張嘉兒爆莊思明 楊明好事近

張嘉兒爆莊思明 楊明好事近

最新娛聞

廣告

莊思明同楊明自從今年5月公開承認戀情後,二人愛得痴纏,經常於IG放閃,羨煞旁人!日前,莊思明跟好友周美欣、李潔瑩及大肚婆張嘉兒見面,張嘉兒及後於微博上爆莊思明同楊明好事近!

延伸閱讀

《為食神探》大突破 香香變邪骨妹啤酒妹

《巨輪II》負評多 陳凱琳成箭靶

張嘉兒爆好事近

日前,莊思明跟好友周美欣、李潔瑩及大肚婆張嘉兒敘舊,四位好友一見面即雞啄唔斷,互相問候大家近況!除了同大肚婆張嘉兒講BB經,當然都會互訴心事!之後張嘉兒於微博留言:「等待莊思明個bridal shower!」莊思明並冇否認,只於微博貼上怕醜同kiss emoji回應張嘉兒貼文,唔通莊思明同楊明正籌備婚禮!?

另外,今年六月底楊明拍劇炒車受傷入院,在女友莊思明全天候照顧下,出院時他冧爆借傳媒求婚:「我會用以後嘅時間多謝佢!」隨即傳出二人婚訊!

 

秘到大馬提親

雖然楊明同莊思明戀情只發展了短短三個月,但戀情被揭發初時,莊思明已認定對方為終身伴侶:「每次拍拖都係想結婚嘅!」期後佢又趁男友到吉隆坡開工,當跟得女友兼帶男友見家長,據知當時楊明順便向女友家人提親!

楊明睇樓築愛巢

楊明近年修心養性,加上多位小生離開TVB,楊明開始得到更多演出機會,而且形象轉好後,商演騷更愈來愈多,收入亦隨之增加!而楊明亦趁儲到老婆本後,近日被影到去物色樓盤,看來正積極同莊思明婚後築愛巢做好準備!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!