22歲鄧月平IG曬靚相着Sport Bra行山 「父女相認」煲湯抗疫

娛聞

廣告

早前參加ViuTV烹飪節目獲封女廚神嘅鄧月平(Larine),除咗好煮得,仲有樣有身材。前排因為電影《墮胎師》而谷肥自己,然後又極速瘦身回復靚靚身材,仲即刻喺IG盡show努力成果!22歲女仲好識得飲水思源,佢當年同旦哥鄭丹瑞因為三年前合作電影《小男人週記3》飾演父女而結片緣,時至今日兩人依然感情甚篤,兩「父女」不時見面。

撰文:東方新地、圖片:東方新地/鄧月平IG

鄧月平IG曬靚相着Sport Bra行山

極速瘦身回復靚靚身材嘅鄧月平,早前就喺IG大騷減肥成果,平時都有唔少靚相放上去俾Fans止止癮!

早前上載Sport Bra行山相,減肥成果一眼就見到!
早前上載Sport Bra行山相,減肥成果一眼就見到!

「父女相認」煲湯抗疫

日前旦哥拍攝網片,邀請Larine擔任嘉賓,Larine除咗帶備自製甜品tiramisu外,更即場親自下廚炮製愛心魚湯孝敬哎吔爹哋。女廚神鄧月平並非浪得虛名,為答謝哎吔爹哋關照,特別帶齊料到拍攝現場親自下廚。Larine問旦哥是否識開生粉水,極少入廚嘅旦哥笑笑口話:「我負責坐喺度等食㗎咋,開咩生粉呀?」旦哥一邊望實阿女整,一邊大讚Larine刀功好,回想起當年拍攝無綫處境劇《高朋滿座》時,旦哥話有日拍廚房戲,要跟廚師學揸刀,可惜一roll機佢就切親手搞到一枱血:「我依家都驚呀,所以呢啲粗重嘢,我哋老人家都係唔啱做,搵我呢個女啦!」

早前參加ViuTV烹飪節目獲封女廚神嘅鄧月平,並非浪得虛名。
早前參加ViuTV烹飪節目獲封女廚神嘅鄧月平,並非浪得虛名。
鄭丹瑞同鄧月平因為喺電影 《小男人週記3》 中飾演父女而結片緣,平日亦以父女相稱,感情甚篤。
鄭丹瑞同鄧月平因為喺電影 《小男人週記3》 中飾演父女而結片緣,平日亦以父女相稱,感情甚篤。
日前旦哥拍攝網片,並邀請Larine擔任嘉賓,父女倆一見面即雞啄唔斷。
日前旦哥拍攝網片,並邀請Larine擔任嘉賓,父女倆一見面即雞啄唔斷。
一直翹埋雙手嘅旦哥笑言只負責食,幫唔到手。
一直翹埋雙手嘅旦哥笑言只負責食,幫唔到手。
早前獲封女廚神嘅Larine切魚時似模似樣,果然有姿勢有實際。
早前獲封女廚神嘅Larine切魚時似模似樣,果然有姿勢有實際。
Larine特別炮製愛心魚湯畀旦哥:「呢個係心機湯,簡單健康得嚟又營養豐富,好啱旦哥。」
Larine特別炮製愛心魚湯畀旦哥:「呢個係心機湯,簡單健康得嚟又營養豐富,好啱旦哥。」
唔止愛心湯,Larine更帶來自製甜品tiramisu畀旦哥品嚐,食到佢舔舔脷。
唔止愛心湯,Larine更帶來自製甜品tiramisu畀旦哥品嚐,食到佢舔舔脷。

終於大功告成,旦哥一嚐Larine嘅三味黃魚湯,並大讚啱晒口味,Larine開心表示:「旦哥讚我嘅魚湯好飲、甜品好食,我感動到想喊,因為旦哥係一個對飲食有要求嘅人,得到佢認同讚賞係對自己一個肯定,我會煮多啲嘢畀『爹哋』食,因為拍《小男人》時我已經應承要煮嘢畀佢食。」旦哥仲話會請飲茶回禮㖭!

二人因為三年前合作電 影《小男人週記3》飾演父女而結片緣,時至今日兩人 依然感情甚篤,兩「父女」不時見面。
二人因為三年前合作電 影《小男人週記3》飾演父女而結片緣,時至今日兩人 依然感情甚篤,兩「父女」不時見面。