新一年香港小姐競選又嚟到，早前大台進行面試，情況一貫的燕瘦環肥，乜人都有！而另一邊廂ViuTV首次舉行的真人騷選美活動《美選D.n.A》亦進行得如火如荼，今日又再進行新一輪面試，見到面試者質素亦相當不俗，不讓香港小姐專美！依家小編就精選咗幾位靚女為大家介紹一下，睇吓大家覺得一班準港姐正啲定一班準美選小姐索啲？

再度博上位鄧凱旻

姓名︰鄧凱旻
年齡︰23歲
三圍︰33C、25、35

23歲的鄧凱旻(Ruby Close)，佢自稱係香港第一個YouTuber，話因為「Ruby Close」呢個名令大家認識佢。佢以前經常拍一啲生活化的短片，不過近年就減少了。佢就承認自己參選係想提高知名度，加上自己鍾意玩，所以一聽到第一屆就即刻面試，希望可以挑戰自己。

延伸閱讀：

情趣酒店過AV癮

怪叔叔約嫩模過夜 想對方「成長」

相信唔少朋友聽到「Ruby Close」呢個名都已經覺得好熟，如果俾埋呢兩張相你睇，咁就一定認得啦啩！猶記得2010年時，仲係會考生的Ruby上載自拍短片，在片中分享於會考試場之所見所聞，而且用英文猛烈批評考官低劣的英文水平及無能，即時引來極大回響！事隔多年仍有唔少人記得。如今佢出嚟選美，相信又會在網上引來熱烈討論。

經驗搭夠 鍾晴

姓名︰鍾晴
年齡︰24歲
三圍︰33C、23、33

今年24歲的鍾晴(Karlie)係一位全職模特兒，其實佢16歲時已經參加過校花選舉，之後簽約名模Cara G.的經理人公司。Karlie演出經驗可不少，佢早前’在影帝張家輝執導的電影《陀地驅魔人》中客串，又曾在無綫節目《超強選擇1分鐘》擔任「超強女助選團」一員，早已引起不少網民熱烈討論！另外Mandy仲謙虛咁話對自己身材唔太滿意，所以比堅尼已經係佢底線！

鵝公喉索女 鄺靜汶

姓名︰鄺靜汶
年齡︰22歲
三圍︰33B、24、35

另一位參賽者鄺靜汶(Cindy)，今年22歲，亦係一位全職模特兒，佢就認為自己把聲已經好突出，因為通常靚女把聲都好sweet，但佢自己就有把鵝公喉聲！不過原來係傳統嚟，因為佢媽媽把聲都係一樣。

「翻版黃美棋」潘敏濤

姓名︰潘敏濤
年齡︰28歲
三圍︰32B、24、34

最後一位想介紹的係今年28歲的潘敏濤(Mandy)，眼大大笑容甜美，仲有「翻版黃美棋」之稱！佢自爆有一次拍節目時，俾人一直叫佢做黃美棋，而且嗰個人仲唔係搞笑，而係真係以為佢係黃美棋！Mandy仲曾經參加過一次工展小姐，更得到季軍，所以令佢愛上選美！

修長美人 李文潔

姓名︰李文潔
年齡︰24歲
三圍︰34B-24-33

今年24歲的李文潔(Liz)擁有甜美樣子、高挑身材，自18歲開始已經成為模特兒，曾經為唔少內衣騷、泳衣騷擔任模特兒。當年模特兒「飯局」傳聞熱爆全城，Liz亦不諱言自爆不時都會被問價，但佢堅持唔會做不道德行為。有骨氣！

Liz仲同張繼聰合作過！

全文完