未被遺忘的歌喉!盤點歌手出身的藝人 視帝、視后、綠葉王通通做過歌手

娛聞

廣告

去年王浩信於《流行經典50年》演唱一曲〈至少還有你〉,靚聲隨即喺網絡上洗版!胡鴻鈞喺youtube上傳同蔣志光合唱〈遙不可及的Acoustic Version〉,收看次數超過二百萬,同時勾起九十年代喺卡拉OK熱唱〈相逢何必曾相識〉嘅情懷。其實唔少演員當初都係以歌手身份入行,仲出過碟,即check!

撰文、圖片:東方新地

王浩信暢銷新人

本身係平面設計師,唱 K 時被發掘而踏上歌唱路,同王浩信同期嘅歌手有泳兒、衛詩、胡琳、關楚耀、Dear Jane 等, 競爭激烈。當時頭髮長長嘅佢,2006年罕有地連出兩張大碟《Never Exhausted》、《Show Everywhere 》,因而奪得《 IFPI香港唱片銷量大獎 》「 最暢銷男新 人 」。 及後加盟 TVB主力拍劇,2016年才接連為自己主演嘅劇集唱主題曲, 意義非凡嘅 係2017年喺《 踩過界 》中挑戰盲人角色以及演唱主題曲〈 心眼 〉,榮獲視帝殊榮。

蕭正楠「翻版鄭伊健」

2001年有「翻版鄭伊健」之稱嘅蕭正楠參加《太陽計劃之優質樂壇接班人》嶄露頭角,受唱片公司高層李進賞識而進軍樂壇。其歌唱事業同期對手有 Juno麥浚龍、余文樂、吳建豪、周渝民與葉文輝等,當年同競爭對手 Juno鬥生鬥死,佢嗰句「邪不能勝正」至今仍然令人津津樂道。蕭正楠有幸得到梅艷芳加持「形象正派」,橫掃各大小傳媒新人獎,出過一張 EP
四隻大碟,勢頭不俗。後期加盟TVB拍劇多演反派角 色, 至2012年喺 劇 集《當旺爸爸》中飾演「葉貴」一 角, 演唱張學友經典歌〈遙遠的她〉嘅片段,成為網絡奇葩,之後愈撈愈掂,演得又唱得,今天已經成為TVB嘅台柱。

陳山聰模仿劉華

1992年十六歲嘅陳山聰參加 TVB模仿四大天王歌唱比賽,主唱偶像劉德華嘅〈 長夜多浪漫 〉而獲得青睞,更簽約劉德華新公司成為力捧對象, 並 於1994年及1996年推出專輯《 Exposure 》和《 愛是全意 》。隨著1997年亞洲 經 濟 不 景, 令 唱 片 公 司 倒閉,陳山聰轉行售賣古著衣服、任時裝設計師助手。之後輾轉加入 TVB 做劇集配角,至2009年、2010年分別 以《 學警狙擊 》內囂張跋扈嘅「左 輪」、《女王辦公室》嘅「雷宇」角色,令佢人氣急升 ,逐步升呢攀上「男二」再成為「男一」。

曹永廉與古巨基同期得獎

2017年,曹永廉在節目《流行經典50強》和《流行經典50年》上獻唱自己昔日的歌曲〈 糊塗情感 〉。回一回帶,他是《1994年度十大勁歌金曲頒獎典禮 》「 最受歡迎新人獎 」的銅獎得主 ( 金獎:古巨基、銀獎:海俊傑 ),但即使1994年至1996年推出三張專輯《 情深款款 》、《唯一的女神》及《不惜一切》,星運依然平平。1998年轉型拍劇也沒起色。打拼多年,在《公公出宮》中飾演太監「 細雞 」, 於《萬千星輝頒獎典禮2016》獲頒「 最佳男配角 」,這一年是他收成期的開始。

未被遺忘的歌喉!盤點歌手出身的藝人   視帝、視后、綠葉王通通做過歌手

譚凱琪走日系路線

九十年代「日本樂壇教父」小室哲哉個名響噹噹,有幸成為香港五名徒弟之一嘅譚凱琪獲選赴東京受訓四個月,2000年推出首張風格走日系路線嘅唱片《全力愛》,惟在種種不利因素下,知名度未有上升。Zoie惟有去台
灣發展,2007年輾轉又回流香港成為有線電視旗下藝員。至2013年年底轉投 TVB,曝光率大增,亦愈來愈被器重,而佢有份演出嘅《 EU超時任務》、《致命復活》、《不懂撒嬌的女人》、《金宵大廈》和《降魔的2.0 》等,唔少都係 TVB重頭劇。

未被遺忘的歌喉!盤點歌手出身的藝人   視帝、視后、綠葉王通通做過歌手

陳敏之小室哲哉徒弟

當年同譚凱琪被睇中成為小室哲哉嘅徒弟,不過擁有43吋長腿、被指貌似陳慧琳嘅陳敏之,喺歌唱事業上並不順利,2000年推出歌曲〈 一息間的放縱 〉後加入TVB 當主持,慢慢由劇集閒角到戲份較多嘅配角,亦曾為劇集《 樓住有情人 》獻唱主題曲〈 逐格重播 〉( 收錄於唱片《 金牌女兒紅 》)。2007年喺古裝武俠劇集《 強劍 》首次做「 女一 」,冷酷嘅「 莫問 」一度提名《 萬千星輝頒獎典禮2007 》「 最佳女主角 」。2011年於《 怒火街頭 》中扮演性工作者「 何利貞 」,一場包著毛巾喺街頭追逐嘅戲份,終令佢奪得《 萬千星輝頒獎典禮2011 》「 最佳女配角 」。

張衛健兒歌、情歌、快歌瓣瓣掂

1991年憑電視劇《 老友鬼鬼 》走紅,1996年演出劇集《 西遊記 》再次成為焦點,2018年《 大 帥 哥 》又見其演繹喜劇嘅招牌演技。張衛健原來亦係歌手出身,綽號「 發電機 」,兒歌、情歌、快歌瓣瓣掂。1984年參
加《 第三屆新秀歌唱大賽 》奪金,憑著電視劇集嘅威勢同個人知名度,1992連發兩張專輯《 真真假假 》和《 哎呀哎呀親親你 》,熱爆流行,並贏得唔少新人獎項。2009年同許志安、蘇永康以及梁漢文組成 Big Four,仲以歌手身份踩上紅館舞台開騷㖭!

未被遺忘的歌喉!盤點歌手出身的藝人   視帝、視后、綠葉王通通做過歌手

張可頤一碟歌手

除咗早排深宵神劇《 九五至尊 》,其實張可頤主演過無數經典電視劇,當中角色令人印象難忘,如《 難兄難弟 》「 程寶珠 」、《 烈火雄心II 》「 鍾茵怡 」、《 金枝慾孽 》「 安貴人 」、《 天梯 》「 顧新月 」等,更憑《 九五至尊 》「 呂四娘 」一角勇奪2003年《 萬千星輝 》「 我最喜愛的女主角 」。不過呢位視后原來喺選港姐前,曾經係四人組合花生女郎(PP Gals)嘅成員,1991年推出唱片《 PP Gals•DJ Boy 》之後就解散咗,所以好多人都未必記得。

未被遺忘的歌喉!盤點歌手出身的藝人   視帝、視后、綠葉王通通做過歌手

田蕊妮再戰樂壇

1993年參加第四屆《 未來偶像爭霸戰 》歌唱比賽,憑關淑怡〈 一首獨唱的歌 〉奪得「 未來偶像金獎 」,從而加入亞洲電視,田蕊妮亦曾演唱亞洲1994年美國世界盃主題曲〈 熱燙的宇宙 〉,歌曲更收錄於新藝寶雜錦碟中。2003年離開 ATV,2010年喺 TVB《 讀心神探 》中首次擔當「 女一 」,2012年網上瘋傳佢隨口唱嘅〈 沒那麼簡單 〉,大受網民歡迎。翌年憑《 巨輪 》「 姚文英 」一角成雙料視后,不過呢位視后對唱歌嘅熱誠未有減退,於2014年發布首張專輯《 You Are My Man 》,另去年再出第二張專輯《 Saturnian 》,名利雙收。

馬浚偉歌唱比賽 獲得冠軍

1993年參加《 第三屆先鋒歌唱比賽 》獲得冠軍,簽約華納唱片,海報以「 他不是黎明,他不是張學友,他是馬浚偉 」為宣傳口號,同年推出個人專輯《 幸運就是遇到你 》,往後幾年事業仍未見曙光。九十年代轉戰 TVB,最初只係「 路人甲 」,後憑《 壹號皇庭 IV 》漸為人知,之後嘅《 鹿鼎記 》、《 洛神 》、《 帝女花 》、《 鐵血保鏢 》與《 守業者 》令佢登上一線小生之位。1998年參演《 妙手仁心 》及主唱其插曲〈 曾經幾許 〉而乘勢推出唱片《 Daynight 》,翌年再推出《 Lifestyle 》,主打歌〈 玫瑰與家明 〉尚算流 行,又同葉麗儀合唱,反應不俗。至2003年唱片業不景氣,馬浚偉才集中火力拍劇。

蔣志光綠葉王唱得又演得

出名係綠葉王嘅蔣志光,喺塑造忠奸角色、小人物上均十分突出。2014年客串《 老表,你好 Hea!》,佢同韋綺姍再次合唱〈 相逢何必曾相識 〉,勾起唔少人嘅集體回憶, 並 得 到《萬千星輝頒獎典禮2014 》「 最佳男配角 」及「專業演員大獎 」。其實未入 TVB 前,蔣志光做過電影幕後,失業下轉行,85年喺林子祥演唱會上模仿對方唱腔,維妙維肖而簽約寶麗金。佢亦係第二代「 風雲樂隊 」成員,又參與 Raidas 嘅幕後創作。90年作獨立發展,至93年退出樂壇,同年加入 TVB,變成今日嘅綠葉王。

羅敏莊輟學出唱片

羅敏莊中五畢業後入讀香港演藝學院戲劇學院,第一年就受到發掘陳慧嫻、黎瑞恩嘅音樂製作人安格斯青睞,毅然輟學出唱片。95年推出首張個人 EP《 心軟 》及大碟《 一生也在等 》,派台作品有〈 挑戰者 〉、〈 心軟 〉、〈 糾纏 〉,多年來推出超過二十張專輯、細碟、雜錦碟。2000年 加 入 TVB, 演 出 劇 集《 血薦軒轅 》、《 覆雨翻雲 》、《 古靈精探 》等。2010年喺《 超級巨聲2 》中同陳國峰合唱佢嘅首本名曲〈 挑戰者 〉, 高音甜低音準,令人再次記起佢嘅歌手身份。

未被遺忘的歌喉!盤點歌手出身的藝人   視帝、視后、綠葉王通通做過歌手