大台爆新一代離巢潮《愛‧回家》成重災區 上位中都走!劉子碩、余思霆宣告回台灣

娛聞

廣告

曾幾何時,想入屋想成名,無嘢快得過電視台,幾多天王天后小生花旦就係咁樣平步青雲紅遍大江南北。今時今日,想入屋想成名,一部電話一個社交網絡帳號已經萬事俱備,再加上疫情反覆本港娛樂圈工作機會大不如前,繼小生花旦北上或者自組工作室,甘草綠葉又離巢恢復自由身出外闖蕩後,最近再爆年輕一輩逃亡潮,走完一個又一個,長青劇《愛‧回家之開心速遞》正是重災區!

撰文、圖片:東方新地

TVB爆新一代離巢潮

22歲的劉子碩(Zac)生於寶島台灣、讀過上海戲劇學院、能演能唱最緊要高大靚仔形象陽光,18年來港發展去年簽約星夢,日前 (11月9日 )出街的《 #後生仔傾吓偈》突然變成劉子碩歡送會,而 Zac亦在出發前一個星期在個人 IG正式宣布動向:「來香港兩年多,下禮拜要離開了!這兩年有多辛苦多幸福我都會收在心裡,希望大家可以祝福我的決定,不要覺得可惜或遺憾,因為未來發展成甚麼樣子我都會完全接受。香港的家人朋友要常常給我打電話喔,現在這一刻真的超級踏實,一切都很圓滿,感謝!」

劉子碩剛剛宣布話返台北,上周最後一集《 #後生仔傾吓偈》馮盈盈、6號、戴祖儀個個都唔捨得。
劉子碩剛剛宣布話返台北,早前最後一集《 #後生仔傾吓偈》馮盈盈、6號、戴祖儀個個都唔捨得。
22歲仔唱得演得高大又陽光,仲要有身材,從此電視台又少一個小鮮肉。
22歲仔唱得演得高大又陽光,仲要有身材,從此電視台又少一個小鮮肉。
來港第二年已經簽約星夢有歌出,亦被無綫睇好有得幫一姐菊梓喬拍 MV。
來港第二年已經簽約星夢有歌出,亦被無綫睇好有得幫一姐菊梓喬拍 MV。

唔止 Zac一個,明明香港有個男朋友朱敏瀚,17年華姐冠軍余思霆都話返老家。據悉因為台灣疫情穩定、余思霆又持有台灣護照出入方便,被無綫特派到台灣拍攝旅遊節目《台北玩起來》。不過拍攝節目最多兩、三個月,余思霆就話未知回程、短則半年長則一年,機票都索性買單程,仲出埋 Po道別又係多謝香港朋友和貴人、話會掛住香港,其實呢個 job前,余思霆坐冷板凳超過半年,曾言對前景感迷惘。

同朱敏瀚拍拖一年、余思霆宣布返台北老家!雖然係被無綫委派拍攝旅遊節目,不過當事人就表示未知歸期。
同朱敏瀚拍拖一年、余思霆宣布返台北老家!雖然係被無綫委派拍攝旅遊節目,不過當事人就表示未知歸期。
17年爆冷當選華姐冠軍,一卸任就同陳婉衡、陳凱琳等人齊齊著三點式拍旅遊節目,絕對係余思霆個人代表作。
17年爆冷當選華姐冠軍,一卸任就同陳婉衡、陳凱琳等人齊齊著三點式拍旅遊節目,絕對係余思霆個人代表作。
外形甜美又嬌嗲,除咗主持工作,余思霆亦劇接劇備受力捧,人不在港,不過仲有新劇《愛美麗狂想曲》等出街。
外形甜美又嬌嗲,除咗主持工作,余思霆亦劇接劇備受力捧,人不在港,不過仲有新劇《愛美麗狂想曲》等出街。

被劉子碩出賣?余思霆背男友朱敏瀚孖黑衫男夜蒲跳貼身舞

不過朱敏瀚早前獲得無綫「飛躍進步男藝員」獎,人氣急升,其女友余思霆雖然正身在台灣拍攝節目,但兩人仍不時在社交網上互動放閃,不過同樣身在台灣的劉子碩日前在社交網上晒自己和余思霆到夜店夜蒲的影片,片中余思霆就被發現同一名黑衫男大跳貼身熱舞,玩得勁癲。

對這段影片,余思霆解釋話:「我哋都係外國返嚟嘅一班朋友,所以玩得比較癲少少,其實嗰個場係基吧嚟嘅,哈哈!」她又指自己近期都是在台灣拍攝無綫新節目:「希望大家多啲關心我玩以外嘅嘢!」

大台爆新一代離巢潮《愛‧回家》成重災區  上位中都走!劉子碩、余思霆宣告回台灣

過檔友台新希望

現今娛樂生態與以往大不同,又有大把離巢後發展更好收入更高成功例子,半年來不少資歷尚淺剛剛起步男丁小花都先後離開電視台,尤其《愛‧回家之開心速遞》最多人事變動,「細龍太」陳偉琪衰醉駕隨時被解約、「 Dorothy 」邱晴同「 GiGi 」陳婉婷分別轉投ViuTV、仲有「垃圾清」周梓盈、「 Keyboard 」李興華不獲續約。不過舊嘅唔去新嘅唔嚟,離開無綫分分鐘更多機會,而拍足千三集,《開心速遞》又正好換吓血添吓新意,可能都係好事一件。

啱啱慶祝完拍完1,300集破埋 《真情》紀錄, 《愛‧回家之開心速遞》 近半年最多演員離巢角色有變動,不過彈出又彈入故事線夠靈活亦都係 《開心速遞》 最大特色。
啱啱慶祝完拍完1,300集破埋 《真情》紀錄, 《愛‧回家之開心速遞》 近半年最多演員離巢角色有變動,不過彈出又彈入故事線夠靈活亦都係 《開心速遞》 最大特色。
陳偉琪外形狂野又被多次拍到流連夜店身邊有不同男伴,一向有傳無綫不滿形象欠佳,陳偉琪去年再衰多鑊醉酒駕駛,正式被飛出《開心速遞》。近日當事人接受訪問都直認多個月冇工開,透露密謀有新發展。
陳偉琪外形狂野又被多次拍到流連夜店身邊有不同男伴,一向有傳無綫不滿形象欠佳,陳偉琪去年再衰多鑊醉酒駕駛,正式被飛出《開心速遞》。近日當事人接受訪問都直認多個月冇工開,透露密謀有新發展。
蕭徽勇入行19年、肥仔變 Fit佬、更大有機會成為金牌配音人譚炳文接班人,可惜蕭徽勇都盛傳11月約滿後會離巢。當事人未有回應,不過幫《錦鏽南歌》配音自稱可能最後一次,同劉溫馨拍完《換命真相》都話有緣再聚。
蕭徽勇入行19年、肥仔變 Fit佬、更大有機會成為金牌配音人譚炳文接班人,可惜蕭徽勇都盛傳11月約滿後會離巢。當事人未有回應,不過幫《錦鏽南歌》配音自稱可能最後一次,同劉溫馨拍完《換命真相》都話有緣再聚。
李興華入行十年默默耕耘、終於靠《開心速遞》IT三子成功入屋有人叫得出名,李興華都話約滿後唔會再同無綫簽長約,自爆未來會外闖拍網劇、參與新媒體拍攝工作。
李興華入行十年默默耕耘、終於靠《開心速遞》IT三子成功入屋有人叫得出名,李興華都話約滿後唔會再同無綫簽長約,自爆未來會外闖拍網劇、參與新媒體拍攝工作。
今年一月,「垃圾清」周梓盈因為不獲 TVB續約而告別《開心速遞》,最新動向係同同學合股賣手工鳳梨酥。
今年一月,「垃圾清」周梓盈因為不獲 TVB續約而告別《開心速遞》,最新動向係同同學合股賣手工鳳梨酥。
何君誠08年參選香港先生入行,09年加入戲劇組拍劇,更成為金牌監製林志華常用演員,不過18年同無綫不再續約,轉赴蒙古開牧場同旅館。
何君誠08年參選香港先生入行,09年加入戲劇組拍劇,更成為金牌監製林志華常用演員,不過18年同無綫不再續約,轉赴蒙古開牧場同旅館。
林師傑09年參加第一屆《超級巨聲》入行,今年與太太歐陽巧瑩前後腳離開無綫,離巢後林師傑繼續歌唱事業,剛剛推出獨立製作新歌〈尊悲不分〉。
林師傑09年參加第一屆《超級巨聲》入行,今年與太太歐陽巧瑩前後腳離開無綫,離巢後林師傑繼續歌唱事業,剛剛推出獨立製作新歌〈尊悲不分〉。
陳婉婷11年加入無綫,18年因為《開心速遞》GiGi一角入屋,去年九月宣布離巢,家陣係直播平台主播,亦獲 ViuTV邀請在劇集《地產仔》中有演出機會。
陳婉婷11年加入無綫,18年因為《開心速遞》GiGi一角入屋,去年九月宣布離巢,家陣係直播平台主播,亦獲 ViuTV邀請在劇集《地產仔》中有演出機會。
邱晴17年參選港姐入行,是《 Think Big天地》的主持今年五月自爆由經理人合約改簽新約變相離巢,邱晴話完唔想成世做電視希望借網絡世界獨立發展後,最近為 ViuTV拍攝新節目《家務戰場》。
邱晴17年參選港姐入行,是《 Think Big天地》的主持今年五月自爆由經理人合約改簽新約變相離巢,邱晴話完唔想成世做電視希望借網絡世界獨立發展後,最近為 ViuTV拍攝新節目《家務戰場》。