為環保 Kelly：小龍包一世着舊衫

陳慧琳（Kelly）日前到銅纙灣皇室堡為新碟《And Then》舉行簽唱會，Kelly同fans即場獻唱新歌〈請放心傷我〉，又玩估歌遊戲同簽名，吸引逾百粉絲及途人圍觀迫爆商場。仲有幾天就到農曆新年，Kelly話今年會留港度歲，替兩個囝囝?利市。問會否為兒子準備新衫？佢話：「細佬（小龍包劉琛）一定冇新衫，阿哥（蝦餃仔劉昇）嘅舊衫，阿哥就有新衫。呢一世都係咁，直至佢自己賺錢買俾自己。 （偏心阿哥？）環保呀，阿仔，為咗地球，都係為佢着想，衫係身外物。」Kelly唔止環保仲好有善心，佢將有份演出嘅電影《西遊記之孫悟空三打白骨精》嘅片酬，捐晒俾陳慧琳助學基金，仲話如果第三集繼續搵佢做，佢會演出亦會繼續捐片酬！