不懂撒嬌的女人

《不懂撒嬌》白雲晒E奶 詩詠被笑身材似11歲

最新娛聞

廣告

無綫首部4K劇集《 不懂撒嬌的女人 》昨晚首播,除了有久違的實力派宣萱同林文龍回歸,仲有唐詩詠、高海寧、孫慧雪等多位靚女!昨晚第一集觀眾已經非常有眼福,因為有內地佳麗白雲大晒「E Cup導彈」!相反詩詠就慘慘豬啦,竟然被對方取笑佢身材似11歲細路女!

詩詠除衫晒白肩

劇集初段講到商場因宣傳活動而而出現大量人流,商戶紛紛投訴影響生意,於是詩詠隨即出招,除低外套露出香肩,動作表情都好誘人!

詩詠過到去使出嗲功,提出精彩的解決辦法,三位商戶即時望到心心眼。詩詠果然厲害,兩三下手勢就成功安撫班大叔!

「A Cup之城」香港

之後詩詠去到好姊妹阿雪的內衣店,阿雪就指出香港係「A Cup之城」,詩詠的32A上圍就最能夠代表香港女仔!唔知一眾香港女士聽到後有咩感想……

詩詠身材似11歲

正當兩位香港靚女傾傾吓計,身懷「E Cup導彈」的上海佳麗白雲突然殺出,搶咗詩詠件32A內衣話「怎麼小,能穿嗎?」之後仲話件內衣啱晒11歲剛剛發育的小妹,擺明話詩詠身材似11歲啫!

攞咗人哋件內衣不特止,白雲仲要錄音俾男朋友,問對方鍾意邊一個「Bra Bra」,返到上海就即刻着俾對方睇咁話!

高炒E Cup導彈

頭先未睇清楚唔緊要,之後再嚟一段高炒鏡頭,等白雲大晒E級強勁胸器,路過的男士紛紛回頭係咁望!難怪一眾港女話佢唔單止係「警鐘胸」,直頭係「大笨鐘」!唔知劇集之後係咪仲有好多呢類鏡頭呢?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!