獨家!46歲楊千嬅巨躉遊街 疫境變廚神

娛聞

廣告

楊千嬅出道時一身babyfat兼pizza面,自知肥底唔易瘦,為做樂壇天后開騷節食減肥跑街,減走象腿同龍躉,可惜一場疫情,將千嬅福氣回歸。近半年千嬅同好多香港人一樣,留家避疫日日揸鑊剷變廚神,真係估唔到丁太廚藝高超,中西美食都難唔到佢,一日三餐大魚大肉,唔止食到老公丁子高要爆汗加操,就連自己身形亦愈煮愈脹。日前千嬅師奶出巡勇闖超市,見她一手一腳細心揀食材,費盡心機,呢個多功能老婆又可以開多一瓣,同肥媽爭飯碗主持烹飪節目。

撰文、圖片:東方新地

楊千嬅疫境變廚神

楊千嬅一家三口在今年三月無懼疫情,夥同陳小春夫婦到澳洲度假,返港後千嬅在家中自我隔離14日,這段時間她日日匿廚房為老公丁子高及囝囝 Torres煮飯,總之他們喜歡吃甚麼千嬅就煮甚麼,當中包括菠蘿咕嚕肉、手製早餐麵包、紐約芝士蛋糕、紅蘿蔔蛋糕、織花蘋果批、煙肉奶油意大利麵(Carbonara)、鮮磨芝麻糊加湯圓等,結果一發不可收拾,煮上癮的千嬅變身家中御用煮飯婆。

受疫情影響,千嬅一家除工作外甚少出街,不過一早 plan好的三月澳洲之行就如期出發,一家三口玩完返港乖乖進行自我隔離14日,千嬅亦開展其煮婦生活,煮好西養肥大小丁生。
受疫情影響,千嬅一家除工作外甚少出街,不過一早 plan好的三月澳洲之行就如期出發,一家三口玩完返港乖乖進行自我隔離14日,千嬅亦開展其煮婦生活,煮好西養肥大小丁生。

福氣回歸全家幸福肥

過去多年千嬅都專注在事業上,即使生了Torres亦未試過做全職媽媽,老公丁子高亦不知道千嬅原來入得廚房,知情者透露:「隔離兩星期,千嬅煮足咁多餐,丁生同個仔依家先發現原來千嬅煮嘢咁好食,從此唔再叫工人姐姐煮嘢,老公同囝囝都咁捧場,高度讚賞亦令千嬅得到前所未有嘅滿足感。以前為咗工作要表演,千嬅飲食都要好節制,但其實佢本身好鍾意食嘢,呢段時間日日煮不停試食,千嬅冇得避,全家都幸福肥,雖然都有喺屋企做運動,但幫唔到好多。」

丁太美食太吸引,丁子高又點會忍到口,日前食完個和牛蛋飯,丁生要在家爆汗做運動消除罪惡感。
丁太美食太吸引,丁子高又點會忍到口,日前食完個和牛蛋飯,丁生要在家爆汗做運動消除罪惡感。
千嬅煮餸多元化,無論中式或西式都難唔到佢,丁太撚手小菜包括海南雞、菠蘿咕嚕肉、薑葱炒蟹及各式各樣的糕點。
千嬅煮餸多元化,無論中式或西式都難唔到佢,丁太撚手小菜包括海南雞、菠蘿咕嚕肉、薑葱炒蟹及各式各樣的糕點。

日前本刊記者見千嬅獨自到中環 ifc買完咖啡逛超市,一身 oversize闊Tee闊褲造型,福氣盡現,她在超市內掃入大量新鮮蔬果與凍肉,然後返陽明山莊屋企繼續大展身手。疫情持續令千嬅收唔到手,最大得益者唔使講一定係大細丁生啦!

素顏身穿粉色oversize Tee恤加闊褲,台下的千嬅卸下華麗裝束,變身廿四孝人妻人母。
素顏身穿粉色oversize Tee恤加闊褲,台下的千嬅卸下華麗裝束,變身廿四孝人妻人母。
這日早上十時許,楊千嬅由司機送到中環ifc,先去買杯咖啡歎吓。久未露面的千嬅無論背面或側面,身形都有一定厚度。
這日早上十時許,楊千嬅由司機送到中環ifc,先去買杯咖啡歎吓。久未露面的千嬅無論背面或側面,身形都有一定厚度。
千嬅拎住杯咖啡施施然行入超級多人的超級市場,開始這日的買餸之旅。
千嬅拎住杯咖啡施施然行入超級多人的超級市場,開始這日的買餸之旅。
一日要煮三餐仲要健康有營養,千嬅主攻新鮮蔬菜,買到成車都係,下廚費神費力,近睇千嬅個樣都好攰。
一日要煮三餐仲要健康有營養,千嬅主攻新鮮蔬菜,買到成車都係,下廚費神費力,近睇千嬅個樣都好攰。
去年為世界巡迴個唱操得甚弗的千嬅,為了下廚乜都要食,見她擒高擒低揀生果,手瓜老鼠仔變晒ByeBye肉。
去年為世界巡迴個唱操得甚弗的千嬅,為了下廚乜都要食,見她擒高擒低揀生果,手瓜老鼠仔變晒ByeBye肉。

大晒豪宅巨廚

千嬅一家住在陽明山莊2,700呎豪宅,頻頻下廚的千嬅無意中大晒家中巨型廚房。
千嬅一家住在陽明山莊2,700呎豪宅,頻頻下廚的千嬅無意中大晒家中巨型廚房。
早前丁生丁太參加國內真人騷《極速前進2》時,安樂窩亦被攝入鏡,家中廚房闊落得可同時容納十人。
早前丁生丁太參加國內真人騷《極速前進2》時,安樂窩亦被攝入鏡,家中廚房闊落得可同時容納十人。
每日要諗唔同菜式的千嬅,家中大型焗爐與蒸爐一應俱全。
每日要諗唔同菜式的千嬅,家中大型焗爐與蒸爐一應俱全。
丁太廚房唔止有巨型雪櫃同焗爐,仲有四個爐頭可供丁太大展身手宴親朋。
丁太廚房唔止有巨型雪櫃同焗爐,仲有四個爐頭可供丁太大展身手宴親朋。
全屋裝修色調以白色為主,走型格路線,自知易肥難瘦的千嬅不時在千呎的客廳做運動。
全屋裝修色調以白色為主,走型格路線,自知易肥難瘦的千嬅不時在千呎的客廳做運動。

關鍵詞
楊千嬅