仙氣KOL聲稱「零P圖」被起底　網民：一念天堂一念地獄

Jun 2 2018

內地KOL黃喬恩在社交平台有約22萬粉絲，外表甜美、充滿少女氣息嘅佢，仲打正「零P圖」嘅旗號，而被網民稱為「仙氣美女」。

撰文：環球膠報｜圖片：微博｜編輯：師姐Blog開野@Central

仙氣KOL聲稱「零P圖」

黃喬恩修讀服裝設計，以仙女氣質走紅。畢業後，更創立網上服裝品牌，自己一手包辦店長及模特兒。

人紅自然是非多，近日有網民將佢接受其他訪問時嘅影片截圖。唔少網民睇完佢未修圖嘅照片，紛紛表示大失所望。

從截圖所見，發現佢無「P圖」完全係另一個樣，唔單止好厚粉，雙眼比起相入面充滿「仙氣」嘅佢仲要再細一個碼，而且仲有唔少眼紋。

網民表示：瞬間由仙女變成大嬸。