孫慧雪孖狗狗享受寵物假期 坐豪華包接送房車齊齊玩「Doga」
廣告
公平咩？大家都係「孩子」，一個係親孩子，一個係毛孩子，不過媽媽孫慧雪出去玩出去享受闊太生活，只得毛孩子有份，親生孩子就繼續留守屋企過抗疫日子，公平咩？
撰文、圖片：東方新地
孫慧雪孖狗狗享受寵物假期
鬼咩？抗疫九個月，冇得坐飛機又冇得食買玩，難得興起Staycation，仲有好多間酒店度身訂造寵物假期，早前至有張曦雯帶寶貝柴犬Nala早玩早享受，呢次就輪到靚媽孫慧雪走去試玩。
家有愛寵，以往出trip旅行，由上機開始內疚掛念擔心到回程返屋企，其實staycation確係幾盞，終於一萬幾千就可以帶埋寵物一齊去換個環境歎幾日。日前雪雪就隆而重之盛裝打扮，連狗狗Moji都著埋衫仔、戴埋黑超襯晒，兩母子一齊坐豪華包接送房車，一齊喺超豪大堂擺甫士打卡！人有king size大床、狗有專屬靚床， 連玩瑜伽都有教練帶埋狗狗一齊玩「Doga」，對住無敵海景享受五星級假期，唔知玩得咁開心，雪雪有冇掛住屋企個三歲囝囝Riley呢？
