無綫重播張家輝電視告別作《天涯俠醫》網民勁噓求重播呢套…

Jun 17 2020

個個留家避疫將近半年，連鎖反應令到無綫各線劇集收視都高收，所以重頭劇、合拍劇紛紛食住個勢安排出街，播足個幾月嘅《飛虎之雷霆極戰》以及今個月登場嘅《那些我愛過的人》都係 sell 強勁卡士，不過咁，論卡士論噱頭論追看性，其實家陣深宵時段重播嘅《天涯俠醫》就真係犀利嘞，淨係睇張家輝、梁詠琪、郭羨妮、林峯都值回票價啦，上周三（10日）開始喺晚上11點55分播出，大家準備好捱眼瞓睇經典神劇未？

撰文、圖片：東方新地

張家輝電視告別作《天涯俠醫》

《天涯俠醫》嘅焦點，梗係男主角張家輝啦！亞視出身、轉投無綫，效力14年後拍《天涯俠醫》成為張家輝最後一部擔正男主角嘅電視台告別作，之後全身投入電影圈，家陣已經係兩屆金像獎同一屆金馬獎影帝神枱級男星，那些年的「化骨龍」、當家小生、收視保證，真係要靠翻煲神劇至有得回味囉！

劇集題材新穎有意義描繪無國界醫生工作，耗費巨資雲集台前幕後精英遠赴東非肯亞實景拍攝。

劇集破天荒搵嚟極少拍電視劇嘅梁詠琪飾演家輝女友，仲有當年索到神劇至有得回味囉！啪啪聲嘅郭羨妮。

馬國明、李施嬅做大茄

既然係張家輝電視台告別作，又耗巨資山長水遠飛去東非肯亞拍外景，當然都要搵番有番咁上下份量嘅女角配襯至得。套劇就有入行25年、電視劇拍攝少之又少嘅梁詠琪飾演同張家輝一樣做無國界醫生嘅女朋友，雖然戲份唔算多，不過已經足夠轟轟烈烈撕心裂肺同考驗演技，呢頭甜蜜蜜接受家輝求婚，嗰頭就為執番隻戒指慘遭車禍。張家輝一直放不下梁詠琪，不斷苦苦追查撞死梁詠琪嘅兇手，終於查出係陳國邦，但卻發現陳國邦竟無條件為郭羨妮細佬捐骨髓，張家輝隨即將多年怨恨放下，專心在非洲行醫。

距離劇集首播已經16年，唔少當時喺劇中仍屬新人嘅演員家陣都已經獨當一面，好似馬國明現已貴為視帝級人馬。

林峯拍《天涯俠醫》前剛憑《律政新人王》奪得03年飛躍進步男藝人，正備受力捧，可以有幸拍住張家輝做第二男主角，仍帶著幾分新人稚氣嘅林峯，喺劇中同唐寧會有感情線。

短髮張可頤搭家輝

雖說《天涯俠醫》有勁人靚景，不過不少網民話要睇張家輝，寧願睇2003年出品無綫劇《十萬噸情緣》，該劇二十集由家輝和張可頤主演，主題曲〈全速前進〉亦由家輝主唱，一響起「會掛念就承認太掛念」，好多網民都一同回味，此劇主景在郵輪及美國拍攝，當時全盛時期的張可頤一頭清爽短髮造型夠索，故事簡單，節奏明快，難怪在網民心中亦佔一席位。