蔡少芬 三代同堂

八姨太講呢啲

廣告

事業女性要兼顧工作同家庭,真係一啲都唔容易,蔡少芬(Ada)老公張晉近日為電影《葉問3》四出宣傳,Ada要獨力湊兩個女返學放學,仲要照顧埋佢哋起居飲食,不過似乎難唔到佢,仲充分利用時間湊女之餘,安排蔡父同兩個女見面,享受三代同堂家庭樂,早幾日Ada趁囡囡返咗學,就約父親去圓方歎茶,兩父女閒話家常,歎到咁上下時間接女放學,再一齊送大女楚兒去學溜冰,蔡父見到兩個孫女表現得好開心,不時笑到瞇晒眼,Ada以身教去教兩女孝順長輩及父母,重要過學業上的分數。