陳自瑤

陳自瑤預告報喜原來開YouTube頻道 Coffee林芊妤過百萬訂閱、陳智燊夫婦收入大增!12個藝人踩過界做youtuber

娛聞

廣告

陳自瑤在社交網預告,廿四小時後有好消息公布,惹來網民瘋狂留言問個究竟,佔大多留言是離婚、陀第二胎等猜測,一日後,陳自瑤親自揭盅,原來她在YouTube開設了頻道,其實唔少藝人都踩過界做埋youtuber!

文:東方新地 |圖:YouTube截圖

陳自瑤預告有好消息宣布。
陳自瑤日前預告有好消息宣布。

陳自瑤向來活躍社交網,早前開通埋內地抖音,近日更拍片發表自強宣言,惹來網民無限聯想。日前陳自瑤在IG出post預告,廿四小時後有好消息向大家公布,再次令網民瘋狂留言追問,猜測她會宣布「獨立宣言」、回復「自由身」,又猜她再度陀B等。

陳自瑤所講的好消息原來係在YouTube開了頻道。
陳自瑤所講的好消息原來係在YouTube開了頻道。

陳自瑤開通半小時有2,260訂閱

翌日,陳自瑤親自揭曉答案,原來是在YouTube開設頻道「陳自瑤YoYo Chen」,留言:「我說了一年,也計劃和籌備左一年嘅YouTube Channel 終於要開張了!🌹🎉這是我其中一個目標,也是其中一件我好想完成嘅事,真係好開心終於可以係2021年達成了!💪🏻
我亦都希望大家可以透過我既Channel了解我多d!💜而我嘅第一條片會係今晚9:00pm上載‼️希望大家可以去支持下我啦!💪🏻💪🏻同埋大家如果有咩topic想睇 ,都可以留言話畀我知㗎!我係YouTube 界新人🤣🤣請大家多多指教」,公布不用半小時,已有過二千人訂閱﹗一日後更有超過一萬四千訂閱﹗

陳自瑤開通YouTube數小時後有二千多名訂閱。上載第一條片有約六千view。
陳自瑤開通YouTube數小時後有二千多名訂閱。上載第一條片有約六千view。

回應分享囡囡成長點滴

陳自瑤開了YouTube頻道後,在晚上九時上載第一條片,「初次 Q&A!點解我會凍齡?」為主題,片長約16分鐘,片中陳自瑤事先揀選了11條問題自問自答,當中有提及日後會否多發放囡囡的近況?陳自瑤答案係唔會:「上次個女用咗我個抖音玩唔小心撳錯掣貼咗出嚟,嗰次真係一個誤會,我之後先知,因為我唔係成日睇﹗我想個女都係專注學業先。」

陳自瑤回答最鍾意自己20歲、30歲還是現在39+1,陳自瑤話最喜歡現在的自己,因為「依家最清楚想要啲乜,知自己條路點行﹗」
陳自瑤回答最鍾意自己20歲、30歲還是現在39+1,陳自瑤話:「20歲時唔知自己做緊咩,30歲就係結婚生女呢個階段,要照顧家庭,有好多啲學習,到依家39+1係我喜歡的階段,因為依家最清楚想要啲乜,知自己條路點行,人又成熟﹗」
回答最後一條問題:「未來會有咩計劃?」陳自瑤話會努力拍多啲片上YouTube。
回答最後一條問題:「未來會有咩計劃?」陳自瑤話會努力拍多啲片上YouTube。首段片上載後,陳自瑤都關心大家的留言,幾乎逐一回覆,不過都係選擇性畀like同回覆,對於不少網民留言問與王浩信的關係如何,卻未有回應。

網友留言:無答到所有人想問同知嘅問題⋯⋯

影片發布不到兩小時已突破5,000 view,比起某前港台DJ的youtube頻道成功得多,Yoyo亦好努力即時回應網友留言:

yoyo Youtube
影片發布不到三小時,網友已積極回應,唯獨提及王浩信的留言,一律Skip…
網友提議與連詩雅及黃翠如合作拍youtube,yoyo爽快答允。
網友提議與連詩雅及黃翠如合作拍youtube,yoyo爽快答允。

藝人另覓財路

互聯網時代,電視台獨大、唱歌拍戲至名利雙收搵到食嘅年代一早成為歷史,再加上今年橫空出現一場世紀疫症,藝人歌手工作幾乎全告停頓。與其坐食山崩不如自己尋找出路,所以唔少藝人索性自己上網開台自己話晒事,實行踩過界做埋youtuber!

楊千嬅6,700訂閱仍需努力

抗疫非常時期,楊千嬅反而搞作多多進取過人。繼製作經年個人紀錄片終於拍成舉行首映,亦宣布個人YouTube Channel 正式面世,仲自己做埋「 煮 」持每集打人情牌請嘉賓,自製煮食清談節目,不過仲係剛剛起步,訂閱人數未過萬。

Coffee林芊妤過百萬訂閱、陳智燊夫婦收入大增!12個藝人踩過界做youtuber

鄭中基搞笑風格吸13.1萬訂閱

近十年愛上攝影,鄭中基早前已經有將個人作品放上網開心 share,今年三月趁著疫情大部分工作停擺之際,索性正式開設個人YouTube Channel,除咗攝影作品,其實更多係個人搞鬼日常、扮工度日、娛樂圈奮鬥回憶史,獨門搞笑風格半年已經吸納過十萬訂閱者。

Coffee林芊妤過百萬訂閱、陳智燊夫婦收入大增!12個藝人踩過界做youtuber

周柏豪男神擁16.2萬訂閱

男神柏豪都早於舊唱片公司已經開始經營個人YouTube Channel, 早
期出新歌發布 MV,近日題材愈嚟愈廣,有得跟男神去開工、去出 trip,甚至以副駕視角一齊遊車河,當堂拉近晒距離。

Coffee林芊妤過百萬訂閱、陳智燊夫婦收入大增!12個藝人踩過界做youtuber

G.E.M. 鄧紫棋最高點擊 MV 超過兩億

有名你叫紅到上天際、名副其實係「 國際 G.E.M. 」,G.E.M. 鄧紫棋唱腔係國際腔,亦都比其他本地藝人更早行國際線,一早已經悉心經營個人頻道、定期出Vlog、又作為新歌MV首發平台,所以至今訂閱早已超過二百萬,最高點擊 MV 超過兩億。

Coffee林芊妤過百萬訂閱、陳智燊夫婦收入大增!12個藝人踩過界做youtuber

雨僑扮靚美容吸19萬fans

雨僑(原名廖羽翹)拍過電影出過唱片,不過論經營得最長久亦係最成功嘅,始終都係扮靚美容做 KOL。一早儲落大批忠實觀眾,加上最近做埋媽媽,話題多咗持家湊女師奶經,訂閱者明顯又增多。

Coffee林芊妤過百萬訂閱、陳智燊夫婦收入大增!12個藝人踩過界做youtuber

林芊妤教瑜伽教到百萬訂閱者

藝人明星幫仔女開公開帳號,少不免被網友指摘當正仔女係搖錢樹,所以林芊妤喺囝囝「 伯伯 」滿兩歲時都宣布停止更新,交番個社交網 絡 自 主 權 畀 囝 囝。 其 實Coffee 教瑜伽已經教到個人YouTube Channel有過百萬訂閱者,成績好過大把巨星名人。

Coffee林芊妤過百萬訂閱、陳智燊夫婦收入大增!12個藝人踩過界做youtuber

衛詩雅娛樂圈中牌王擁11萬訂閱

做藝人嚟講衛詩雅真係夠晒勤奮好學,考齊導遊牌、船牌、各種車牌、中醫證書等,係娛樂圈中嘅牌王,做 YouTuber 衛詩雅一樣乜都會講吓,有搵食旅遊、煮食扮靚、藝人家居、連自己生活瑣事都可以講一餐,夠貼地夠包羅萬有,反而殺出一條血路,短短時間內訂閱人數已破十萬。

Coffee林芊妤過百萬訂閱、陳智燊夫婦收入大增!12個藝人踩過界做youtuber

湯怡4.6萬人follow健身女神兼甜品女神

一早成為IG 健身女神兼且甜品女神, 其 實 湯 怡 開 個 人Channel 開得算遲!開台後專心自己最擅長嗰兩瓣,除咗Cooking Kaka 教煮講食又請圈中朋友一齊玩一齊食,亦有WFH(Workout from Home)啱晒抗疫 timing

Coffee林芊妤過百萬訂閱、陳智燊夫婦收入大增!12個藝人踩過界做youtuber

陳智燊夫婦擁13.4萬訂閱收入大增

形象健康、能言善道,所以陳智燊同宋熙年係少數轉型做全職 KOL 後,收入仲遠遠多過電視台年代嘅藝人。兩公婆曾經被直擊出 job 拍片,陳智燊負責器材拍攝、宋熙年扮到靚一靚介紹產品,一唱一和最後再補張恩愛相 shot 做結尾,專業熟手自然受客戶歡迎,亦吸引大批粉絲訂閱。

Coffee林芊妤過百萬訂閱、陳智燊夫婦收入大增!12個藝人踩過界做youtuber

陳茵媺live講bedtime story吸1.4萬粉絲

三年抱三、一個湊三個、面面俱圓,仲要擠到時間出嚟畀老公陳豪過二人世界,其實大把人希望陳茵媺分享人妻人母持家有道個人心得,而陳太喺上個月終於都開咗個人 YouTube Channel,小試牛刀先同班小朋友玩live講講bedtime story。

Coffee林芊妤過百萬訂閱、陳智燊夫婦收入大增!12個藝人踩過界做youtuber

戴祖儀與4.5萬訂閱者開 live 互動傾偈

簽約星夢之前,戴祖儀已經係街頭藝人同獨立歌手,運用網上資源為爭取曝光、吸納粉絲早有自己一套,建立個人 YouTube Channel 後,順理成章可以通過平台發布自己新歌新動向,亦有得開 live 同粉絲互動傾偈。

Coffee林芊妤過百萬訂閱、陳智燊夫婦收入大增!12個藝人踩過界做youtuber

童顏唐寧擁1.7萬訂閱者

一向喺個人IG都有分享養育一對仔女嘅單親生活,亦有分享素食有營健康生活,永遠保持正能量仲有一張娃娃臉嘅唐寧,最近都將平台移師到YouTube上儲埋一班忠實觀眾,最新短片係一向煮得嘅佢實測鬼佬教炒飯到底work唔work。

Coffee林芊妤過百萬訂閱、陳智燊夫婦收入大增!12個藝人踩過界做youtuber