李佳芯骨感美人、湯怡甩拖後常派福利！女星著跌膊衫晒靚膊搶鏡

撰文、圖片：東方新地

李佳芯

佳芯 BB 除咗有靚樣，其實仲有靚膊，又白又滑沒有一點多餘贅肉，點睇都係剛剛好。

湯怡

結束上一段十一年感情後，湯怡明顯更愛自己更懂享受生活，連穿衣風格都明顯有改變，自信心番晒嚟，今季做宣傳、做訪問跌膊衫老是常出現，大派福利。

鄧卓殷

緋聞傳足一年，月前郭子豪終於認愛感激女友鄧卓殷低潮時陪伴，其實Amber高顏值高學歷仲好有上進心，更重返校園讀緊建築系碩士，又靚又叻。

劉佩玥

初秋時分，乍暖還涼，一襲跌膊冷衫騷一騷靚膊，再搭上劉佩玥招牌燦爛笑容，最是窩心。

蔣家旻

唔少香港人都係睇住「馬子妮」大，睇住佢由二字頭變三字頭！剛滿三十歲嘅蔣家旻著起小性感露膊裝，別有一番輕熟女韻味。

陳凱琳

兩年抱兩依然fit到漏仲保持到陣少女味，唔好忘記Grace陳凱琳早結婚又早生子，今年六月其實才啱啱過完29歲生日，完全唔似兩子之母。

高海寧

由年頭睇到年尾，劇接劇晚晚都係高Ling，係就係有啲疲勞轟炸，好彩上位花旦識做啫，周不時露一露膊又晒一晒腰，非常醒神。

王君馨

選美出身卻奠定演技派地位，王君馨就係靠獨特氣質，演活當年劇集《城寨英雄》中交際花花曼一角而彈起，著起露膊裝嘅Grace亦有別於別的女星沒有的嫵媚和妖艷。

鄺潔楹

同鄧卓殷一樣細細粒顏值高，鄺潔楹嘅露膊裝就再多一分可愛，加埋個聖誕背景，十足十男友視角令人有遐想。

周秀娜

由三點式𡃁模進化到變成性格演技女星，衫愈著愈多嘅娜姐周秀娜如今肯露一露膊，已經係開恩派福利。

蔡嘉欣

KOL出身、負面新聞多多，蔡嘉欣出名周身名牌愛買包包，就算係著露背裝，都唔少得襯番條名牌皮帶。

陳偉琪

擁有健康膚色又係運動健將，細龍太陳偉琪著起露膊裝登時少了些嫵媚矯情，卻多了幾分野性與性感。