婚後首同老公度中秋 舒淇甜笑返港

婚後首同老公度中秋 舒淇甜笑返港

最新娛聞

廣告

舒淇同馮德倫早前到布拉格開工,更於當地完婚,今日舒淇雖然獨自返港,而且坐長途機又一臉倦容,但提到會否同老公慶中秋,佢就默認點頭,婚後首次人月兩團圓,諗起都sweet!

延伸閱讀︰

港姐冠軍馮盈盈 有個十優醫生男友

馮盈盈青澀學生look曝光

疲態畢露

舒淇同老公馮德倫於布拉格結婚後,之後一直為新片《俠盜聯盟》趕工,根本未真正休息過!因此舒淇完成拍攝後,即坐長途機返港。舒淇穿上米奇長袖tee、戴黑超及畫家帽現身,手上冇戴婚戒,但就戴有佛珠及紅繩。步出機場後見大批傳媒接機,舒淇顯得相當愕然,但當聽到「老公仔」馮德倫時即甜笑。雖然對大部分問題都唔答,但問到中秋會否返台灣慶祝,舒淇即甜絲絲地點點頭,之後保持笑容上車離開。

同老公仔團圓

據知馮德倫於新片《俠盜聯盟》殺青後,原本打算到愛爾蘭與好友吳彥祖拍新片,但佢同太太舒淇都好重視傳統節日,因此馮德倫改變計劃,跟太太前後腳坐飛機由捷克返港,趕及明日同舒淇過婚後首個中秋,二人跟家人食飯後,便齊齊人月兩團圓!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!