香港小姐

盤點8位極受網民喜愛港姐 唔係冠軍一樣紅得起!

最近,選出咗今屆嘅香港小姐,雖然唔知今年嘅冠亞季係咪大家心水,但有一樣嘢可以幾肯定講個港姐傳說俾大家知,就係一個通常唔係冠軍先會紅。回顧過去,港姐得獎者甚至落選佳麗,其後同樣獲得網民支持同喜愛,依家一於睇睇有邊幾位啦!佢哋又係唔係你嘅心水?

撰文:東方新地|圖片:新傳媒圖片庫、Instagram

8位極受網民喜愛港姐 唔係冠軍一樣紅得起!

朱千雪

朱千雪係2012年香港小姐季軍,參選時深得網民支持,在多方面民意調查的支持度均領先其他對手。當年無綫電視首次推行一人一票選出港姐冠軍,朱千雪因而成為大熱。而且,其代表作《EU超時任務》飾演的Madam Ling凌晨風令人留下深刻印象,成功俘虜網民心!

香港小姐

之前,千雪bb上節目《街坊廚神舌戰東京》做嘉賓,怒吼金剛,勁大聲鬧爆金剛︰「呢邊咁大個水喉你唔開!」被網友大讚夠真性情!

香港小姐

千雪bb人前人後總是展現燦爛笑容,談話親切如同鄰家女孩,令人覺得相處時好舒服!早排又再次重返學生生活,報讀城大法律博士學位,名副其實有樣有學歷!

劉佩玥

2013年季軍嘅劉佩玥(Moon)笑容甜美,早排所拍攝幾部電視劇中所飾演嘅角色都獲得唔少觀眾讚好!

阿moon可叫成功入屋,亦係近年TVB「最強小三」之一,憑藉在《幕後玩家》中飾演小三Emma,與Bosco 互相調情,唔少網民都大讚好睇!身為港姐出身的她樣貌與身材自然不差,而她在小三這個角色中所展現出的魅力和媚惑,令人難以忍受,被網民大鬧「賤格」!

大受網民歡迎嘅阿moon仲係宅男女神之一,推出個人寫真,大方展現身材!不過,相信唔少粉絲應該都好想快啲再睇到佢喺電視劇集嘅演出!

張秀文

大家可能未必記得佢係2010年嘅港姐亞軍,但就一定會記得佢係無綫「咪神」之一!

原來佢內裡係名小宅女,空閒都會玩手機遊戲,所以都係宅男女神之一!加上,憑住34D驕人上圍,成功俘虜唔少網民成為佢嘅粉絲!

不少出席活動都唔介意大騷「胸」器,幾乎次次都會性感打扮到場,一對湯碗胸更係極吸睛!

張秀文對湯碗胸,係咪可以夾死蟻!

馮盈盈

馮盈盈一向為人直率,雖然港姐冠軍出身,但就有另於一般港姐行高貴斯文路線,反而說話大膽,粗口、性話題統統都唔會忌諱,因講嘢夠貼地同唔做作而受部分網民追捧!

最近,新一屆港姐出爐,盈盈亦有幸擔任當晚司儀之一,隨後亦獲唔少網民大讚佢當晚做司儀嘅表現!

劉穎鏇

今年21歲,擁有青春無敵的甜美外貌加上174cm模特兒身材嘅2016年港姐亞軍劉穎鏇一直冇咩花邊新聞,平日亦愛做運動,形象健康!

上年,劉穎鏇仲加入咗節目《學是學非》大增出鏡機會,做得是非精嘅女主持個個都有一定人氣,加上是非精嘅形象一向都非常入屋!

加上,佢豐滿嘅上圍兼青春無敵,外在條件無得輸,仲唔成功擄獲網友嘅心!

麥美恩

雖然麥美恩Mayanne)當年選港姐員得梗頸四,但仍無阻佢喺娛樂圈嘅發展!

Mayanne大受網民喜愛嘅原因,相信都係同佢傻大姐兼麻甩性格嘅真性情有關!

Mayanne份人自然唔造作,又唔介意扮醜博觀眾一笑,就算成日被人寸都好好EQ!抵佢深得觀眾同網民喜愛,愈嚟愈入屋!

蘇韻姿

蘇韻姿(Andrea)同Mayanne一樣,2016年選港姐只得第四名,但佢極速簽約大台做藝人後就即刻有份拍攝無綫招牌處境劇《愛·回家》系列嘅《開心速遞》。

蘇韻姿於《開心速遞》中,飾演丹爺細女熊心如(紅衫魚)。

Andrea於《開》中戲份唔少,演出自然,加上之前喺劇中同緊池子孝演情侶,呢對螢幕情侶都好受大眾歡迎!

此外,Andrea更擁33C心形胸,每次著上泳衣出鏡晒索爆身材嘅佢都獲得大家注目,所以Andrea都有唔少粉絲!

湯洛雯

湯洛雯曾參選2012年嘅香港小姐選舉,可惜最終六強止步,但能夠被稱為「靚湯」,可想而知大家對她美貌嘅肯定!

最吸引人嘅相信都係靚湯一雙白滑長腿,絕對引死不少男士!

有精緻臉蛋、甜美笑容,而且身材非常好,難怪有咁多粉絲啦!