Angelababy

Angelababy瘦到見胸骨 瘦身秘訣係唔食!

藝人楊穎(Angelababy)久未在港露面,今日中午佢出席商場新春賀年活動,不過就見到佢瘦了不少,低胸裝下現晒胸骨!Angelababy接受訪問時就分享自己極速瘦身秘訣,就係唔食!

Angelababy出席新春賀年活動

Angelababy好一段時間無喺香港同大家見面,而今日出席的呢個新春賀年活動,原來佢已經參與咗十年!十年人事幾番新,Baby亦都由妙齡少女變成人妻、人母。農曆新年快到,Baby表示今年會在黃曉明家鄉青島度過,順便帶兒子小海綿見見親戚朋友。

Angelababy瘦到見胸骨

今日活動上又見到Baby似乎瘦了不少,Baby分享自己修身秘訣:「修身秘訣就係唔食!我生完BB後肥咗少少,之後有兩個星期每日只係lunch食少少嘢,其餘時間都係工作同運動,所以瘦得好快!」不過低胸裝之下瘦到見晒胸骨,Baby可能新年真係要食多些少嘢,增少少磅!

想追多幾個小朋友?

另外問到Baby會唔會想追多個小朋友,Baby坦言有生多幾個的打算,係仔係女就隨緣,仲話唔怕照顧小朋友會太辛苦,因為雙方父母都會幫手湊。曉明大哥咁鍾意女,相信Baby嚟緊好快有好消息!