王浩信 禁提老婆

八姨太講呢啲

廣告

無綫小生花旦輪住走,戮力栽培陳凱琳、蔡思貝、黃心穎等港姐黨上位,排住隊做女一,但一線小生五隻手指數得晒,惟有將二線捧上位囉,內部點名王浩信、羅仲謙、袁偉豪來年重點力捧,三個當中又以王浩信最有經驗,之前拍幾套劇觀眾都幾受落,曾經有「兜巴合」稱號,喺《樓奴》 孭飛男一,外界反應都唔錯,聽講舊年提前傾續約。無綫為留王浩信,聽講加薪幅度唔錯,仲應承歌手出身嘅王浩信有唱歌機會,之不過其中有一個條件,竟然要佢盡量少提老婆陳自瑤,搣甩佢人夫形象,話等啲女觀眾對佢仲有遐想喎,王浩信同老婆有共識都少提對方,為搵食啫,搞到被單身,講到底係因為陳自瑤唔夠紅啫,陳豪都無被禁提老婆陳茵媺啦﹗