王卓淇 冇主見

王卓淇（Erin）最近喺處女劇《愛情食物鏈》飾演魯佳麒彈起，獲捧為新高登女神，佢除咗主持J2台嘅《安樂窩》，仲有份拍新劇《幕後玩家》，雖然工作唔算多，但睇嚟收入都唔錯，日前Erin孖住阿媽到圓方shopping，就連行多間名店揀手袋，不過期間見佢左揀右揀都揀唔啱，揀到扁晒嘴，最後行咗兩個幾鐘都揸唔定主意，仲要send埋相問朋友意見，搞咗一大輪先扑到槌，入貨買咗個Valentino名牌手袋，不過一買完名袋，兩母女即刻扮番慳妹，選擇搭港鐵走人。