姜濤粉絲鬧爆經理人偏心 姜B開live撐花姐兼安撫「姜糖」

娛聞

廣告

可能係近年最受注目、人氣最高嘅本土偶像姜濤,正正就係第一屆《 全民造星 》冠軍!今年七月出發台灣參加偶像劇,明明衝出香港係好事嚟嘅,不過就被統稱「姜糖」嘅姜粉視為被經理人兼造星之母花姐放逐,紛紛開 po喺各大討論區聲討。

撰文、圖片:東方新地

姜濤粉絲鬧爆經理人偏心

正所謂冰封三尺,非一日之寒,花姐厚此薄彼嘅傳言打從第一屆《 全民造星 》已經未停過,由比賽賽制到評分結果、由賽後姜濤同其他成員工作安排、由歌曲宣傳到拍劇戲份,樣樣都有得比較都有得入罪,有姜糖不滿花姐錫晒契仔Ian同「契女」Anson,又有人指姜濤出歌咁大件事都極度宣傳不足,最後之唔係連衝出香港攻入台灣市場都被解讀成被花姐放逐,搞到成班姜糖一邊鬧爆花姐,一邊搞自己偶像自己救運動,索性眾籌幫姜 B 慶祝生日又幫新歌〈 孤獨病 〉做宣傳囉!

可能係近十年最成功最高人氣嘅港產偶像姜濤,人紅就自然是非多,呢期被自己粉絲抱不平,質疑宣傳資源不足、被經理人花姐怠慢。
可能係近十年最成功最高人氣嘅港產偶像姜濤,人紅就自然是非多,呢期被自己粉絲抱不平,質疑宣傳資源不足、被經理人花姐怠慢。
唱得嘅Ian被指係花姐契仔,仲有跳得嘅Anson Lo(中)就被指係花姐「契女」,實情係姜B人氣的確高,不過Ian、Anson一樣粉絲眾多。
唱得嘅Ian被指係花姐契仔,仲有跳得嘅Anson Lo(中)就被指係花姐「契女」,實情係姜B人氣的確高,不過Ian、Anson一樣粉絲眾多。
不過錫到姜B燶嘅姜糖就睇唔過眼,認為姜B人氣最高、最受廣告商歡迎,不過得到嘅宣傳資源就似乎不如花姐另一愛將Ian。
不過錫到姜B燶嘅姜糖就睇唔過眼,認為姜B人氣最高、最受廣告商歡迎,不過得到嘅宣傳資源就似乎不如花姐另一愛將Ian。
更有人在討論區指摘不時有廣告商指定要姜濤代言產品,往往被花姐搭多嚿豬骨頭,提出條件係一定要畀愛將 Ian 都有份。
更有人在討論區指摘不時有廣告商指定要姜濤代言產品,往往被花姐搭多嚿豬骨頭,提出條件係一定要畀愛將 Ian 都有份。

姜濤開live硬撐花姐

事件擾攘再發酵,終於連男主角姜 B 都忍唔住發聲,日前就喺台灣宿舍開 live 講足半粒鐘,話呢啲佢有我冇、我有佢冇、被呻唔公平嘅評論其實都困擾咗自己一段時間:「 我老實同你 哋 講, 喺 呢 行, 我 只 信 一 個 人, 就 係 花姐。我唔係一個輕易信人嘅人,由細到大都好孤僻,即使嚟到台灣(劇組宿舍),都係鍾意一個人喺樓上。冇辦法,呢啲係生活習慣,可能細個肥冇自信啦,呢個毛病真係唔係話改就改到……花姐為我哋做咗好多好多嘢,係為我哋、唔係是但一個!睇到佢被人誤會,被人質疑,我都唔好受……」講足半個鐘,既安撫咗粉絲、又替花姐講好說話,一番言論既識大體又懂感恩,仲順手宣傳埋自己首新歌〈 孤獨病 〉,21歲仔、入行三年,今時今日成熟懂事大個仔,相信除咗姜糖更一心一意錫姜 B,最安慰嘅當然都係一手打造佢培養佢嘅經理人花姐啦!

18年參加《全民造星》選秀節目入行,姜濤以大熱姿態由頭帶到尾兼贏埋總冠軍,其實由參選至今三年與經理人花姐嘅關係都友好亦密切。
18年參加《全民造星》選秀節目入行,姜濤以大熱姿態由頭帶到尾兼贏埋總冠軍,其實由參選至今三年與經理人花姐嘅關係都友好亦密切。
遠在台灣拍劇嘅姜濤都好識做,專登出街同大電視影合照,又出 po 多謝一班忠粉。
遠在台灣拍劇嘅姜濤都好識做,專登出街同大電視影合照,又出 po 多謝一班忠粉。

粉絲揼百萬救偶像

唔好睇小姜糖人數同力量呀,廣告鋪天蓋地覆蓋全港九包括:巴士、港鐵、電車站、Sogo 大電視都見到,仲遠至台灣都有打氣餐車,連韓國地鐵燈箱都有,據知使咗近百萬非常揼本,萬眾一心嘅盛況真係好耐都冇喺香港娛樂圈見過!

質疑花姐分配資源有私心,姜糖愛姜心切,發起自己偶像自己救運動,往年夾錢出廣告賀生日,今年就玩大到宣傳新歌買起各大廣告燈箱,仲買到去台灣、韓國商場,認真揼本。(相片為電車站廣告)
質疑花姐分配資源有私心,姜糖愛姜心切,發起自己偶像自己救運動,往年夾錢出廣告賀生日,今年就玩大到宣傳新歌買起各大廣告燈箱,仲買到去台灣、韓國商場,認真揼本。(相片為電車站廣告)
港鐵
港鐵
巴士
巴士
Sogo大電視
Sogo大電視