余文樂

賣衫養仔拍戲變副業 余文樂得意B首曝光

最強精選

廣告

藝人轉型並非下下唱而優則演、 演而優則導,靠知名度變潮流ICON再創立 自家品牌都係一種出路。昔日潮人樂余文樂年半 前結婚生仔、榮升老竇後減少幕前工作,全力經營 個人潮牌Madness。兩年內生意愈做愈大、人 仔愈搵愈多,搵埋搵埋,當然都係上貢 老婆 王棠云同寶貝仔余初見。 去年5月出世,兒子一直被樂仔嚴密看護避 免見樣,日前王棠云單拖湊仔會友人,15個月 Cody真身終於曝光,眼仔碌碌表情多多,果然 如樂仔所言,對身邊事事好奇仲好易湊 !

撰文:東方新地圖片:新傳媒圖片

余文樂得意B首曝光

入行19年潮人形象深入民心,余文樂五年前創立個人潮流服飾品牌,生意 愈做愈大、世界名牌合作不斷,其品牌在反映內地明星消費影響力指數的 「CBNDATA」更長踞榜首多個季度,長期領先內地巨星范冰冰及楊冪。既然賣衫 比拍戲更好搵,余文樂搖身一變成全職生意人,周圍飛巡視業務又開會。爸爸忙 搵奶粉錢,湊仔重任自然交託到台籍太太王棠云身上。

生意雖忙,余文樂亦盡量陪老婆享受湊仔樂,上月帶完Cody遊船河又陪老婆去台灣浸溫泉,而兩公婆雖然愛晒仔,不過Cody 上鏡都係得背影或側面。

收埋寶貝囝囝正面,而自己童年照就連正面全裸都不怕分享。

 

富貴樂嫂做少奶奶

16年公開戀情、17年結婚、去年5月誕下兒子後,王棠云亦從皮帶大王千金 小姐搖身變「余總」背後賢妻良母。日前由司機接載到豪宅擎天半島與朋友聚 會,不用工人姐姐跟身、一個人揹起巨型奶粉袋再一手抱起一歲三個月余初見 (Cody),應付起上來綽綽有餘毫不吃力。余文樂做了爸爸後亦像其他星爸一樣 一直晒仔成狂熱衷分享湊仔樂,不過Cody上鏡一直不是側面就是背 影,這次跟媽媽出門終於不再遮掩真面目曝光。只見保母車到埗 後,司機先行下車抱出Cody等候、等待王棠云揹好奶粉袋準備妥當再 交到其手上。無論司機定媽媽抱,Cody都乖巧聽話絕無扭計,主動伸 手撲向媽媽懷抱後,又多了幾分安心和好奇,眼仔碌碌周圍望、再伸出小手板和司機叔叔講再見,可愛又有禮。

兩公婆雖然愛晒仔,不過Cody永遠唔見樣,就算 一家人大合照都不例外。

余文樂哥哥兒子Zander(右)比Cody年長三個月 成為玩伴,年紀近連樣貌都有九成相似。

 

辭退助手推戲兩年

一邊拍戲一邊經營個人品牌藝人不少,唯獨余文樂目標為本,三 集《志明與春嬌》系列和真人騷《我們相愛吧》,在內地市場打開知名度 更奠定潮人暖男形象,借名氣幫品牌更上一層樓,漸漸把演藝事業變成副業。兩年前完成最後電影《悟空傳》宣傳工作後,索性連跟身多年藝 人助理都辭退、未有接新戲亦不見再錄製內地真人騷,依舊係空中飛人 周圍飛,不過就係遊走各地開會、巡舖會潮人。忙完生意,其餘時間當然主要留番畀老婆同囝囝。上周一家三口去高雄浸溫泉以外,樂仔亦不 時在個人IG分享父子時光,一時抱仔睇NBA、一時齊齊遊船河,醉心潮 流又愛靚車,樂仔唔止靚衫潮鞋一概有埋BB版,只得一歲人仔,Cody電 動車座駕亦有好幾款,可見樂仔搵到更捨得使喺老婆同囝囝身上。

15個月大余初見一直被父母收收埋 埋,日前跟住王棠云外出終於見到 真樣,五官相對更似爸爸。

司機臨走前與Cody說再見,醒目仔Cody亦都畀咗反應仲伸埋 手仔同司機飛吻byebye。

 

過橋抽板老友割席

為人父後話要生夠三個、做個好老竇、年初帶囝囝拜年仲話最緊要 教到Cody做個有禮貌的小朋友,講就天下無敵,不過由藝人變生意 人,余文樂做人又好做生意都好,手法就並非人人認同。經營個人品牌 試過被指抄襲、又曾經吹捧炒價,被網民鬧爆「永遠比不上陳冠希」;部署 做生意前,又被踢爆一味靠黐成功埋得郭富城沈嘉偉堆後,過橋抽板 被踢出朋友圈。所以Madness成立之時,亦是余文 樂與沈嘉偉、城城割席之際。明明大家前後腳結婚 做爸爸,城城擺酒不請昔日邊爐鐵腳余文樂、家有 兩個分別兩歲及三個月大的囡囡,亦永遠不會約埋 分享爸爸經,話雖未反面實情五年來不相往來。

 

果然如余文樂所言,Cody易湊又好奇心重,短短一程路眼仔碌碌又伸埋手仔周圍摸。

一個人湊住15個月大Cody上 門探朋友,王棠云毋須幫手獨自揹住奶粉袋再抱埋個仔一樣好輕鬆,巨型奶粉袋又係同老公自家品牌聯乘,今 次老闆娘做生招牌。

生意愈做愈大、家庭生活又愈見圓滿,不過余文樂行為就唔係人人睇得過眼,繼過橋抽板被富貴朋友圈割席後, 早前Cody開生日P,只遮自己個寶貝仔樣,亦被網民鬧 爆自私絕頂。

 

 

反骨被踢出局

當年兄弟聚頭、沈嘉偉旗下潮店上海旗艦店開幕例必預埋余文 樂,反面後就算城城結婚擺酒、分別做老竇,一樣互當透明。

 

鍾意晒車晒錶顯示身份地位今非昔比,余文樂連車 都有預埋寶貝仔買埋玩具版,仲訂造埋車牌。

 

結婚生仔後極力營造好老公同好爸爸形象,有鋪紋身癮的余文樂又再紋身紀念兒子出世。

 

以前看重演藝事業、拍戲行先,近年慢慢將重心放在個人潮牌上,余文樂自從《悟空傳》扮二郎神,已經足足兩年沒有接新戲。
成功由潮星將自己打造成潮人icon ,余文樂在內地消費影響長踞榜首,難怪棄影從商全力發展個人潮牌。

 

 

做生意樣樣親力親為其實不比拍戲走 南闖北輕鬆,生意愈做愈大,余文樂周圍飛又開會又見潮人傾合作一樣忙 碌。

經營潮牌再非副業,余文樂日前親自上陣為品牌與NewBalance合作產品拍片宣傳,直情以波鞋界「內行人」自居。

成功由潮星將自己打造成潮人icon ,余文樂在內地消費影 響長踞榜首,難怪棄影從商全力發展個人潮牌。

 

網民鬧爆

一樣被潮人吹捧、與潮牌合作掀起炒價,余文 樂沾沾自喜公開炒賣榜,一樣被網民不齒,指永遠不夠陳冠希專業。

除咗時裝生意,余文樂 有份投資的茶記亦多得 班明星老友同遊客撐愈 開愈多分店,今年三月 就開到去台北。

依然係余文樂好兄弟,周杰倫去年捧場灣仔店開幕、又幫手拍片力推,連上月秘密同老婆訪港,都要幫襯。