TVB警匪片

盤點TVB警匪片10大特色 網民:重案組一定喺西九龍!

最近無綫熱播警匪片《鐵探》,深宵時間又重播《法證先鋒》系列,勾起不少網民對大台警匪片嘅回憶,而之前有網民就根據自己20年來嘅睇劇嘅經驗,總結出10大TVB警匪片特色,當中「吳卓羲必曾因衝動累事」相信引起好多人嘅共鳴!

 



撰文:對白Cap圖王 | 圖片:電視截圖、劇照| 編輯:東方新地(資料來源連登

網民列舉TVB警匪片10大特色:

1. 交收地點經水路多為龍鼓灘,而龍鼓灘必為流料地點

《鐵探》第2集入邊,秉高(姜皓文飾)、大威等人接到山狗(林偉飾)指示準備行動,交易地點正係龍鼓灘!


2. 至少安排一次於貨櫃場打鬥

網民指TVB警匪片其中一個特色係至少安排一次於貨櫃場打鬥,而《鐵探》第2集,毒品大亨嚴世孝交易毒品正喺貨櫃碼頭發生!


3.宣萱成為綁架目標

無論喜劇悲劇、現代古代,有宣萱嘅劇集就會有綁架發生,佢喺18年內所演的角色共被脅持22次,連電影和新加坡劇合共被脅持24次,堪稱人質王,但最離奇係被脅持的她每次最後都平安冇事。

有宣萱就有人質,喺《飛虎》中佢又再度成為人質!

99年《刑事偵緝檔案4》

4. 吳卓羲必曾因衝動累事

吳卓羲老是常出現,由舊款制服演到新款制服,涵蓋警隊不同階層,包括學警、散仔、藍帽子、CID、飛虎隊同埋其他特種部隊,甚至連臥底都演過,份CV靚仔過唔少真警察,之不過,其角色大都係衰衝動累事!

講大台警匪片吳卓羲一定是鐵膽,佢由學堂到畢業做散仔行咇、CID、軍裝、臥底甚至升咗做督察⋯⋯都一定衰衝動!

5. 結局時有別其他劇天台BBQ,多會全team人收call然後一起出動衝向鏡頭方向

結局時全team人收call然後一起出動衝向鏡頭方向,嗱,最近嘅例子係上周播出《法證先鋒》大結局,歐陽震華向蒙嘉慧求婚後,眾人收到傳呼機短訊通知有案件發生,歐陽震華話要立即做嘢,十幾人浩浩盪盪出發!


6. 主角條team多數為4男1女陣容,而當中基本有角色叫大X、細X、小X


7. 臥底中必有一死或變節

臥底中有人死、變節似乎係定律,喺《使徒行者2》第一集就帶來大震撼場面,卓Sir苗僑偉帶住5個臥底在泰國進行任務,完成後正向上司報喜領功,5個臥底卻在屋內被炸得粉身碎骨。


8. 白人演員如河國榮、布偉傑,至少為警司級別

有洋人就有警司

布偉傑出演的警司劇集非常多,不過早前佢宣佈約滿大台進軍荷里活,想睇佢扮演警司睇怕只能從舊作品中欣賞喇!

9. 左輪手槍命中率奇高

在不少劇中,左輪手槍殺敵次數和威力遠高於其他一切知名槍械,如狙擊步槍、霰彈槍、衝鋒槍等!

劇中的手槍一定勁過機關槍


10. 重案組只建立於西九龍警區,其他警區沒有重案組

警匪片就當然唔少得重案組,但唔知點解永遠都係關「西九重案組」嘅事,彷彿全港只有西九龍警區有重案組!

全港只有西九龍警區有重案組