周潤發都要密謀轉行!65歲發哥停工一年樂觀面對 慨嘆演藝事業式微

娛聞

廣告

疫情之下,人人自危,經濟與社會氣氛都低迷,難免會產生負能量,不過香港有出名親民貼地的發哥周潤發就唔使怕,65歲愈跑愈弗回晒春,今次記者跟佢跑山之餘,咁勤力原來密謀轉行!

撰文、圖片:東方新地

發哥周潤發疫情下照行山 快閃九龍城買外賣

近年掀起一個捕獲發哥周潤發熱潮,凡在行山期間或幫襯食店撞到發哥,都必定上前由發哥自拍影合照,大家都把照片放上社交網晒命,遇到發哥如同執到金,不過近半年因新冠肺炎肆虐,香港人要減少社交活動,在限聚令及禁堂食等措施下,運動及出外食飯都受到影響,見到發哥的機會自然大大減少。不過發哥多年的行山習慣唔係話停就可以停,疫情下發哥山照行,不過周圍食好西就免喇!

發哥與發嫂疫情期間都甚少出街食飯,發哥話冇叫發嫂特別煮抗疫食療,但每日都做運動鍛鍊身體。
發哥與發嫂疫情期間都甚少出街食飯,發哥話冇叫發嫂特別煮抗疫食療,但每日都做運動鍛鍊身體。

發哥疫下只能堅持跑山,至於出街食飯同買餸都受到影響,他說:「食肆得兩個人可以一齊坐都唔係多啦,好多嘢都避無可避,咁你困喺屋企都會抑鬱㗎啦!盡量去啲人少嘅地方囉!去郊野地方囉!咁張建宗都叫我哋食嘢要去郊野公園食㗎嘛!我買個飯盒跑完喺郊野公園食埋先走囉!」

日前發哥出巡九龍城,去古法蛋糕店掃走兩盒蛋糕,這日他一身行山黑衣裝束,但腳踏人字拖戴上黑超,踢拖一樣型過人。
日前發哥出巡九龍城,去古法蛋糕店掃走兩盒蛋糕,這日他一身行山黑衣裝束,但腳踏人字拖戴上黑超,踢拖一樣型過人。
發哥買完蛋糕即上車,並把其中一盒蛋糕送到附近一個街坊婆婆手上,疫中送暖。
發哥買完蛋糕即上車,並把其中一盒蛋糕送到附近一個街坊婆婆手上,疫中送暖。
之後發哥再到五金舖買水喉,同師傅傾完一大輪,睇嚟發哥返屋企又自己落手落腳做埋水工。
之後發哥再到五金舖買水喉,同師傅傾完一大輪,睇嚟發哥返屋企又自己落手落腳做埋水工。

發哥有感演藝事業式微密謀轉行

發哥雖然已是荷李活巨星級,但他心繫香港,對於香港遇到史無前例的經濟及生活困境,他表現得極之心痛。但仍不望向大家打打氣:「我哋一定要打贏佢,唔怕!香港係福地嚟嘅!一定會過到個疫情,大家畀啲心機,畀啲忍耐。樂觀啲,咬實牙關,見步行步啦!怨天怨人都冇用,人係要靠自己,總之盡量做好自己,一定要做多啲運動,要有強健身體頂住呀!最緊要個個都身體健康。」

記者早前曾獨家捕獲發哥與山山行山,更在涼亭內為同行跑友鬆筋,見他似模似樣好專業,睇嚟發哥唔止想轉行做行山教練,仲可以做埋鬆筋教練。
記者早前曾獨家捕獲發哥與山山行山,更在涼亭內為同行跑友鬆筋,見他似模似樣好專業,睇嚟發哥唔止想轉行做行山教練,仲可以做埋鬆筋教練。

周潤發:「打算考牌轉行做行山教練!」

發哥為人縱使超級樂觀,但2020年對他來說絕對是悲痛的一年,除了因疫情令生活及工作受影響,今年2月發哥98歲的母親亦因病離世,並低調舉行喪禮。還記得去年12月發哥現身養和醫院,探望因病入院的母親,當時他笑對記者說母親不用戒口,因為所有食物都要打爛,用條喉直入,凡事樂觀積極面對的他又透露自己的未來動向說:「依家我嘅工作都開始式微,日常都係跟啲藝人朋友去行山,最近我條𡃁係阿鮑(鮑起靜)!我想轉行做運動員,打算考個教練牌做行山教練。」

出名重孝心的發哥,去年12月冬至拎住個卡通環保袋現身養和醫院,原來他每日都去醫院探母,期望母親聖誕後可出院。今年2月,發哥母親在家安詳離世,受疫情影響發哥與摯親低調送別母親。
出名重孝心的發哥,去年12月冬至拎住個卡通環保袋現身養和醫院,原來他每日都去醫院探母,期望母親聖誕後可出院。今年2月,發哥母親在家安詳離世,受疫情影響發哥與摯親低調送別母親。
電影《驕陽歲月》是發哥去年拍攝的一部電影,拍攝時更在片場發生意外,被黃德斌誤傷左額側,即時血流披面,不過發哥並冇叫停,繼續假戲真做,堅持拍完整場戲,係就係專業,不過在場的發嫂就肉都痛。
電影《驕陽歲月》是發哥去年拍攝的一部電影,拍攝時更在片場發生意外,被黃德斌誤傷左額側,即時血流披面,不過發哥並冇叫停,繼續假戲真做,堅持拍完整場戲,係就係專業,不過在場的發嫂就肉都痛。
去年9月罕有出山為樓盤拍廣告,更出動私人珍藏古董相機親自操刀拍攝最後一個鏡頭,為廣告加添驚喜彩蛋。
去年9月罕有出山為樓盤拍廣告,更出動私人珍藏古董相機親自操刀拍攝最後一個鏡頭,為廣告加添驚喜彩蛋。

同場加映:行山遇發哥 自拍笑呵呵

唔知幾時開始,發哥變成了行山吉祥物,凡在山上遇到發哥影埋合照,就係幸運的兆頭。發哥keep住行山身壯力健,又樂意去分享自己的健康心得,唔少藝人都愛跟隨發哥去行山,漸漸成為一種風氣。

65歲發哥停工一年樂觀面對 演藝事業式微密謀轉行
湯怡、JW都有捕獲發哥!
著名「哈比女神」鄺潔楹,同六呎高的發哥合照,相映成趣!
著名「哈比女神」鄺潔楹,同六呎高的發哥合照,相映成趣!
65歲發哥停工一年樂觀面對 演藝事業式微密謀轉行
疫情爆發前,不少圈中藝員都有跟發哥帶隊登山,希望限聚之後大家又可以一齊出發啦!

關鍵詞
周潤發