朱千雪

拍拖五年首次面對面過情人節 朱千雪變肥惹懷孕傳聞

最強精選

廣告

港姐清泉朱千雪,在31歲生日當天驚爆婚訊,宣布同青梅竹馬顧問醫生男友吳昆倫(Justin)拉埋天窗,已於上年8月成為醫生夫人的她,同男友由出世一刻已經緣訂今生。剛過去的情人節,千雪BB表示拍拖了五年,首次可以面對面慶祝情人節!因過去多年男友都留在新加坡工作,今次放閃更見千雪BB發福不少,網民紛紛討論是否有喜!

撰文:東方新地 圖片:新傳媒圖片、IG

拍拖後首次面對面慶祝情人節

兩人自2014年拍拖後,每個情人節都分隔兩地。今年千雪BB終於等到面對面慶祝情人節的機會,更在IG放閃:「經歷過太多次2月14日要分隔千里,我哋終於可以喺同一個地方慶祝!唔需要再喺視像通話上食情人節晚餐!」近日千雪BB亦表示自己發福不少,但日前已澄清並未懷孕,但藝人朋友相信都希望早她早日成為「朱媽媽」!

千雪表示自己於鼠年如豬仔般大食。

兩人生活低調 婚禮不浮誇

兩人除咗門當戶對,更難得係兩人連性格喜好都一致,同樣作風低調樸實,就連辦婚禮亦不愛浮誇,已經得夫家準備結婚厚禮的千雪BB,又獲富貴父親送上千萬嫁妝,雖然「大把」在手,不過千雪BB仍貫徹慳家低調作風,已決定不會在港大搞豪華婚宴,8月在峇里舉行的婚禮,亦只邀請至親好友出席見證分享喜悅;日前,千雪BB同媽咪趕辦嫁妝,母女出巡去買化妝品,務求以最靚一面出席婚禮,身穿熱褲的她神采飛揚,雖然未婚夫未有同行,但準新娘幸福擋也擋不住!

朱千雪慳搞峇里婚禮

6月28日31歲生日當天,朱千雪透過社交網報喜,宣布同拍拖五年醫生男友吳昆倫(Justin)結婚,將進入人生新階段的她,開心分享同未來老公仔的愛情故事,兩人愛情源於三十一年前,在同一間醫院相隔三天出世,名副其實緣訂今生。千雪BB的未婚夫Justin,出身於富裕家庭,父親乃香港老牌茶莊「祺棧茶行」的老闆,於中環和灣仔都有門市, 多年前更曾任香格里拉集團執行董事,家底豐厚,跟父親經營五金生意的朱千雪,可謂門當戶對。據知情者透露:「Tracy(朱千雪)同Justin(吳昆倫)喺同一間醫院出世,兩家人係世交,成日都會有聚會, Tracy性格純樸善良, 好得人鍾意,Justin父母可以話睇住佢大,對呢個新抱仔真係錫到燶,知道阿仔求婚成功不知幾開心,娶新抱仲出手闊綽,講明畀Justin同新抱仔任揀半億物業,話揀喺新加坡定香港都由佢哋揸主意, Tracy出年便會完成城市大學嘅律師博士學位,同TVB合約亦會屆滿,好大可能會隨老公移居新加坡,不過暫時佢哋仲未定長遠計劃!」

朱千雪
朱千雪在31歲生日當天公布婚訊,更在社交網連發多張同拍拖五年男友 Justin到愛爾蘭影的婚照,崇尚簡約的她,未有穿華麗婚紗,只以簡單款式的藍色長裙及喱士裙拍照,貫徹清泉港姐氣質,同老公仔盡顯甜蜜。

 

朱千雪
8月在峇里舉行婚禮的朱千雪,只邀至親好友出席見證。

 

 

揸旗搞婚禮

除了家庭背景襯到絕,兩人愛情修成正果,最重要是兩人無論學歷人品喜好都似到十足, Justin同千雪BB一樣孝順好學,雖然出身富裕卻不靠父蔭,在澳洲讀完醫科,現時在新加坡中央醫院擔任顧問醫生,才華橫溢,難怪成功贏得美人歸。據知情者透露:「千雪BB性格好真,同Justin性格夾到痺,Justin為人低調又好學,待人又夠細心,作為醫生呢方面好緊要,千雪BB就係欣賞男友乜都為人設想,拍拖之後,Justin仲會以女友睇法行先,真係好錫Tracy,求婚成功之後, Justin講明畀Tracy話晒事,想點搞婚禮都得,Tracy覺得結婚係兩個人嘅事,唔需要大事鋪張,加上兩家人都好低調,最後佢哋揀咗喺峇里搞婚禮,只會請至親好友出席見證, Tracy話唔想煩到人,亦唔想老人家頻頻撲撲,所以都唔會返加拿大再大搞,今次會包起當地一間酒店行禮,貪嗰度私隱度高!」

準夫婿Justin在新加坡中央醫院擔任顧問醫生,大婚在即依然非常忙碌,朱千雪則留港與家人籌備婚禮,日前母女出巡辦嫁妝及派帖,孝順女同媽咪邊行邊傾,準新娘更容光煥發,行去邊都特別搶鏡。

拍拖五年首次面對面過情人節 朱千雪變肥惹懷孕傳聞

婚前1,228萬入市

有富爸爸送贈千萬嫁妝,上月朱千雪便用個人名義,以千二萬購入跑馬地老牌私樓山光苑一個600呎單位。

 

拍拖五年首次面對面過情人節 朱千雪變肥惹懷孕傳聞

未婚夫搞驚喜

雖然一切從簡,但結婚畢竟是人生大事, Justin亦希望為老婆製造最難忘回憶,即使近月人在新加坡工作,仍為婚禮精心安排。據Justin好友透露:「雖然Justin喺新加坡工作好忙,但佢唔會要老婆乜都做晒,反而絞盡腦汁幫手籌備婚禮,仲諗咗唔少驚喜到時氹老婆,不過佢同屋企人已經夾好,一切都要保密,總之就要令Tracy成為最幸福嘅新娘子!」兩家人近日已開始派帖,朱千雪的圈中好友亦陸續收到囍帖,Tracy更細心為參加婚禮的親友安排食宿,其餘裝飾禮服一切從簡,務求應使則使。據Tracy好友透露:「Tracy冇為婚禮揀名牌婚紗,只係揀咗簡約款式,好似之前去愛爾蘭影婚照,都冇著華麗婚紗,連化妝、整頭同攝影師都冇隨行,只係搵好姊妹岑杏賢操刀拍攝,完全唔奢華計較派頭,呢啲慳妹好難得。」而一班索姊妹岑杏賢、湯洛雯、蔣家旻、張嘉兒等亦會飛峇里陪嫁,Tracy更會為姊妹團做紅娘,據知情者透露:「自己搵到幸福, Tracy都好想自己嘅好姊妹快啲有著落,好似岑杏賢、湯洛雯,自從甩拖之後,依家都未有新戀情,Tracy好戥姊妹心急,希望喺今次婚禮嘅浪漫氣氛之下,佢哋可以識到好男仔,所以同老公Justin已經商量好,會介紹老公班醫生筍盤畀好姊妹識,全力幫姊妹製造機會!」

作風低調的朱千雪,極少將家人面貌曝光,曾經話過有兩個靚妹妹的她,當日疑似兩個細妹都有同行。
拍拖五年首次面對面過情人節 朱千雪變肥惹懷孕傳聞

手持六千萬物業

為賀愛女踏入人生新階段,朱爸爸已準備千萬嫁妝送嫁,鑽石金器唔少得外,更會送物業給愛女;向來主張揸磚頭的朱爸爸,其實早在Tracy 19歲時,已經送贈小西灣藍灣半島及愉景灣兩個物業給女兒揸手,之後Tracy再購入多個工廈單位,今年七月宣布婚訊後亦有最新入市,以千二萬購入跑馬地老牌私樓一個600呎單位。據知情人士說:「由細到大,Tracy父母都好節儉,教導三個女應使則使,又教佢哋理財儲蓄,又鼓勵啲女儲磚頭保值,喺Tracy 19歲成年之後,已經買咗兩個物業畀佢揸手,雖然細細個已經咁富貴,不過得父母教女有方,Tracy一直都好慳家,生活好貼地,入行之後,都冇變大花筒追求名牌,Tracy一路都有個習慣,就係每個月一定會將收入一半儲起,剩低嘅一半亦會盡量只用二分一,咁多年嚟都冇變過,就算近年搵多好多,佢都只會愈儲愈多,儲到足夠嘅錢就會買磚頭,高峯時就試過擁有七個物業,賺過二千幾萬,依家手上仲有四個物業,加埋新買嘅山光苑,就有三個住宅單位同一個工廈單位,市值約6千萬!絕對係小富婆!」

有美貌有學識又有智慧的千雪BB,入行以來都保持親切待人態度,見到記者即友善打招呼。

拍拖五年首次面對面過情人節 朱千雪變肥惹懷孕傳聞

結婚在即,當然要為扮靚做足準備,朱千雪當日就不停睇香水和化妝品。

 

母女辦嫁妝

婚禮進入倒數階段,忙派帖之餘朱千雪日前就同媽咪趕辦嫁妝,母女行街購物非常開心,同行還有疑似是千雪曾提及的兩個靚妺妹,四人邊行邊講笑,期間朱千雪就不停揀香水和化妝品,相信是為婚禮做準備。而另一日,千雪則一個人出動,向來慳家的她,去咗平民時裝店睇衫,見到啱嘅即拼埋身,不過,慳妹並非浪得虛名,拼完一輪都忍手冇買,只行去Counter取回之前訂好的衣服,攞住一個小盒的她行去買咖啡飲,貼地女神真係時刻都咁吸引!

拍拖五年首次面對面過情人節 朱千雪變肥惹懷孕傳聞

跟未婚夫Justin青梅竹馬,兩人三十一年前在同一醫院相隔三日出世,當年兩小無猜時已經襯到絕,緣訂今生令人羨慕。

 

拍拖五年首次面對面過情人節 朱千雪變肥惹懷孕傳聞

忙於籌備婚禮的朱千雪,早前一個人去咗連鎖時裝店睇衫,雖然家底豐厚,但當日千雪 BB揀衫時卻諗過度過,而且好忍得手。

拍拖五年首次面對面過情人節 朱千雪變肥惹懷孕傳聞

神釆飛揚準新娘

朱千雪發揮慳妹本色,拼完一輪都忍手冇買,之後只去Counter取回之前訂咗的衣服。

拍拖五年首次面對面過情人節 朱千雪變肥惹懷孕傳聞

 

攞住戰利品的朱千雪,去咗買外賣咖啡,即將做人妻的她,更是神釆飛揚!

拍拖五年首次面對面過情人節 朱千雪變肥惹懷孕傳聞

慳妹再冇下場節目,自己揸車返回小西灣寓所,連座駕都係揸咗幾年的舊款Benz。

節目爆人生信念

朱千雪在《如果這樣生活》節目中,表示都市人愛追求物質,但她就嚮往簡樸生活,覺得只要堅持信念,生活已可以好滿足。

拍拖五年首次面對面過情人節 朱千雪變肥惹懷孕傳聞

好學不倦的朱千雪,15年放下如日中天的事業去讀法律,更以九個月速成原本兩年的中文大學企業傳播社會學系碩士學位,翌年再緊接在香港城市大學修讀為期三年的法律博士學位,還有一年才正式完成博士學位課程。

拍拖五年首次面對面過情人節 朱千雪變肥惹懷孕傳聞

 

 

拍拖五年首次面對面過情人節 朱千雪變肥惹懷孕傳聞

12年參加香港小姐選舉的朱千雪,一直是佳麗頂頭大熱,不過,該屆首度推行民選港姐,可惜投票一刻冧 Server,令大熱千雪 BB敗給張名雅及黃心穎,只能屈居季軍,但深得民心的她,就比兩人更受歡迎。

 

 

有演技又有觀眾緣,朱千雪16年憑《EU超時任務》,在《萬千星輝頒獎典禮》同王浩信奪《最受歡迎劇集拍檔》。

 

拍拖五年首次面對面過情人節 朱千雪變肥惹懷孕傳聞

12年跟朱千雪同年參選港姐而成好友的岑杏賢,是唯一有份飛去愛爾蘭陪朱千雪影婚照的好姊妹,婚照更由她操刀拍攝,友情之深不用多講。

拍拖五年首次面對面過情人節 朱千雪變肥惹懷孕傳聞

 

好姊妹岑杏賢、湯洛雯及蔣家旻,都會飛峇里陪嫁,嫁得好歸宿的朱千雪,更趁婚禮做紅娘,悉心安排醫生兄弟團益姊妹。

 

拍拖五年首次面對面過情人節 朱千雪變肥惹懷孕傳聞

Justin出身富裕之家,父親是香港老牌茶莊「祺棧茶行」的老闆,而Justin胞弟Jonathan亦係醫生,同阿哥一樣是醫界筍盤。

 

拍拖五年首次面對面過情人節 朱千雪變肥惹懷孕傳聞

Justin早年同家人移居新加坡,不過吳父在港仍有生意,經常兩邊飛。

拍拖五年首次面對面過情人節 朱千雪變肥惹懷孕傳聞

贏盡民心的千雪 BB,當選即被 TVB力捧,13年便擔正拍《on call 36小時 2》,與回歸無綫的吳啟華演情侶。

 

拍拖五年首次面對面過情人節 朱千雪變肥惹懷孕傳聞

雖然發展一帆風順,不過朱千雪選擇在當紮期去讀法律,17年只在假期時客串拍攝《踩過界》,該劇更隨時成為明年約滿無綫的千雪BB告別作。