25歲馮盈盈分手後眼腫行街 同居試婚失敗 IG高調身材大解放
撰文、圖片：東方新地
情人節孤單食蛋散
今年單身過情人節，馮盈盈分享了Eat Yourself Tonight的短片，示範了張開口食蛋散：
馮盈盈為做醫生太太 貼首期買屋同居
為了與醫生男友Martin雙宿雙棲，馮盈盈不理父母反對，貼埋首期與寶寶在何文田買樓築愛巢，今年6月入伙，她更周圍撲為愛巢添置傢俬與家品，希望能有一個溫暖的家，不過同居初期，馮盈盈已不止一次公開呻辛勞，放工後既要做家務，更為寶寶學煮飯，廿四孝女友做到足。
男友要私人空間 聚少離多惹爭執
對於25歲的馮盈盈來說，成為醫生太太是她的心願，但這種生活卻令她身心疲累，據知情者透露：「盈盈貼首期畀寶寶買樓，自己仲要冇名已經畀屋企人同朋友鬧佢蠢，點知同居後仲要做埋工人，盈盈父母見到個女咁都心痛，不過寶寶就乜都唔理，佢返醫院要輪更，成日都唔見人，呢半年嚟盈盈覺得同佢反而仲見少咗，寶寶假假地都係醫生，雖然做政府醫生搵錢唔算多，但醫院都好多護士吼住，盈盈當然好唔放心，佢哋開始為咗啲小事而嘈交。以前拍拖分開住大家都有私人空間，同居後盈盈認為唔應該有秘密同私隱，不過寶寶就唔係咁諗，盈盈愈箍得緊，寶寶就愈反抗，關係愈來愈疏離。」
馮盈盈忍痛斬纜 放假獨自眼腫逛街
四年情唔係話斷就斷，馮盈盈雖然非常之唔捨得，但感情出現問題亦要去面對，長痛不如短痛，最終同居變分手。雖然馮盈盈表示分手是在12月發生，但其實她近月在社交網已不時出po表達不快心情，日前被踢爆與Martin雙雙現身中環嘉年華，馮盈盈解釋再見亦是朋友。
因為醫生男友經常唔得閒，鍾意行街買嘢的她早前被本刊記者捕獲獨自行商場，悶悶不樂又一個人食午餐，看來已受情困多時。塞翁失馬、焉知非福，馮盈盈係叻女嚟，呢個森林仲有大把好樹，攞番出咗嘅首期先再慢慢搵下一個筍盤啦！
情場失意 IG高調Show身材
喺現實愁爆的馮盈盈，最近開始係社交媒體高調出Post，不時Post性感泳照、運動生活相，唔通開始回復心情，準備再出Pool？
