洪永城

洪永城同居試婚成功 宣布婚訊 廁所求婚搞到梁諾妍笑到喊

娛聞

廣告

洪永城與模特兒兼跑步教練梁諾妍(Inez)拍拖兩年多,同居試婚,一度傳出婚訊,梁諾妍放口風指隨時閃婚,更直指唔介意未婚懷孕,因為恨做媽媽,洪永城當時只表示有好消息會公布﹗今日洪永城和梁諾妍分別在社交網公布婚訊,恭喜恭喜﹗梁諾妍回憶洪永城在廁所求婚好多蝦碌,過程笑到喊。

文:東方新地|圖:洪永城IG、梁諾妍IG、東方新地

梁諾妍手上拿上小花束,洪永城一個興奮表情,相信是求婚成功時拍下﹗ 洪永城最近為拍劇而剷青。
洪永城公布婚訊,相片中梁諾妍手上拿上小花束,洪永城一個興奮表情。(圖片來源:洪永城IG)

洪永城晒婚照宣布婚訊

洪永城貼出和女友梁諾妍行山的照片以公布喜訊,相中梁諾妍拿住小花束,而洪永城一臉興奮!洪永城出po留言指和梁諾妍由拍拖到現在展開人生新旅程「追到你是我的僥倖,娶到你是我的福氣」冧到爆﹗

由一齊跑步、到傾電話、睇日出、拍拖、不計劃的旅行、到扮攰逃避跑步、通宵睇動漫、同居、到我們至愛的Coco離世、到開工連晚安早晨都沒有機會同你講、到今日一齊攜手踏上我倆的新旅程

好在有你,緊握我手
我希望一世都有你在身旁

追到你是我的僥倖,娶到你是我的福氣

Let’s get Married !

反傳統婚照﹗
反傳統婚照﹗

洪永城廁所求婚多蝦碌

梁諾妍回憶被求婚時過程,她透露洪永城在家中廁所求婚:「求婚過程係好好笑,好多蝦碌嘢發生,佢喺屋企個廁所度求婚,好係佢嘅 style,成個過程我係笑到喊,不過都好感動,有晚佢拍完嘢返屋企,就入咗廁所一陣出嚟,跟住到我人有三急入廁所,佢又跟住我入廁所,當我打開廁所門,原來佢喺廁所度佈置咗有一個攝錄機,又喺洗手盆度放咗啲微型燈泡,又有一束鮮花,鏡上又貼咗啲心型卡,仲寫上MARRY ME?我好笑又感動,我問佢點解要喺洗手間求婚?佢話知道我一定要去,最好笑係佢拎隻戒指出嚟求婚時候,我話我真係好急,你等一等我去完廁所先,結果佢要等我辦完大事再求婚,我就Say Yes!」

婚照都影埋,梁諾妍左手無名指戴上求婚戒﹗(圖片來源:梁諾妍IG)
洪永城帶住煲呔,背住戴上花環的梁諾妍,一臉幸福,梁諾妍左手無名指戴上求婚戒﹗(圖片來源:梁諾妍IG)

同時間,梁諾妍亦在IG公布喜訊,回應洪永城的愛的宣言:「願餘生我們也一起笑住過﹗」公布喜訊後,圈中好友紛紛留逼祝賀,但洪永城前度唐詩詠未有祝福﹗

梁諾妍愛的宣言:

下半生手拖手

繼續一起跑下去
繼續跑去世界每個角落👫🏽

感恩遇到你
常常帶給我歡樂
照顧我陪我通宵睇動漫睇網球比賽
工作上的互相扶持
願餘生我們也要一起笑住過!

婚照都搞笑過人﹗
婚照都搞笑過人﹗

黃翠如長文數落洪永城送祝福

洪永城、黃翠如由有線拍檔做到去無綫,不時傳出緋聞,不過二人現在已各自找到幸福,今日洪永城公布婚訊,黃翠如感觸發長文祝福,訴說二人一起成長,曾感受到他原來也懂得照顧人,不過其後突然狂數落洪永城缺點,包括污糟、大男人、脾氣差等八大缺點,最後感激梁諾妍肯接收洪永城﹗呢個祝福認真特別﹗

洪永城同居試婚成功宣布婚訊 廁所求婚搞到梁諾妍笑到喊

(圖片來源:黃翠如IG)
(圖片來源:黃翠如IG)

黃翠如其後再在洪永城的喜訊post下留言:「當洪永城都會結婚,這個世界一定有美好的童話,我愛你們。」然後又在梁諾妍度留言:「都係嗰句,如果佢蝦你,話俾我知,我幫你搞掂佢﹗愛你們,所有的祝福。」

(圖片來源:黃翠如IG)
(圖片來源:黃翠如IG)

直擊洪永城孖女友散步變御用狗奴

向來吊兒郎當的洪永城,早前開口講想結婚生仔,為了給長腿女友梁諾妍(Inez)一個安樂窩又計劃買獨立屋,花弗男洗底變顧家男。為免夜長夢多,洪永城原來早已向Inez求婚,並獲女友答應,不過婚事要等疫情過後才能著手籌備。年前洪永城與Inez拖住共同領養的十歲牧羊狗Coco外出,一家三口溫馨無比,預演新手父母湊仔記。

梁諾妍被好友黎紀君在《晚吹》爆料好恨做媽媽,當時梁諾妍話唔介意未婚懷孕﹗(圖片來源:梁諾妍IG)
梁諾妍被好友黎紀君在《晚吹》爆料好恨做媽媽,當時梁諾妍仲話唔介意未婚懷孕﹗(圖片來源:梁諾妍IG)

洪永城放棄唐詩詠因梁諾妍決定封盤

洪永城與梁諾妍(Inez)拍拖兩年多,這次的戀愛旅程令洪永城愛到跌入漩渦,甚至願意做老襯從此被困,對洪永城來說絕對是一個前所未有的經歷。37歲的洪永城,以往對感情事吊兒郎當,入行已被封媾女王,12年與任職金融界的圈外女友Emily拍拖四年,卻有傳因為背女友在外媾女而分手。到13年與唐詩詠撻著,外界一直都不看好,二人性格南轅北轍,洪永城更被指花弗性格難改,最後亦未能長揸「最不能錯過的女友」。相比起與唐詩詠拍拖的偷偷摸摸,洪永城與Inez愛得光明正大,Inez更有本事驅使洪永城永遠封盤,全因她是個百分百「最不可多得的女友」。

洪永城遇上Inez前個底認真花,與唐詩詠拍拖三年從未定性。
洪永城遇上Inez前個底認真花,與唐詩詠拍拖三年從未定性。
18年底,與唐詩詠甩拖後單身年半的洪永城,公開與模特兒兼長跑教練梁諾妍(Inez)拍拖,二人一撻即著感情一日千里。
18年底,與唐詩詠甩拖後單身年半的洪永城,公開與模特兒兼長跑教練梁諾妍(Inez)拍拖,二人一撻即著感情一日千里。

洪永城變御用狗奴 兩人一狗甜蜜拍拖

洪永城拍拖無耐終於氹到Inez同居試婚過二人世界,為增添小情趣他們領養了一隻已十歲的牧羊狗,雖然是男仔卻名叫Coco,估不到愛犬卻成為他們之間的第三者,因為Coco好黐洪永城,令Inez不時呷醋。Inez愛狗如命,領養初期仆心仆命照顧有腳患的Coco,現時Coco行得走得,Inez與洪永城不分晝夜,一有空就拍拖放狗。早前洪永城與Inez拖住Coco先到寓所附近的茶檔醫肚,難得搵到個願意踎街邊食麵的貼地女友,當家小生洪永城變成御用狗奴,每次Coco大小二便後都出手善後,充分反映出他將來會是個稱職的好爸爸。無腳雀仔肯改變自己落地,需要莫大的勇氣,睇嚟洪永城已經諗清諗楚,要同佢個森林講拜拜喇!

Inez愛心爆棚,去年與洪永城一起領養了一隻已十歲的牧羊狗Coco,二人當隻狗仔咁湊,日前一家三口外出,本來由Inez拖住Coco,點知突然扭計唔肯行,要轉手畀阿爸洪永城拖先行。
Inez愛心爆棚與洪永城一起領養了一隻已十歲的牧羊狗Coco,二人當隻狗仔咁湊,早前一家三口外出,本來由Inez拖住Coco,點知突然扭計唔肯行,要轉手畀阿爸洪永城拖先行。不過早前CoCo已離世。
洪永城與 Inez幫襯油塘寓所附近的茶檔,二人唔介意要坐出街,洪永城仲拖住愛犬行去小雜貨店八卦周圍睇。
洪永城與 Inez幫襯油塘寓所附近的茶檔,二人唔介意要坐出街,洪永城仲拖住愛犬行去小雜貨店八卦周圍睇。
但洪永城手指指叫sit,Coco即乖乖聽話。
但洪永城手指指叫sit,Coco即乖乖聽話。

同居試婚愈試愈熱 隨時奉子成婚

Inez條件優厚,畢業於加拿大多倫多大學的她樣子討好身材健美,擁修長美腿是全職模特兒,近年為ViuTV及開電視主持節目,難得入行以來都零緋聞,默默做好自己的工作,而且為人非常上進,除了考取了跑步教練牌及健身教練牌之外,還在中環開設自己的健身中心。與Inez拍拖初期,洪永城住在西貢匡湖居,日夜趕劇要見女友一面實在不易,去年底月租油塘豪宅同居試婚,愈試愈熱,愈熱愈試,早前被問及結婚計劃,洪永城直言:「我好ready,都差唔多年紀,都要做爸爸。(隨時奉子成婚?)女友好喜歡小朋友同小動物,如果發生了,我會處理,係會朝著呢個方向嘅。」另一方面,Inez亦開晒口恨披嫁衣,「我隨時ready,唔要佬都得㗎,但要先努力工作為小朋友儲教育基金,哈哈!」

食飽飽拖狗散步,Coco沿途放低幾兩黃金又周圍小便,洪永城跟手善後清理現場,做個負責任的狗主。
食飽飽拖狗散步,Coco沿途放低幾兩黃金又周圍小便,洪永城跟手善後清理現場,做個負責任的狗主。
直擊洪永城孖女友散步變御用狗奴 愛得光明正大隨時奉子成婚
洪永城在愛犬如廁後以清水洗地。
洪永城早已榮升業主在觀塘置業,不過要等明年才收樓,為了與Inez築愛巢,他在油塘的豪宅租了個細單位,這日拍完拖放完狗,二人一狗齊返歸。
洪永城早已榮升業主在觀塘置業,不過仍未收樓,為了與Inez築愛巢,他在油塘的豪宅租了個細單位,這日拍完拖放完狗,二人一狗齊返歸。

拍拖N次對結婚從來隻字不提的洪永城都話ready,可見他與女友早已在結婚方面有共識。據知情者透露:「Tony(洪永城)以前確係衰花心未定性,Inez令佢明白兩個人一齊點先係最舒服,以前佢同唐詩詠女好宅男好動,根本就唔work。Inez份人好單純,經常發放正能量,佢嘅開朗樂天令Tony日日都活得開心,而且Inez係個獨立自主嘅女仔,Tony忙拍劇忙工作,佢會自己打發時間,唔會黐身同問長問短,之前Tony畀人話鹹豬嘴朱晨麗,Inez好信任Tony完全冇過問,男人就係咁犯賤,咁樣Tony反而更加緊張女友;另外,Inez有一種好強嘅感染力,可能佢由細都好運動,健康生活亦放第一位,Tony同咗佢一齊亦開始注重生活同飲食上嘅健康。Tony講得啱,Inez嘅優點真係數唔晒,人美心善有愛心形容佢一啲都唔過分,對於Tony嚟講真係執到寶,所以佢好珍惜呢段關係,佢試過開口求婚,Inez亦初步應承咗,打風都打唔甩㗎喇!Tony諗住等機會補做形式上嘅嘢,令Inez有個美好嘅回憶。」早前洪永城表示袁偉豪趁跑步向張寶兒求婚有參考價值,他說:「若我在馬拉松的終點求婚也不錯!」漏晒口風。

這晚洪永城與 Inez又帶Coco外出散步,期間入便利店買消毒濕紙巾,洪永城表現得非常體貼,永遠走在女友跟前開門。
這晚洪永城與 Inez又帶Coco外出散步,期間入便利店買消毒濕紙巾,洪永城表現得非常體貼,永遠走在女友跟前開門。
放狗期間洪永城出手幫 Inez整理口罩,隔住個芒都覺得好 sweet,難怪 Inez曾公開大讚洪永城其實是個脾氣非常好又細心的男朋友。
放狗期間洪永城出手幫 Inez整理口罩,隔住個芒都覺得好 sweet,難怪 Inez曾公開大讚洪永城其實是個脾氣非常好又細心的男朋友。
早前Inez在社交網上載帶Coco去沙灘玩水的照片,因為Coco是領養回來,她想測試Coco是否喜歡游水,同時亦呷狗醋,透露Coco最愛洪永城。
早前Inez在社交網上載帶Coco去沙灘玩水的照片,因為Coco是領養回來,她想測試Coco是否喜歡游水,同時亦呷狗醋,透露Coco最愛洪永城。