無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

娛聞

廣告

所謂小心駛得萬年船,面對新沙士「武漢肺炎」肆虐,全港市民齊心抗疫,無綫亦高度戒備,日前劇集《踩過界2》冧廠,城內又有人嘔吐,為免引起恐慌,無綫即時全城進行大清洗消毒,演員入廠嚴陣以待,藝員更各出奇招自保,不過有時都防不勝防。疾情未減近期不少藝人冇工開,電影、演唱會步入寒冬,雖然電視劇未至影響慘烈,不過無綫亦顧及藝員安全,作出應變措施配合。

撰文、圖片:東方新地

無綫多套新劇無限延期

未開拍的劇集全部延期,拍攝中劇集則減少外景 拍攝,並取消多個外地宣傳活動,包括《黃金有罪》及即將播出的 《法證先鋒4》的新加坡宣傳活動,由於《法證先鋒4》與優酷聯播,原本亦安排了內地宣傳活動,但因應疫情緊張已全部取消。有份參與新劇 《陀槍師姐2020》的洪永城,亦承認劇集原本二月中開拍,現在亦有可能押後。 「等公司指示,我相信佢哋有好多嘢要討論,都會等員工安全佢哋先會開拍。」 齊心就事成,這個非常時期,最重要是小心謹慎及團結,香港人加油!

即將播出的《法證先鋒4 》,雖然與優酷同播,但為抗疫,已取消內地宣傳活動。
即將播出的《法證先鋒4 》,雖然與優酷同播,但為抗疫,已取消內地宣傳活動。
近來拍攝得如火如荼的新劇《踩過界2》,月初就五個主角王浩信、張振朗、蔡思貝、張㬢雯及簡淑兒同時冧廠,劇集被迫停拍幾日,不過,近日劇集又再埋位,日前一班主角更為踏入29歲的蔡思貝慶生。
近來拍攝得如火如荼的新劇《踩過界2》,月初就五個主角王浩信、張振朗、蔡思貝、張㬢雯及簡淑兒同時冧廠,劇集被迫停拍幾日,不過,近日劇集又再埋位,日前一班主角更為踏入29歲的蔡思貝慶生。
早前有臨時演員在《愛・回家》主要拍攝的11廠外走廊嘔吐,無綫即高度戒備,幾個錄影廠都進行大清洗兼消毒。
早前有臨時演員在《愛・回家》主要拍攝的11廠外走廊嘔吐,無綫即高度戒備,幾個錄影廠都進行大清洗兼消毒。
多部劇推遲開拍,電視城的錄影廠變得冷清。
多部劇推遲開拍,電視城的錄影廠變得冷清。
近日無綫在電視城內張貼告 示,提醒大家要小心防疫,在廠內外都設有洗手液及濕紙巾給演員及工作人員使 用。
近日無綫在電視城內張貼告 示,提醒大家要小心防疫,在廠內外都設有洗手液及濕紙巾給演員及工作人員使 用。

電視城藝人抗疫奇招

面對「武漢肺炎」來襲,無綫一班 藝人向本刊透露防疫方法,奇招盡出。

湯盈盈返家禁攬女

兩女之母的湯盈盈,防疫措施更加謹慎,由於《愛・回家之開心 速遞》加碼每星期播足七日,可說是近期開廠最密的劇集,湯盈盈拍劇亦清潔噴霧隨身,返家前會先噴鞋及衣服消毒,坦言入屋亦禁兩女攬埋身,亦不時會提醒兩個女唔好摸完口罩再捽眼摸鼻。「依家好少出街,但間中會帶兩個女去戶外嘅公園 玩,等佢哋有啲活動。」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

洪永城全副武裝

咪以為有仔有女嘅師奶仔先最多防疫準備,大男人洪永城入廠 就全副武裝絕對係「防疫之最」,見佢帶有一袋防疫用品,有齊 消毒酒精、消毒噴霧、搓手液、口罩及消毒濕紙巾,保護意 識爆燈!他表示全是之前買落,坦言因為疫情,自己經常抹嘢 保持清潔,連阿媽都讚佢乾淨咗,近期大多留在家中的 他,亦保持運動及跑步,說會揀晚間較少人時去跑步,仲提 議大家可以打坐令心靈健康!

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

何遠東為慳口罩甩阿姐底

揚言屋企口罩唔多的何遠東,就話之前甩阿姐底年初 一冇去阿姐屋企拜年,日前返廠拍《娛樂大家》,即時 向阿姐耍冧道歉:「阿姐話我做乜唔嚟拜年,話準備咗 啲嘢食畀我,我即刻同佢道歉,因為屋企口罩唔 多,自己都唔敢出去拜年,為咗慳住使,今日出嚟返 去都要買齊餸,用一個罩就要做晒所有嘢!」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

黃智賢美容院提供口罩

阿Ben話為己為人依家戴口罩同做足清潔消毒最重 要,但亦勸大家千祈不要恐慌。「可能過完年物資少 咗,但相信好快會補充番,係應該謹慎,但唔應該恐 慌!我自己口罩都唔多,但未至於好擔心,呢段時間 出去搶購心理質素都冇咁好!」他坦言美容院設有洗手 液畀客人消毒:「如果客人冇口罩,我哋都會提供!」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

姚子羚印傭代買口罩

當全城人搶口罩及消毒用品搞到情緒緊張,姚子羚就 有運得印傭姐姐幫佢買到口罩,又有好姊妹胡定欣送 上消毒洗手液。「我哋朋友間有個 group 分享,大家有 啲乜嘢買到,會喺個 group 通知大家,朋友間守望相 助,呢支洗手液都係定欣畀我,我都好感恩,我個印 尼工人喺同鄉度買到口罩,佢幫我買咗一啲!」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

張兆輝抹地洗衫一腳踢

與太太從法國旅行回港的張兆輝,表示都有在瑞士買 到少量口罩,由於家傭合約剛滿,現在等待新工人來 港,現時由他負責全屋家務:「經過沙士之後,大家都 小心咗,我諗最基本係洗手,我喺屋企因為經常洗 嘢,好似洗衫、洗碗,所以都成日洗手!依家等緊新 工人嚟,不過,我都鍾意做家務,所以冇問題,每日 會用漂白水抹地一次。」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

胡諾言撲一箱公仔麵

新年期間一家到北海道旅行的胡仔,坦言在當地超市亦有購買 口罩,亦從未試過搭飛機會如此緊張,在機上全家都有戴上口 罩,返港後亦趕到超市上糧,更買了一箱公仔麵。「主要都係買 畀細路仔食,始終屋企有小朋友,依家早晚都會抹地,佢哋溫 書嘅枱凳都會抹吓,不過都要保持正能量,早兩日都有同小朋 友落樓下飲茶,同去附近公園踩單車,始終要畀啲活動佢哋。」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招

潘志文最勇猛

有份拍攝《踩過界2》的潘志文,當日拍完劇行出廠時,就未見他戴上口罩表現最勇,不過潘翁就強調自己平日都有戴罩防疫。「我啱啱拍完嗰場戲,都係講我去醫院,當我喺醫院走廊度,所以拍攝時都係全程要戴口罩!」

無綫多套新劇無限延期 潘志文最勇猛唔戴罩!姚子羚、洪永城及電視城藝人抗疫奇招