51歲鄭嘉穎回巢無綫首次挑戰做醫生 「妻債夫還」疫市下獲TVB加薪

娛聞

廣告

已經離巢無綫三年的鄭嘉穎,曾兩度成為無綫視帝,又憑內地劇《步步驚心》及《葉問》在國內爆紅,事業一帆風順,近日老婆陳凱琳(Grace)宣布再陀B,婚後同樣兩年未有再幫無綫拍劇的Grace,更屢傳約滿後會隨嘉穎離巢外闖。但實情鄭氏夫婦飲水思源,同無綫關係友好,近日嘉穎更落實回巢拍無綫新劇《兒科醫生》;婚後變愛妻號的嘉穎,今次再效力舊東家,除了留港賺錢方便照顧妻兒,更重要是幫為趕生B、多次推劇的老婆Grace向無綫高層還人情債,今次回巢更首次擔演醫生角色,是個新挑戰,在疫市下還獲無綫加酬勞,一舉多得,如意算盤打得響。

撰文、圖片:東方新地

陳凱琳為生B推劇轉型做KOL

現年51歲的鄭嘉穎,與細二十二年的13年冠軍港姐陳凱琳,在18年感情修成正果,兒子鄭承悅(Rafael)轉眼已經十六個月大,早前「 520 」大日子,鄭氏夫婦更公開再陀B喜訊。有仔萬事足的Grace,婚後一直專注家庭,同嘉穎都熱愛小朋友,自18年拍完劇集《包青天再起風雲》,已經兩年冇再拍劇,生B大過天,對無綫剩餘的幾年合約只好採拖字訣,多次向無綫推劇。據知情人士透露:「Grace本身好鍾意小朋友,生咗Rafael之後,更加母愛氾濫,湊仔事事親力親為,連事業鬥心都冇埋,佢完全唔捨得離開個仔半步,有時出外工作太耐,佢都會心掛掛,所以只會揀啲唔太困身,時間短嘅活動或者廣告先會接,一做完嘢就會即刻撲返屋企湊仔,雖然生完一路都有監製搵佢復出拍劇,但Grace完全冇興趣,一嚟唔捨得個仔,二嚟佢兩公婆一早諗住盡快追多個,既然決定趕生B,根本冇時間接劇,Grace仲話唔想錯過Rafael每個成長Moment ,近年已經轉型做KOL,方便安排時間!」

一直恨追個女的鄭嘉穎、陳凱琳,在充滿愛的「 520」日子傳來喜訊,po出「一家四口」合照公布再陀 B,而身穿連身裙的Grace,亦可見個肚已經隆起,目測當時已經陀 B四個月。
一直恨追個女的鄭嘉穎、陳凱琳,在充滿愛的「 520」日子傳來喜訊,po出「一家四口」合照公布再陀 B,而身穿連身裙的Grace,亦可見個肚已經隆起,目測當時已經陀 B四個月。
陀B五個月的Grace上圍及下圍都變得好肉地,明顯肚凸凸,相信BB好足秤。
陀B五個月的Grace上圍及下圍都變得好肉地,明顯肚凸凸,相信BB好足秤。
已經陀 B五個月的 Grace,日前在 IG留言表示瞓覺期間突然標冷汗,又覺腰骨痛兼被雷聲嚇親,要祈禱令自己保持平靜,睇嚟Grace真係要好好安胎,唔係老公嘉穎又要食驚風散。
已經陀 B五個月的 Grace,日前在 IG留言表示瞓覺期間突然標冷汗,又覺腰骨痛兼被雷聲嚇親,要祈禱令自己保持平靜,睇嚟Grace真係要好好安胎,唔係老公嘉穎又要食驚風散。
陳凱琳在18年拍完電視劇 《包青天再起風雲》 後便結婚生仔,至今亦未有再接拍無綫劇集。
陳凱琳在18年拍完電視劇 《包青天再起風雲》 後便結婚生仔,至今亦未有再接拍無綫劇集。
自從兒子鄭承悅出世後,Grace亦母愛氾濫,更為趕生B推掉無綫多個劇集。
自從兒子鄭承悅出世後,Grace亦母愛氾濫,更為趕生B推掉無綫多個劇集。
同無綫仍有合約的陳凱琳,去年只為無綫拍了旅遊節目《仨心友行》,不過已為人妻人母的她,在節目內就聯同高海寧及陳敏之齊著泳衣演出。
同無綫仍有合約的陳凱琳,去年只為無綫拍了旅遊節目《仨心友行》,不過已為人妻人母的她,在節目內就聯同高海寧及陳敏之齊著泳衣演出。
Grace已放下幕前衝刺鬥心,為了有更多時間貼身照顧家庭, 近年轉型做KOL,由於形象健康,更成廣告客寵兒,在社交網po張相就有收入,疫市仍幾乎隔幾日就出po,除了時裝、家品、首飾及護膚產品,陀B的她近日還幫健美中心做宣傳。
Grace已放下幕前衝刺鬥心,為了有更多時間貼身照顧家庭, 近年轉型做KOL,由於形象健康,更成廣告客寵兒,在社交網po張相就有收入,疫市仍幾乎隔幾日就出po,除了時裝、家品、首飾及護膚產品,陀B的她近日還幫健美中心做宣傳。
早前 Grace更成立個人品牌推出化妝棉,限時店開幕當日,唐詩詠亦前來撐場。
早前 Grace更成立個人品牌推出化妝棉,限時店開幕當日,唐詩詠亦前來撐場。

不過,同無綫還有頗長合約的Grace因拖劇太久,高層亦曾出面斟她復出,現在兩年抱兩,拍劇恐怕難上加難,同無綫向來關係友好的鄭嘉穎,就出面幫Grace還債,等老婆專心做全職媽咪。早前因新冠肺炎閉關幾個月,嘉穎近日亦開始收拾放假心情,陸續開工賺奶粉錢,除了日前為電影《焚身》開機,離巢無綫三年的他,已答應七月回無綫拍新劇《兒童醫院》。

為免要隔離十四日,更加唔想離開妻兒,鄭嘉穎留港開工
為免要隔離十四日,更加唔想離開妻兒,鄭嘉穎留港開工
近日接拍劉偉恒導演的電影《焚身》,拍檔是朱晨麗,拍畢電影,下月為無綫開劇。
近日接拍劉偉恒導演的電影《焚身》,拍檔是朱晨麗,拍畢電影,下月為無綫開劇。

同無綫關係友好幫老婆還劇債

據知情者透露:「雖然喺內地知名度高,嘉穎有唔少工作,但始終新冠肺
炎疫情未全面受控,屋企仔細老婆嫩,佢都唔想返內地開工住,而且佢好享受家庭生活,叫佢離開老婆同個仔太耐佢都唔捨得。咁話晒佢出身 TVB,一路以嚟係樂易玲愛將,佢喺無綫機會好多,又做埋視帝,嗰時公司又肯放佢返內地拍劇,如果唔係都唔會拍到《步步驚心》、《葉問》喺國內爆紅,就連老婆Grace,樂小姐都好睇重,所以嘉穎離巢之後,同樂小姐都 keep住友好關係,對於 Grace多次推劇,嘉穎都覺得唔多好意思,所以今次樂小姐傾佢返嚟再拍劇,嘉穎都冇托手踭,除咗為幫老婆還劇債,更重要係還人情債!」

鄭嘉穎在無綫十七年機會不斷,早在06年,嘉穎已經揮低勁敵陳豪、林保怡及林峯,憑《天幕下的戀人》首封無綫視帝,可以話冇無綫都冇今日的他。
鄭嘉穎在無綫十七年機會不斷,早在06年,嘉穎已經揮低勁敵陳豪、林保怡及林峯,憑《天幕下的戀人》首封無綫視帝,可以話冇無綫都冇今日的他。
差不多是第一代小生同無綫簽下十年長約的鄭嘉穎,17年拍罷最後一套劇《迷》便約滿正式離巢。
差不多是第一代小生同無綫簽下十年長約的鄭嘉穎,17年拍罷最後一套劇《迷》便約滿正式離巢。
一直是樂易玲愛將的鄭嘉穎,離巢後同樂小姐仍關係良好,據悉今次回巢除了畀面樂小姐,亦覺得新角色充滿挑戰。
一直是樂易玲愛將的鄭嘉穎,離巢後同樂小姐仍關係良好,據悉今次回巢除了畀面樂小姐,亦覺得新角色充滿挑戰。

同羅仲謙拍檔首次做醫生

在無綫十七年,鄭嘉穎一直備受力捧,早在06年,已經憑《天幕下的戀人》揮低陳豪、林保怡及林峯首奪 TVB視帝,又拍過不少為他度身訂造的好角色,先後演過消防員、鑑證人員、律師、重案組沙展、拳手等,不過多年來,原來嘉穎都未曾演過醫生角色。據知情人士說:「其實樂小姐一路都好想嘉穎返嚟拍劇,今次畀嘅酬勞都高過以前好多,加上近期 TVB有唔少破格嘅劇集,嘉穎對再拍劇都好有信心,今次更加係首次演出醫生角色,佢覺得好有新鮮感,而且經過近期肺炎疫情之後,大家對醫生都好有親和感,今次拍檔仲有同樣係新手爸爸嘅羅仲謙,相信到時開工又可以圍埋交換湊仔心得!」萬事有老公嘉穎來頂的陳凱琳,當然可以安心做幸福少奶奶!

雖然年齡相差廿二載,不過嘉穎同Grace卻非常合拍,兩口子相處甜蜜,嘉穎去年50歲生日,Grace就為老公大搞「登五」party,攬到實甜蜜放閃。
雖然年齡相差廿二載,不過嘉穎同Grace卻非常合拍,兩口子相處甜蜜,嘉穎去年50歲生日,Grace就為老公大搞「登五」party,攬到實甜蜜放閃。
自從兒子出世,鄭嘉穎亦減少接內地工作,更變深閨湊仔公,經常陪妻兒享受家庭樂,兒子未滿一歲,已經跟爸爸媽媽去東南亞旅行
自從兒子出世,鄭嘉穎亦減少接內地工作,更變深閨湊仔公,經常陪妻兒享受家庭樂,兒子未滿一歲,已經跟爸爸媽媽去東南亞旅行
嘉穎又經常帶囝囝去游水及去公園玩,陪兒子度過每個成長重要階段。
嘉穎又經常帶囝囝去游水及去公園玩,陪兒子度過每個成長重要階段。

聲稱日日都有變數

今日鄭嘉穎出席電影《焚身》對於替老婆還「人情債」,他反問「會唔會有咁嘅事呀?」並叫人「唔好信」,而講到Grace密謀離巢,佢一概話唔清楚,而會否回巢無綫拍劇 ,他則未有否認,死撐一日未confirm嘅嘢都唔可以撇除可能性,到適當時候再公布。