失憶24小時｜34歲王君馨性感回歸樂壇 參加頒獎禮變樂壇插班生
撰文、圖片：東方新地
王君馨新歌派台 邀林德信做MV男主角
王君馨參加頒獎禮變樂壇插班生
她笑言：「雖然係第一次有機會出席頒獎禮，但知道自己唔係新人之後，信心即刻降低晒，好似第一日入學已經係四年班咁，不過都好開心終於可以成為一個獨立歌手！」
人妻棄買樓自資出歌圓夢
王君馨（Grace）為了圓歌手夢，自資六位數出歌拍MV，升呢人妻後更無顧之憂，以白色超Deep V泳衣瞓沙灘濕身拍攝新歌〈Casada〉，在鏡頭前扭動蛇腰、騷胸趷籮，極度誘惑。
拍MV晒暴乳遇暴風
王君馨日前舉行記招宣布以獨立歌手「G.Racie」身分「再出道」，一直熱愛音樂的Grace為了達成跳唱歌手的夢想，自資出歌拍MV，為了自己的「BB」，半年前開始籌備，修身練舞搞靚副偈，以最佳狀態拍攝新歌〈Casada〉MV，火辣人妻王君馨濕身水著大解放，躺在沙灘大騷事業線及長腿，仲索過未嫁時。靚人靚景背後，原來都唔係咁爽，Grace貼出花絮片段話：「一張好似好Effortless（毫不費力）嘅相，估吓兩分鐘前發生咩事?」原來拍攝中途突然狂風暴雨，拎住雨遮的Grace被吹到企唔穩，拍攝要一度中斷﹗
六位數私己錢出一首歌
結婚三年的王君馨成日被問幾時造人生B，早前佢在IG宣布「BB」要出世，所指原來是她籌備半年的新歌，其後在MV發布會上，Grace為了做歌手，出錢又出力，暫時花費六位數字，並明言知做音樂是「無底深潭」，所以暫時放棄買樓的目標，Grace為做歌手搏到盡，老公相當支持，發布會當日更上台獻花，Grace話：「佢都好支持我去追夢，覺得有夢想要用盡全力去實現，唔好放棄，依家暫時用咗六位數字，係六位尾嘅數字，真係好大嘅數目，其實嚟緊仲會再出多幾首歌，搞音樂就係無底深潭，為咗想好想拍得靚啲，之後嘅MV應該都會愈嚟愈揼本，所以距離買樓呢步又再遠咗喇。」
