除殷勤招呼上車試坐,又埋枱傾價錢同細節。

黎明
阿Wing試坐後同經紀密密斟。
黎明
阿Wing對呢部價值約35萬的七人車甚有興趣,仲拎手機出來影低部車。

之後阿Wing拎住新車資料離開,還邊行邊研究。據知呢款車與黎明得力助手子泉駕駛的七人車同款,阿Wing為方便產後與B外出,亦想把現時駕駛的福士小房車換成七人車,與子泉睇齊。

黎明
阿Wing逛完家品店又狂掃籐器,自己一手一腳搬上床。

再睇BB床

其後阿Wing再折返商場逛嬰兒家具店,主攻日本品牌的BB床及被具,見佢細心研究每張床的資料,最後睇中一張可延伸長度及與大人床拼接的BB 床,不過佢未有落訂購買,並向售貨員表示要與家人商量後先決定。

黎明
當日阿Wing喺呢間日本嬰兒家具品牌店行咗好耐。
黎明
阿Wing對呢張可延伸的BB床特別有興趣,BB床連同日本製被具及其他床具等,共值約7千元。

【獨家新相】 黎明新寵Wing Chan 陀B六個月