無綫劇情時時無限Loop,單是「跳鋼管舞」已經在不同劇集中出現過好多次,盤點下來除了
朱晨麗、
陳法拉、
沈卓盈外,原來仲有幾下女藝人曾經演出過經典鋼管舞表演:
撰文:東方新地|圖片:新傳媒圖片庫、朱晨麗IG
朱晨麗 每日狂舉啞鈴
朱晨麗在2018年劇集《棟仁的時光》中飾演鋼管舞女,佢大呻拍呢套劇加埋《特技人》令佢練到成身肌肉:「尤其係《棟仁的時光》入面我要跳鋼管舞,需要用好大力量去夾住鋼管,所以跳嘅時候好痛,為咗練手力,我仲特登買咗兩個啞鈴返屋企,朝早起身或者訓覺前都舉百幾下,練到手腳都瘀晒,真係好佩服鋼管舞者,除非開續集,唔係我真係唔想再跳!」
朱晨麗在《棟仁的時光》中飾演Hailey Mok莫熙蓮,除咗係酒吧跳鋼管舞嘅舞者,仲係鋼管舞教室嘅創辦人,暗戀幼時同佢一樣係孤兒嘅男主角袁偉豪。
練到周身瘀,仲要每日不停堅持練習,真係唔容易!
陳法拉 2010年《誘情轉駁》
除咗朱晨麗外,仲有陳法拉當年喺《誘情轉駁》中都曾經表演鋼管舞,當中跳出唔少高難度動作,大受觀眾讚賞。
陳法拉跳嘅鋼管舞表演被觀眾視為經典。
沈卓盈、胡定欣 2009年《古靈精探B》
「沈大師」沈卓盈同胡定欣喺《古靈精探B》嘅鋼管舞演出比陳法拉更早一年播出,但動作就較簡單,勝在夠火辣性感。
胡定欣更谷出洶湧澎湃嘅身材!
細細嘅譚凱琪,亦有喺《誇世代》著熱褲大跳鋼管舞!
苟芸慧 2012年《仁心解碼II》鋼管舞
苟芸慧在2012年《仁心解碼II》都演過一場「鋼管舞」,但實情完全無上過鋼管,只係穿露肩裝扭扭下跳舞: