2016下半年無綫劇集率先睇 2016下半年重頭劇率先睇

2016下半年無綫劇集率先睇

娛聞

廣告

眨吓眼快到2016下半年,嚟到六月尾將進入暑假階段,TVB將陸續上映下半年重頭劇,以下10套更屬必睇之作!

其他文章︰

啜爆夜場女 譚小環老公偷食

娛圈正印站起來!

1.救亡谷收視《一屋老友記》

為 谷黃金時段收視,相信原定安排於萬聖節期間播映嘅《一屋老友記》,無綫提早本月尾上架!事關想藉「收視福將」歐陽震華叫座力,力保黃金時段收視!《一屋老 友記》講述白樺(胡楓)同(依蘭)羅蘭姐為已故明星夫婦,後雙雙化成熱心助人嘅開心鬼,用神奇力量,幫助寶歡(歐陽震華)以愛緊扣一家人,是一套又驚又 喜、有笑有淚嘅溫情喜劇!

賣點:集古怪、搞笑及溫情元素,以輕鬆手法表達港人為口奔馳,而忘記親情可貴嘅欷歔,睇完包你好有共鳴!

主演:歐陽震華、胡定欣、胡楓、羅蘭、滕麗名、劉江、張穎康、呂慧儀

播映期:6月27日晚上9點半

2.祖藍 嘉欣BB爆笑之作 《哪吒與楊戩》

改編自經典神話的大型古裝劇,商朝紂王(葉相明)昏庸無道,魔人蠢蠢欲動,高人姜子牙(羅家英)決定下山討伐紂王,期間遇上哪吒(王祖藍)、雷震子(林子聰)等異能人,開展一段驚心動魄故事。

賣點:雖然又係內地神怪特技劇,但可能係嘉欣BB告別之作,加上又有祖藍及家英哥放笑彈,睇頭十足!

主演:王祖藍、鍾嘉欣、高雲翔、羅家英、林子聰、胡然、孟瑤

播映期:7月

3.打甩髀《城寨英雄》

五十年代嘅九龍城寨係三不管罪惡之城。左勾拳(陳展鵬)、段迎風(袁偉豪)兩位身懷絕世武功嘅熱血青年,既要查出父親被害真相、亦要繼承父親遺願,誓要將惡勢力趕出城寨!

賣點:除了睇眾男主角拍武打場面大騷肌肉之外,劇中胡定欣穿黑色貼身連身褲,又打又跳,弗爆身形都好吸睛!不過,定欣笑言打戲唔辛苦,拍感情戲最慘,佢表示:「因角色情緒反差大,最初好開心,尾段卻集集淒涼。有幾日我日日都要喊,喊到眼腫,心情好沉重。」

主演:陳展鵬、胡定欣、袁偉豪、劉佩玥、伍允龍、王君馨、元秋

播映期:8月

4.配搭新鮮《味想天開》

朝廷頒授金蓮花,是頂級食肆嘅象徽,從此擁有金錢、名譽、地位。丁一山(洪永城)係天生擁有金舌頭嘅地獄食評家;蓋兆天(黃子恆)係備受追捧嘅明星廚聖。二人是敵是友,兩兄弟互鬥廚藝,以「味」分高下!

賣點:洪永城劇中演識煮識食嘅食家,原來現實中對廚藝一曉不通,女友唐詩詠更指其廚藝勁差。至於蔡思貝首演古裝扮胡人,劇中會大跳中國舞,更會跟永城有感情線,加埋新紮上位黃子恆、朱晨麗及擅長搞笑嘅肥媽,配搭好有新鮮感!

主演:洪永城、蔡思貝、黃子恆、朱晨麗、何雁詩、梁靖琪、Maria Cordero

播映期:9月

5.貼地反霸權《巨輪II》

羅 威信(蕭正楠)與姚文英(田蕊妮)幾經艱辛,將「羅信記」發展得譽滿港澳,卻惹來疊碼仔出身的地產商(吳岱融)與其妻(梁琤)不滿,施橫手連翻打壓,威信 更被親信(楊明)出賣,感世俗混亂,遂到沖繩尋找寧靜空間。期間,戀上了神秘少女(陳凱琳),更捲入一宗廿年前離奇兇案!另方面,卓家在金融海嘯後家道中 落,卓靜(鍾嘉欣)需擔起家庭支柱責任,在懷有喬天生(陳展鵬)BB後,有感生活艱難亦遠走沖繩!

賣點:劇情講述羅威信同姚文英面對強權欺壓、不公義之時,究竟如何抉擇呢?堅守原則?還係以非常手段,逆境求存?這都有可能發生於你我身上,值得大家深思!另外,該劇遠赴沖繩拍攝,靚人靚景亦係賣點所在!

主演:蕭正楠、田蕊妮、陳展鵬、阮兆祥、陳凱琳、鍾嘉欣、梁琤、吳岱融

播映期:10月

6.爆笑膠劇《來自喵喵星的你》

承接《鬼同你OT》風趣惹笑嘅人鬼三角戀喜劇模式,原班人馬拍攝全新爆笑喜劇《來自喵喵星的妳》,以半科學化解釋喵星人來到地球、繼而同地球人爆發連串驚喜故事!

賣點:雖然都係《鬼同你OT》原班人馬演出,但屬全新故事,而且加入超可愛喵星人元素,愛貓之人不容錯過!另外,更有於《殭》演不死人而大獲好評嘅型佬關禮傑坐鎮,加上連串膠位劇情,相信大家到時定會邊插邊追看!

主演:陳豪、田蕊妮、胡定欣、朱咪咪、關禮傑、威利、C君

播映期:10月

7.方中信 智叔大鬥法《律政強人》

張強(方中信)係法庭內外均為人所知嘅不敗律師,為了獲取更大利益,加入香港最大華資事務所。劉謹昌(廖啟智)為人深沉內斂,身為事務所執行合夥人,克盡己責,暗中培植勢力,目標指向事務所最高位置。事務所股東會主席從缺,為爭主席之位,二人鬥過你死我活!

賣點:型佬方中信同智叔兩位好戲之人,今次回巢合作正面交鋒,肯定擦出唔少火花!而劇情夠晒貼地,描述各人為利益為上位,不惜爾虞我詐,出賣人格,顯現人性最醜惡一面,令人期待。

主演:方中信、廖啟智、李佳芯、曹永廉、郭少芸、黃智雯、劉丹、張曦雯

播映期:11月

8.男人戰場《幕後玩家》

時裝懸疑商戰劇,秦昇海(黃宗澤)、馮汐然(蕭正楠)及游天恆(張繼聰)均為公關公司老闆,初為好兄弟,期間因利益而明爭暗鬥,而昇海與汐然更跟顧成雙(黃翠如)陷三角戀,爭女爭到反目!

賣點:除了睇三兄弟如何因錢同女人搞到反面,盡顯人性醜態之外,劇中翠如BB周旋於蕭正楠及黃宗澤之間,仲有超激咀戲!另外,蕭正楠及翠如BB更會於劇中預演婚禮!

主演:黃宗澤、蕭正楠、張繼聰、黃翠如、龔嘉欣、陳煒

播映期:11月

9.安仔乞兒look搶鏡 《致命復活》

韋逸昇(郭晉安)無故失蹤十年,被法庭裁定死亡,遺產早已分配!但後來他突然出現,原來期間於越南被綁架才失蹤十年,得知太太阮喬(萬綺雯)改嫁,昇要求重新開始被拒,人財兩失下,覺得事有蹺蹊,調查後發現有人暗中設局,昇遂展開大報復!

賣點:集懸疑、報仇於一身之劇集!劇中安仔被綁架後演乞兒look,同佢以往文質彬彬靚仔樣有好大反差,值得一睇!加上有靚人萬綺雯、朱晨麗等女角,及劇組遠赴越南靚景拍攝,當睇旅遊節目都得!

主演:郭晉安、萬綺雯、黃德斌、王浩信、朱晨麗及何雁詩

播映期:12月

10.父子爭女《與諜同謀》

Endless Beauty經理卓文禮(羅嘉良)處事果斷,而且對下屬要求極高!禮之秘書陳晞文辦事效率高,深得禮器重,後來二人日久生情!而禮之子宇軒(鄭俊弘)表面係保安公司CEO,實則係商業間諜,及後對晞文生情愫,兩父子因此而起爭執,甚至反目成仇!

賣點:相隔七年後羅嘉良回巢之作,加上網民勁buy嘅李佳芯今次首演女一,其演出亦係大家焦點!至於羅嘉良同鄭俊弘呢對父子,於劇中為爭金錢同女人而鬥智鬥謀場面,對觀眾來說肯定有新鮮感!

主演:羅嘉良、鄭俊弘、李佳芯、黃心穎、曹永廉、胡諾言

播映期:12月

全文完