舒淇

舒淇愛心女神冇有怕 患嚴重濕疹拒棄養

娛聞

廣告

舒淇 患嚴重濕疹多年,試盡方法仍未能徹底根治,每次復發都飽受煎熬,身心備受困擾,近期濕疹病情又再加劇,更要抽血驗致敏原,已經無計可施的她,坦言再找不出原因,只能祈求上天,讓敏感可以突然消失,脫離她的身體,表現無奈!據悉遍尋名醫及偏方治療多時,雖然醫生建議要避免養寵物避開致敏原,不過,愛心爆棚的她,對家中兩隻長毛貓當正仔女咁錫到燶,見少一 陣都唔得,為愛貓寧願自己吃苦都唔介意,人美心更美果然係愛心女神

 

撰文:東方新地 圖片:新傳媒圖片、微博、IG

舒淇患嚴重濕疹拒棄養

女神舒淇早已名利雙收又嫁到好老公馮德倫,受盡萬千寵愛其實一樣有煩 惱,多年來患上嚴重濕疹的她,雖然中西醫夾擊治療,用盡方法都未能控制病 情,近期濕疹又復發,要入院抽血驗致敏原,飽受困擾心情差透的她,在社交 網吐苦水:「#針好恐怖#嚇到血都流不出來#血管太細的人抽血很折磨。」

 

 

 

用類固醇控制病情

多年來受濕疹折磨的舒淇,一直勇於面對病情,亦不介意公開病況,不時 上載面上布滿紅疹的照片,單睇都感受到女神有幾唔舒服。據知情者透 露:「呢幾年嚟,舒淇真係受盡濕疹折騰,一發作就好嚴重,唔單止出喺身度, 連面上都布滿紅疹,令佢好唔舒服,睇西醫都係用類固醇藥控制病情,搽藥太 多佢都擔心會令皮膚表層變薄,但唔搽藥又唔得,其實一路都有唔少朋友介紹 名醫同偏方畀佢,真係乜都試過晒,但都唔可以徹底醫好,最近又有朋友介紹 個皮膚醫生畀佢,第一步又係先抽血驗,希望今次真係可以有幫助啦!」

 

兩隻貓係命根

由於濕疹是免疫系統出毛病引致,醫生就曾建議舒淇若想控制病情,最好 避免養寵物,要遠離貓毛等引起敏感源頭,不過,舒淇愛心爆棚,家中兩隻貓 是她的命根,為養愛貓亦冇有怕。據知情人說:「都唔單只係醫生講,其實都 有朋友勸佢,就算養貓,都試吓少啲抱埋身,更加唔好同貓咪一齊瞓覺,不 過,佢當正兩隻貓係仔女咁,話唔抱貓勢係假,寧願自己辛苦啲,再搵第二啲方法治療。」16年成為馮太的舒淇,愛貓MayMayBoy原來是老公馮德倫13年送贈的聖誕禮物,之後她更因自己經常出外工作,怕貓咪感到孤單,而再養多隻白色長毛貓MayMayMan,兩隻貓已成為夫妻倆的命根,在她個人社交網,兩隻愛貓出鏡率相當高,相信將來就算有仔女,舒淇都會繼續養貓。人美心更美的 她,讓我們一齊集氣,希望女神早日遠離濕疹困擾!

 

 

 

 

 

聽留言興奮

等𨋢期間,舒淇聽手機留言聽到笑逐 顏開,連腰果眼都出現埋,唔知係咪 老公馮德倫愛心來電!

 

 

 

 

夫妻同愛貓

同馮德倫緋聞傳足廿年,16年兩人有情人終成眷屬,婚後恩 愛有增無減,愛貓如命的舒淇,原來貓咪MayMayBoy正是老公馮德倫13年送的禮物,之後舒淇再買多隻白色長毛貓 MayMayMan給MayMayBoy做伴,兩公婆都咁有愛心。

即使患有濕疹,但舒淇對貓咪愛 錫不減,抱貓甚至同貓咪一齊瞓 都冇有怕!