54歲羅霖自爆追求者眾 憶述選美遭同房出賣、抗拒拍咀戲全靠「借位」

娛聞

廣告

羅霖日前接受香港開電視節目《是敢的》主持人梁梓禧(Roland)訪問,分享她在娛樂圈的心路歷程,她憶述初入行時由於性格內向,很抗拒拍接吻鏡頭,所以每逢咀戲,她都會向監製要求「借位」!

撰文、圖片:東方新地

羅霖憶述選亞姐最膽怯事件遭同房爆料仍堅持參賽

羅霖憶述1991年在時裝設計師張學潤介紹下,她參選亞姐入行,幸運奪冠,亦因此展開了銀色旅途。她自爆當年因為要穿泳衣在街上做宣傳覺得很不習慣,因此晚上回酒店房時和母親哭訴想退出,但母親鼓勵她開始了就要繼續。後來這件哭訴事件被同房參賽者出賣爆料給傳媒,第二天新聞出街,令她覺得更加要堅持下去,最終奪得冠軍。

54歲羅霖自爆追求者眾  憶述選美遭同房出賣、抗拒拍咀戲全靠「借位」

抗拒拍接吻鏡頭 咀戲全靠「借位」

但她自言性格內向,初入行時很抗拒拍接吻鏡頭,所以每逢咀戲,她都會向監製要求「借位」,她表示:「你要我做空姐服務其他人,我做得到,但你要我同男演員好親密,我真係做唔到,就好似過檔無綫之後,拍攝《真情》時我同阿海(黃智賢飾)嘅咀戲,都係『借位』 ,冇真係錫落去。」

54歲羅霖自爆追求者眾  憶述選美遭同房出賣、抗拒拍咀戲全靠「借位」

為事業放棄婚姻自爆追求者眾

羅霖曾因《 真情 》大熱而帶旺人氣,但當時的她卻選擇了結婚而放棄事業:「 我當時都有同屋企人商量,爸爸媽媽覺得我年紀唔細,如果再唔結婚就好難嫁出去;同時我都問過家燕姐、司棋姐嘅意見,佢哋都認為我要結婚,因為緣份係好難碰上嘅。」可惜當年羅霖婚後雖答應男家要求淡出娛樂圈,但性格倔強的她仍堅持出席慈善活動及接拍廣告,因而令婚姻生活產生很大矛盾,最終離婚收場,她透露自婚姻挫敗後,經歷了半年的低潮期,每日以淚洗面,最終為了三名兒子而重新振作,復出工作搵錢養家,她說: 「啱啱復出推出第一本寫真時我五十 歲,必定有好多難聽嘅說話,例如:『咁老仲出寫真集』『邊有人睇㗎』,但我都要硬撐住,因為我覺得人總有高高低低,最重要係跌低咗要企番起身,千祈唔好因為別人講嘅嘢而失去自信。」

如今無論在事業、家庭已獨當一面的羅霖,透露現時身邊不乏追求者:「囝囝好鼓勵我去談戀愛,但我現時忙到連瞓覺時間都冇,點樣去拍拖呢?雖然依家我係有追求者,佢哋嘅經濟條件唔錯,但佢哋只想同我一起住,唔想跟我三個兒子住,所以我想等囝囝都畢晒業,先再去搵男朋友。」大仔23歲、二仔22歲、細仔只有14歲,距離畢業還有幾年,追求者要再等等啦!

54歲羅霖自爆追求者眾  憶述選美遭同房出賣、抗拒拍咀戲全靠「借位」

關鍵詞
羅霖