陀B 6個月 巨肚陳敏之全面停工安胎
廣告
7月初宣布陀仔4個幾月嘅陳敏之，自從拍完最後一集《Sunday好戲王》後開始停工，專心安胎。冇工開悶到爆，老公William又要返工，敏之近日四出約朋友食飯見面，日前仲同埋梁烈唯老婆Tina做產前檢查。敏之陀仔，唯唯嗰個係女，第時咪可以對親家？
延伸閱讀：
吳幸美《東張》試酒片hit爆
34D高Ling出水盪奶派福利
敏之近日停工待產，現時陀B約6個幾月嘅佢明顯肚凸凸，好在敏之身形一向高高瘦瘦，就算懷孕都只係肥肚唔肥身，第時生完B要減番都唔難！呢排成日約friend嘅敏之，幾日前出席黃長興囝囝Tristan百日宴，同BB面貼面勁有母愛；之後又同楊怡、黎諾懿等人去撐好姊妹伍詠薇套新戲，忙過返工！
全文完
