姜大衛

失憶24小時|獨家直擊73歲姜大衛潮買電動車 入行五十多年見盡娛圈起落

最強精選

廣告

姜大衛(John哥)近日在新劇《失憶24小時》飾演譚俊彥阿爸,劇中兒子是武俠片年代「宿敵」狄龍個仔,今次姜大衛的角色要為失憶兒子和不懂人情世故的媳婦奔波躊躇,現實中的John哥也是個廿四孝好老公好爸爸,同老婆李琳琳結婚四十六年甘苦與共,早前夫妻恩愛拍拖出巡歎茶行街外,更睇中一架價值約35萬,近年潮人至愛的電動車,家人至上的John哥,買新車亦揀家庭車,貫徹好男人本色!早前上無綫賀年節目《天天開運王》,John哥仲帶埋25歲細仔姜卓文(細John)上鏡,玄學家李居明即場為姜卓文指點迷津,批他要在31歲後才有運行,姜大衛笑言豈不是要捱多6年?老來得子的他孻仔拉心肝,仲話要買層樓畀個仔,錫到燶!

撰文、圖片:東方新地

《失憶24小時》姜大衛入行五十多年見盡娛圈起落

入行五十多年的姜大衛John哥,4歲已經做童星, 19歲由哥哥秦沛引薦加入邵氏做龍虎武師,由於外表英偉很快已被賞識擔任電影男主角, 23歲憑電影《復仇》當上影帝,不過近年回流電視圈的John哥,已由主角變綠葉王,雖然長做配角,但他對每個角色都演出落力認真,更坦言永不言休。見盡娛樂圈起落的他,有他的工作哲學,直言在娛樂圈工作,必須明白不可能長做一線,風水輪流轉。他解說指自己入行初期,跟過一位紅到發紫的明星,每次該紅星出現,所有人都會湧埋他身邊,而John哥則被擠到旁邊,但幾年後他走紅,同樣有班人湧到他面前,風水輪流轉就是這個意思!

在去年劇集 《反黑路人甲》 姜大衛演聯興勝話事人,是社團中老奸巨猾沉底鱷,連對他非常信任的女兒芷珊 (湯怡飾) 亦視作棋子。
在去年劇集 《反黑路人甲》 姜大衛演聯興勝話事人,是社團中老奸巨猾沉底鱷,連對他非常信任的女兒芷珊 (湯怡飾) 亦視作棋子。
現實中姜大衛有兩女一子,孻仔姜卓文今年25歲,去年參加 ViuTV《全民造星》落敗,一直想入行的細 John現不時自彈自唱拍片等機會,John哥錫仔錫到燶,講到明會協助阿仔入行。
現實中姜大衛有兩女一子,孻仔姜卓文今年25歲,去年參加 ViuTV《全民造星》落敗,一直想入行的細 John現不時自彈自唱拍片等機會,John哥錫仔錫到燶,講到明會協助阿仔入行。
慣常以房車代步的姜大衛,當日同老婆去到又一城睇車,對價值約35萬的Serena e power電動車好有興趣。
慣常以房車代步的姜大衛,同老婆去到又一城睇車,對價值約35萬的Serena e power電動車好有興趣。

貫徹好男人本色 潮買電動家庭車

新劇大獲好評,姜大衛早前孖老婆李琳琳風騷出巡,到又一城歎茶行街,出名愛錫家人的他,對老婆細心照顧周到,在酒樓等位期間,兩人更襯空檔落商場下層睇車,似乎想買部大車方便全家出動家庭樂,當日John哥夫婦對一架時下潮人最愛的電動車極大興趣,兩公婆由車款到車廂內籠都研究得非常仔細,又同經紀密密斟,攞齊資料才去歎茶繼續研究。73歲寶刀依然鋒利,魄力驚人更潮得起!

出名顧家錫老婆的John哥(姜大衛) ,同老婆李琳琳孖住睇車有商有量!
出名顧家錫老婆的John哥(姜大衛) ,同老婆李琳琳孖住睇車有商有量!
姜大衛夫婦睇車睇得非常仔細,除了細心研究車身及內籠,又不斷向經紀查詢,了解新車性能。
姜大衛夫婦睇車睇得非常仔細,除了細心研究車身及內籠,又不斷向經紀查詢,了解新車性能。
姜大衛更探頭入車尾箱研究一輪。
姜大衛更探頭入車尾箱研究一輪。
睇完車,姜大衛同李琳琳去歎茶撐枱腳。
睇完車,姜大衛同李琳琳去歎茶撐枱腳。
七年前陪太太李琳琳捱過抗癌路的姜大衛,結婚四十六年對老婆愛護有加,陪老婆行街買嘢亦會等老婆慢慢揀好有耐性。
七年前陪太太李琳琳捱過抗癌路的姜大衛,結婚四十六年對老婆愛護有加,陪老婆行街買嘢亦會等老婆慢慢揀好有耐性。