48歲朱茵皮光肉滑玲瓏浮凸 永遠女神凍齡靠呢招

娛聞

廣告

雖然產量愈嚟愈少、雖然蒲頭都係內地真人騷搵人仔多,不過無損朱茵喺廣大港男心目中永遠女神嘅地位,啱啱喺微博發布盛裝出席內地時尚活動紅地氈靚相,48歲嘅朱茵仍然皮光肉滑玲瓏浮凸,索到一個點!

撰文:東方新地 圖片:東方新地、朱茵微博

觀眾心中嘅紫霞仙子,永遠都係咁靚女。
觀眾心中嘅紫霞仙子,永遠都係咁靚女。
巴打:紫霞仙子真心正!
巴打:紫霞仙子真心正!

朱茵數年前去西藏拍新戲,冇老公同囡囡陪住,朱茵焗住玩下自拍解悶。雖然仔細睇會見到朱茵個眼袋出晒嚟,但除此之外唔算點走樣,4張幾算係咁喇!

48歲朱茵皮光肉滑玲瓏浮凸  永遠女神凍齡靠呢招

朱茵48歲猶如少女 凍齡有法全靠保持心情靚靚

其實唔止出席活動精心打扮過至咁索,日前朱茵以淡妝街坊casual look去銀行,一樣係又靚又有星味!時刻保持靚靚心情的朱茵,對住人又friendly,雖然包到實,都畀佢個招牌露齒笑容出賣咗囉!

48歲朱茵皮光肉滑玲瓏浮凸 永遠女神凍齡靠呢招

同老公黃貫中結婚 8年,囡囡黃鶯亦已經 7歲大,兩公婆依然恩愛如昔,阿Paul仲不時揸車送老婆返工。
同老公黃貫中結婚 8年,囡囡黃鶯亦已經 7歲大,兩公婆依然恩愛如昔,阿Paul仲不時揸車送老婆返工。
化上淡妝戴上黑超兼圍住圍巾包到實,不過都包唔住朱茵一身星味。
化上淡妝戴上黑超兼圍住圍巾包到實,不過都包唔住朱茵一身星味。

九龍城現身 笑對街坊心情靚靚

當日唔見老公黃貫中同囡囡黃鶯喺左近,朱茵一個人行到去九龍城某銀行處理事務,明明戴住黑超披住圍巾包到實,點解咁都認得出?佢個招牌露齒笑容,又真係好易認喎!

雖然隔咗一條街,但係見到咁燦爛嘅笑容,就知朱茵心情靚爆!
雖然隔咗一條街,但係見到咁燦爛嘅笑容,就知朱茵心情靚爆!
身邊唔見老公同阿女,女神一個何其瀟灑孭住大袋走入銀行。
身邊唔見老公同阿女,女神一個何其瀟灑孭住大袋走入銀行。
話咁快處 理完銀行事 務,一個人過馬路步行回 家。
話咁快處 理完銀行事 務,一個人過馬路步行回 家。
上月北上出席內地時尚活動公開靚爆鏡紅地氈造型,一啲都唔似 48 歲。
上月北上出席內地時尚活動公開靚爆鏡紅地氈造型,一啲都唔似 48 歲。
做節目時扮老鼠,一陣少女味勁cute!
做節目時扮老鼠,一陣少女味勁cute!
靚到仙女咁!
靚到仙女咁!

經典白色泳衣造型

1998年《超級學校霸王》入面身穿「白色標靶」泳衣的朱茵,亦係觀眾最難忘的其中一個性感造型:

48歲朱茵皮光肉滑玲瓏浮凸  永遠女神凍齡靠呢招

考古系列:朱茵的神奇彩衣

荷蘭叻失控噴射…..

Posted by 對白Cap圖王 on Sunday, May 26, 2019

破例接真人騷 朱茵 阿Paul 捧女袋千萬

朱茵
朱茵

朱茵與黃貫中(Paul)於2012年奉女成婚,同年黃鶯出世,夫婦二人視女如命對外十級戒備,拒讓囡囡正面曝光。但早前朱茵帶女撐阿Paul的音樂會,更讓囡囡上台送肉嘴畀爸爸,一反常態原來是為捧女做童星鋪路,參加內地真人騷《想想辦法吧!爸爸》。

其實多年來有不少內地電視台想打黃鶯主意,但朱茵阿Paul一直不為所動,據知今次被過千萬人仔酬勞吸引,才肯一家三口破例亮相節目。在紫霞仙子阿媽朱茵帶領下,精靈又乖巧的5歲半黃鶯必定人氣急升,至於老竇阿Paul亦會夫憑妻貴,對他開拓內地市場無往而不利。既可捧女又袋千萬,朱茵阿Paul依家先開竅亦未算遲!

撰文:東方新地|圖片:新傳媒圖片庫、朱茵黃貫中微博

朱茵母女難捨難離

內地真人騷《爸爸去哪兒》拍了五季深受觀眾歡迎,參與拍攝的明星二代全部都人氣急升,去年陳小春帶住兒子Jasper參加演出後,Jasper即成為內地炙手可熱童星,可想而知這類真人騷的入屋程度有幾勁。早前朱茵阿Paul亦解除防線,破天荒讓女兒參與由優酷製作的《想想辦法吧!爸爸》,節目名雖然只提及爸爸,但實際上卻是全家出動,朱茵才是最關鍵人物,因為參與的五位明星媽媽為了放鬆而组團外遊, 五位明星爸爸就負責帶住仔女長途跋涉去搵媽媽。

朱茵
朱茵六年前與阿Paul奉女成婚,同年10月黃鶯出世,朱茵一度引退專心相夫教子,前年才開始復出。

早前朱茵一家三口在北京機場出現,由於劇組要分兩隊拍攝,朱茵與其餘四位媽媽同行,爸爸亦要帶住仔女開始進行拍攝,當日朱茵到機場送別兩父女,年紀小小嘅黃鶯知道要暫別媽咪,攬實朱茵喊到收唔到聲,搞到眼腫腫鼻紅紅,十分慘慘豬,朱茵亦忍唔住跪地抱實囡囡喊,最後一家三口更擁作一團。

朱茵
朱茵當日素顏現身機場,一手拉着行李,一手拖着黃鶯,同樣拖行李及孭住結他的阿Paul,則一夫當關在前方為妻女開路,man爆。

其實朱茵收到演出邀請後都好掙扎,思前想後先肯應承,據知情者透露,「咁多年嚟朱茵同阿Paul都堅持唔畀個女公開露面,想保護佢唔受傷害,等佢可以過普通人嘅生活,但個女開始長大,始終都要喺香港生活,避來避去都唔係辦法,佢兩公婆亦慢慢諗通,希望順其自然畀佢見多啲世面。前年朱茵孖住蔡少芬參演《偶像來了》及《王牌對王牌》等內地綜藝節目,人氣返晒嚟,工作亦接踵而來,咁啱年初內地製作人想搵香港明星家庭拍《想想辦法吧!爸爸》,幾經辛苦先游說到朱茵出嚟傾,對方好有誠意,因為要全家出動,又係Debbie(黃鶯)第一次公開出鏡,所以酬勞過千萬人仔,不過都辛苦㗎!阿Paul未試過自己對住個女咁多日,要連續24日帶住囡囡穿州過省搵阿媽,對於兩父女都係一個考驗。朱茵覺得呢個係一個好好嘅鍛鍊機會,有錢搵亦幫到阿Paul喺內地嘅知名度,最後亦應承咗,不過因為囡囡嚟緊就要考小學,暑假亦要開始準備,所以拍攝時間唔可以太長,劇組亦應承一個月內放人。」

朱茵
臨近入閘,朱茵兩母女因要暫別而依依不捨,黃鶯當場爆喊,朱茵雙膝跪地緊抱女兒,同樣喊到眼紅鼻紅,更突顯其長長眼捷毛,被指仙女式落淚。面對此情此景,阿Paul亦攬住妻女齊齊喊。

極速與童黨混熟

黃鶯除了五官像朱茵長得標緻,亦遺傳了父親的藝術細胞,自小喜歡唱歌跳舞,由於出世後頭幾年都由朱茵全力照顧,為了不想女兒有公主病,朱茵賞罰分明絕不盲目溺愛,而黃鶯懂事自理能力又高,前年趁女兒已入讀幼稚園,朱茵開始全面復出,要工作的日子就把女兒交由外婆照顧。本刊記者曾多次目擊黃鶯跟隨朱茵阿Paul外出,只見她乖巧又聽話,而且待人亦非常有禮貌。

首次與女兒黃鶯一同參與真人騷的阿Paul,兩父女去到邊都形影不離,阿Paul展現出前所未有的慈父式笑容,抱住個女父愛出晒嚟。
首次與女兒黃鶯一同參與真人騷的阿Paul,兩父女去到邊都形影不離,阿Paul展現出前所未有的慈父式笑容,抱住個女父愛出晒嚟。

節目在上月中開鏡,先後在雲南及成都等地進行拍攝,阿Paul拖住囡囡穿梭多個地方,不時被野生捕獲,平時Rock到爆的阿Paul對住個女冇晒火,全天候慈父上身,形象反差非常之大。從網民放上網的照片中可見,黃鶯已忘記與母親分別的離愁,即使沒有朱茵在身旁,與其他小朋友亦打成一片玩得好開心,而阿Paul則帶女洪郎賣土耳奇雪糕又學插花,做盡以往絕不會公開做的事。猶記得25年前黃家駒在日本上綜藝節目上意外出事,Beyond其餘三子此後對參與綜藝節目都非常避忌,看來有女兒作伴,阿Paul已成功克服陰影。

阿Paul要拖住女兒横跨六個不同氣候的地區,展開尋媽之旅,都咪話唔辛苦。
阿Paul要拖住女兒横跨六個不同氣候的地區,展開尋媽之旅,都咪話唔辛苦。

學插花

阿Paul彈結他就叻啫,揸鉸剪學插花做園藝都係第一次見。
阿Paul彈結他就叻啫,揸鉸剪學插花做園藝都係第一次見。

賣雪糕

節目內容包括多種生活體驗,阿Paul父女要與其餘四组家庭互相幫助一同解决難題,其中一站要去賣雪土耳其雪糕賺路費。
節目內容包括多種生活體驗,阿Paul父女要與其餘四组家庭互相幫助一同解决難題,其中一站要去賣雪土耳其雪糕賺路費。

夫妻檔搵人仔

阿Paul父女上陣千里尋妻,反觀以朱茵為首的太太團就舒服得多,見她去完沙漠騎駱駝,又穿民俗服飾與民同樂,其中一日更與洪天明老婆周家蔚去大型超市掃玩具,不用湊女絕對是優差。其實生女後的朱茵復出後只放眼大中華,近年與阿Paul一齊簽內地經理人搵人仔,當年《西遊記》的紫霞仙子在國內依然有市場,拍劇拍電影之餘,仲代言唔少產品,去年更以天價酬勞為國內代言一種傳銷商品女性洗陰棒,為搵人仔接了不少前所未接的工作,包括今次全家亮相真人騷。

朱茵
朱茵在內蒙古的鄂爾多斯現身,穿上當地的新娘服飾又試騎駱駝,原來紫霞仙子在當地知名度非常之高,去到邊都好受歡迎。

去到雲南站,朱茵穿上當地的民俗服飾拍攝,更與當地居民一起跳民族舞。

朱茵

朱茵近年主力拍劇拍電影參加綜藝節目,阿Paul就繼續搞音樂開騷,論工作量與受歡迎程度,朱茵遠勝阿Paul。不過阿Paul為頭家亦發奮圖強,知情者透露:「為咗個女同頭家,阿Paul講嘢慎言咗,再唔會好似以前咁衝動,依家有內地經理人幫手,佢同朱茵都接落唔少job夫妻檔一齊上,咁樣個價高好多,喺內地知名度好重要,等個真人騷出埋街,阿Paul兩父女都會人氣爆升,到時肯定會有其他騷爭住搵佢哋做。朱茵今次捧女之餘,最大得著應該係捧埋個老公,絕對唔會計錯數!」一家三口殺入內地,錢途無限。

雖然自小被朱茵阿Paul禁曝光,但黃鶯很快便適應面對鏡頭,除了與其他明星二代已混熟,拍攝時要她落手落腳煮麵亦好幫得手,完全冇公主病。
雖然自小被朱茵阿Paul禁曝光,但黃鶯很快便適應面對鏡頭,除了與其他明星二代已混熟,拍攝時要她落手落腳煮麵亦好幫得手,完全冇公主病。

洪氏一家

今次拍《想想辦法吧!爸爸》除了有香港人熟識的朱茵阿Paul一家三口外,還有洪天明與周家蔚一家四口。洪天明要長時間一拖二,帶住5歲大仔洪大仁及3歲細仔洪竟琋去搵阿媽。
今次拍《想想辦法吧!爸爸》除了有香港人熟識的朱茵阿Paul一家三口外,還有洪天明與周家蔚一家四口。洪天明要長時間一拖二,帶住5歲大仔洪大仁及3歲細仔洪竟琋去搵阿媽。

家庭樂

趁住真人騷未開拍,早前朱茵與阿Paul帶住囡囡外出享受家庭樂,雖然當日落大雨,但有媽咪朱茵擔遮擋雨,黃鶯笑住上嗲哋車好開心。

48歲朱茵皮光肉滑玲瓏浮凸 永遠女神凍齡靠呢招

女兒奴

一家三口在九龍城廣場飲完茶,再由阿Paul帶囡囡去室內遊樂場玩,對住可愛又跳脫的黃鶯,阿Paul明顯無力招架,畀阿女氹到心花怒放,笑瞇瞇做其私人攝影師。

48歲朱茵皮光肉滑玲瓏浮凸 永遠女神凍齡靠呢招

婆婆身教

唔止朱茵阿Paul教女有方,就連朱茵媽咪都以身教湊孫,早前黃鶯由婆婆接放學後去公園玩,見到有小男孩跌倒受傷,黃鶯驚到攬實婆婆腳,後來在婆婆鼓勵下上前問候小男孩,非常有愛。

48歲朱茵皮光肉滑玲瓏浮凸 永遠女神凍齡靠呢招

親力親為

自女兒黃鶯出世後,朱茵把家庭放在第一位,家中大小事務都盡量親力親為,早前她駕車到寓所附近買生果,即使有外傭跟車,但她依然親自落車親手揀,之後才返上車等,遇上本刊記者,更大方揮手打招呼。

朱茵

接放學

雖然前年開始復出,但朱茵仍非常著緊女兒的校園生活,不用開工時她堅持去學校接放學,閒時又會與女兒一起砌puzzle、跳舞及唱歌,難怪黃鶯最黐媽咪。

朱茵

朱茵與阿Paul為培育女兒花了不少時間與心機,阿Paul為囡囡的改變也不少,一家三口曾被本刊記者影到暢遊廸士尼。對於黃鶯想有個妹妹,已46歲的朱茵表示隨緣,不會強求。

48歲朱茵皮光肉滑玲瓏浮凸 永遠女神凍齡靠呢招