孝順王祖藍掃3,700萬豪宅贈媽咪

孝順王祖藍掃3,700萬豪宅贈媽咪

最新娛聞

廣告

近年北上狂掘金嘅王祖藍,密密賺豬籠入水!除了去年豪花逾1.1億元購入大埔逸瓏灣II特色單位後,最近再斥約3,700萬購入同屋苑另一個連花園低層特色單位,祖藍表示再掃貨係為氹媽咪開心,認真孝順!

延伸閱讀︰

《城寨英雄》終極Boss 原來係三姨婆?

《城寨》段家遭滅門 拳佬刁蘭情不再

讓媽咪住得舒服

對於短期內再購入逸瓏灣II單位,祖藍表示:「都係樓換樓啫,我係諗住賣咗大埔雅景花園嘅單位,嚟度換呢度嘅。(雅景賣咗?)放售緊,其實主要係買俾媽咪,等大家可以住近啲。」而祖藍於2013年以1,300多萬元購入大埔雅景花園洋房,該洋房現已升值。

新居逸瓏灣二期

舊居大埔雅景花園

最緊要家人開心

問到短期內連續入市,係咪對樓市有信心,一向愛錫家人嘅祖藍笑言:「其實無論升定跌,都最緊要一家人一齊住。(你搵好多喎!)總之要努力工作啦。(媽咪好開心?)媽咪梗開心啦,自己辛苦啲。」

財力驚人

據土地註冊處顯示,今次王祖藍以以3,706.9萬購入逸瓏灣單位,屬第7座低層B室連928平方呎花園及一個車位,單位實用面積1,696平方呎,呎價約21,857元。加埋祖藍去年送俾太太李亞男約1.1億元豪宅後,王祖藍夫婦單計投資於逸瓏灣逾1.5億元,祖藍財力認真驚力!

 


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!