35歲徐淑敏生三女仍少女味濃 陪女度假保鑣護送勁大陣仗

娛聞

廣告

一排無見徐淑敏(Suki),最近俾記者撞到一家人陪女度假。 35 歲生完三個,Suki依然皮光肉滑keep到身材,嫁著個好老公黃浩做少奶,加上醒目女自己搞生意又賺咗筆,Suki真係人生勝利組!

撰文、圖片:東方新地

徐淑敏做女強人CEO賺夠繼續做闊太

徐淑敏由屋邨港姐搖身一變成為黃浩身邊嘅闊太老婆、由三女之母變學珠寶設計師又創辦護膚品牌成為女強人CEO,去年Suki將旗下品牌以8位數字出售,賺完一大筆後再次歸隱回歸慈母生活專心湊女。

Suki孖老公黃浩帶埋三個寶貝女,仲有黃媽媽及黃家姐,去到黃金海岸參加酒店主辦嘅兒童主題活動。
Suki孖老公黃浩帶埋三個寶貝女,仲有黃媽媽及黃家姐,去到黃金海岸參加酒店主辦嘅兒童主題活動。
九歲半大同爸爸成個餅印嘅大女Vianna ,全程黐住父母一齊check out 。
九歲半大同爸爸成個餅印嘅大女Vianna ,全程黐住父母一齊check out 。
成家人辦手續都唔係一時半刻搞得掂,所以Suki走埋一邊安撫囡囡,今次輪到二女Renee扮樹熊黐住媽咪。
成家人辦手續都唔係一時半刻搞得掂,所以Suki走埋一邊安撫囡囡,今次輪到二女Renee扮樹熊黐住媽咪。
一臉慈愛攬住二女,轉頭三女Isabella又行埋嚟撒嬌,三女之母真係唔易做。
一臉慈愛攬住二女,轉頭三女Isabella又行埋嚟撒嬌,三女之母真係唔易做。

夫婦陪女度假 保鑣護送勁大陣仗

好耐冇見,Suki原來都支持留港消費,日前帶埋三個女去到黃金海岸參加酒店主辦嘅兒童主題活動順便留宿一晚,而廿四孝老公兼爸爸黃浩亦都百忙中抽空陪吓老婆同幾個女隨團參加。一家人玩完一晚翌日check out離開,兩公婆加三個女、隨行仲有奶奶黃媽媽及黃浩家姐,再加埋三個黑人保鑣同外傭,何其人多勢眾浩浩蕩蕩!

終於搞掂手續一家人浩浩蕩蕩行出酒店,黃家隨行仲有兩個工人姐姐同三個黑人保鑣,一行11人認真大陣仗!
終於搞掂手續一家人浩浩蕩蕩行出酒店,黃家隨行仲有兩個工人姐姐同三個黑人保鑣,一行11人認真大陣仗!
出街有排場,連七人車牌都要用「名牌」囉!
出街有排場,連七人車牌都要用「名牌」囉!

徐淑敏出嫁10年 生完三個仍少女味濃

講開又講,出嫁10年,長女Vianna眨吓眼都已經九歲半拍住媽媽膊頭,35歲 Suki依然保養得宜,皮光肉滑又手腳纖細,隨意一件T配貼身牛仔褲再紮起個馬尾,竟然仲有陣少女味!三個女都大,唔知幾時又起抱B癮,追番個仔呢?

35 歲生完三個,Suki依然皮光肉滑keep到身材,隨意紮起條馬尾已經好省鏡仲有陣少女味。
35 歲生完三個,Suki依然皮光肉滑keep到身材,隨意紮起條馬尾已經好省鏡仲有陣少女味。

24歲徐淑敏(Suki) 演活潑姣精

最近重播劇《仁心解碼》,可以見到出道兩年、現為人妻的徐淑敏(Suki)飾演徐子珊嘅好姊妹,當年24歲的Suki仲會姣精上身經常作性感打扮,一心諗住釣金龜!其他人物仲有陳展鵬、唐詩詠、黃智賢、陳自瑤、黃嘉樂、敖嘉年、林淑敏、李思欣、曹永廉、古明華等唔少好戲之人。 《仁心解碼》重播劇情角色重口味!方中信、徐子珊 & 最姣徐淑敏破奇案(內含劇透)

關鍵詞
徐淑敏