揚言爆大鑊 陳冠希搞喊林志玲

揚言爆大鑊 陳冠希搞喊林志玲

最新娛聞

廣告

日前陳冠希突然於網上爆粗辱罵林志玲,令大家感到莫名奇妙!皆因二人從未同合作過,點會積怨呢!今日二人分別到上海出席活動,陳冠希咬住唔放,揚言林志玲唔交代清楚就爆大鑊,林志玲得悉後大感委屈落淚!

其他文章:

着姊弟裝 梁浸浸啜爆小陳真

離合廿載 安仔 Sammi動人情史

鬧林志玲八婆

陳冠希日前突然喺微博上載Chiling張相,仲用英文爆粗狂罵,話Chiling係「八婆」,又話佢唔係真正演員及名模,仲暗示佢進行過不道德性交易等。雖然佢之後好快刪除段字,但再講「到最後,真相會出現的」有指Edison其實係替女友秦舒培出頭,因為Chiling曾喺朋友圈中講秦舒培壞話,而且仲應富豪要求將秦舒培介紹俾對方等等。

林志玲感冤枉

雖然Chiling感到莫明及很冤枉,不過佢唔打算還擊,唔會因為呢件事名譽受損而打官司。Chiling今日亦喺微博留言︰「每一天,我都希望好好的做自己,選擇快樂。快樂不是一種性格,而是一種能力。笑看風雲淡,坐看雲起時,不爭就是慈悲,不辯就是智慧,不聞就是清淨,不看就是自在,原諒就是解脫,知足就是放下。這樣的自己,才能持續散發正能量,給予我也給予大家。」從Chiling呢段說話嚟睇,佢應該冇將「爆粗事件」放喺心上!

言承旭撐Chiling

呢次事件搞到咁大,就連Chiling舊愛言承旭都忍唔住要出聲,佢日前透過經理公司發聲,表示當中應該係有啲誤會,同時佢都力挺Chiling︰「志玲是一個很善良孝順的人。」咁唔知Edison所講的真相到底係點呢?

陳冠希揚言爆大鑊

今日,陳冠希同林志玲不約而同到上海出席活動,提到突然喺微博爆粗鬧林志玲一事,陳冠希仍火爆表示,之前解釋過一個月前已同林志玲方面溝通過三次,但係對方一直冇回應:「自己只係企出嚟支持自己關心嘅人,其實自己都唔想咁樣做,只係想講出自己心入面嘅說話,我唔係一個『乖孩子』,所以諗到咩就講!」仲話俾晒機會、空間同時間林志玲,希望佢好好把握呢個機會,做一個「和和平平」嘅人,最後仲警告林志玲,唔好逼佢講一啲唔好聽嘅說話!

林志玲被迫到爆喊

問到被陳冠希辱罵一事,林志玲大感莫名奇妙,話自己都好想知點解對方咁嬲。提到陳冠希因私底下同佢溝通過三次不果,先爆佢大鑊,林志玲驚訝說:「如果有甚麼問題陳先生可以直接找我解決,而不是通過媒體和大眾張揚。」期間林志玲雙眼通紅,淚水快滴下來,狀甚委屈!至於會否覺得陳冠希公開辱罵係咪唔尊重女性,林志玲表示:「我覺得不是性別的問題,而是每一個人都應該懂禮貌有教養。」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!